برفباری کا سلسلہ تھم جانے کے بعد مری میں دھوپ نکل آئی
اشاعت کی تاریخ: 24th, January 2026 GMT
برفباری کا سلسلہ تھم جانے کے بعد مری میں دھوپ نکل آئی، یخ بستہ ہوائیں بھی رک گئیں۔ مزید سیاحوں کو مری آنے کی اجازت ملے گی یا نہیں، فیصلہ آج دن 2 بجے تک کیا جائے گا۔
مری، گلیات اور گردونواح میں برفباری کا سلسلہ ختم ہو گیا اور اس کے بعد مری میں دھوپ بھی نکل آئی، جس سے ملکہ کوہسار پر سفید چادر سی چھا گئی اور قدرتی مناظر دیکھنے والوں کے لیے دلکش ہو گئے۔ تاہم، مری جانے والے راستے اب بھی سیاحوں کے لیے بند ہیں اور انہیں کھولنے یا سیاحوں کو اجازت دینے کا فیصلہ آج دوپہر کو کیا جائے گا۔
اسلام آباد ٹریفک پولیس کے افسران رش کو ختم کرنے اور باقی ٹریفک کو رواں دواں رکھنے میں مصروف ہیں۔ شہریوں اور سیاحوں سے درخواست کی گئی ہے کہ وہ اس جانب سفر سے گریز کریں تاکہ حادثات اور مزید مشکلات سے بچا جا سکے۔
محکمہ موسمیات کے مطابق لاہور، سرگودھا، گجرانوالہ، ساہیوال، ملتان، فیصل آباد، ڈیرہ غازی خان اور بہاولپور ڈویژن میں بھی بارش متوقع ہے۔
وزیراعلیٰ پنجاب کی ہدایت پر تمام متعلقہ محکموں کو الرٹ کر دیا گیا ہے تاکہ کسی بھی ہنگامی صورتحال سے نمٹا جا سکے۔
انتظامیہ نے شہریوں اور سیاحوں سے گزارش کی ہے کہ وہ موسم کی تازہ صورتحال کو مدنظر رکھتے ہوئے سفر کا فیصلہ کریں اور غیر ضروری مشکلات سے بچنے کے لیے احتیاطی تدابیر پر عمل کریں۔
.
ذریعہ
ذریعہ: Daily Mumtaz
پڑھیں:
آبنائے ہرمز میں ہر حملے کے بدلے ایک پل یا پاور پلانٹ تباہ کریں گے، ٹرمپ کی ایران کو نئی دھمکی
واشنگٹن(ڈیلی پاکستان آن لائن)امریکی صدر ڈونلڈ ٹرمپ نے ایران کو نئی دھکمی دیتے ہوئے خبردار کیا ہے کہ اگر ایران نے آبنائے ہرمز سے گزرنے والے کسی بھی جہاز کو نشانہ بنایا تو امریکہ اس کے جواب میں ایران کا ایک پل یا ایک پاور پلانٹ تباہ کر دے گا۔سوشل میڈیا پلیٹ فارم ٹروتھ سوشل پر جاری اپنے بیان میں ڈونلڈ ٹر مپ نے لکھا کہ آج سے اگر اسلامی جمہوریہ ایران آبنائے ہرمز میں کسی بھی جہاز پر میزائل، راکٹ، ڈرون یا کسی بھی دوسرے ہتھیار سے حملہ کرتا ہے تو امریکہ اس کے بدلے میں ایران کا ایک پل یا ایک پاور پلانٹ تباہ کرے گا، جن میں تہران کے اندر یا اس کے قریب واقع تنصیبات بھی شامل ہو سکتی ہیں۔ خیال رہے کہ یہ پہلا موقع نہیں جب ڈونلڈ ٹرمپ نے ایران کے شہری بنیادی ڈھانچے کو نشانہ بنانے کی دھمکی دی ہو۔ گزشتہ ہفتے ایک انٹرویو میں بھی انہوں نے کہا تھا کہ اگر ایران مذاکرات کی میز پر نہیں آیا تو امریکا اس کے تمام پل تباہ کر دے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار