سڈنی ہاربر میں شارک کے حملے میں زخمی ہونے والا 12 سالہ لڑکا دم توڑ گیا
اشاعت کی تاریخ: 24th, January 2026 GMT
آسٹریلیا کے شہر سڈنی میں شارک کے حملے میں شدید زخمی ہونے والا 12 سالہ لڑکا اسپتال میں انتقال کر گیا، جس کے بعد مشرقی ساحل پر حالیہ شارک حملوں کے باعث حفاظتی خدشات مزید بڑھ گئے ہیں۔
یہ بھی پڑھیں:امریکی ورجن آئی لینڈز میں شارک کا حملہ، خاتون ہلاک
رائٹرز کے مطابق نیکو اینٹک نامی 12 سالہ لڑکا اتوار کے روز واؤکلوز کے علاقے میں دوستوں کے ساتھ چٹانوں سے پانی میں چھلانگ لگا رہا تھا کہ اس دوران شارک نے اس پر حملہ کر دیا۔ یہ مقام سڈنی کے مرکزی کاروباری علاقے سے تقریباً 9 کلومیٹر کے فاصلے پر واقع ہے۔
حملے کے بعد نیکو کو اس کے دوستوں نے پانی سے نکالا اور دونوں ٹانگوں پر شدید زخموں کی حالت میں اسپتال منتقل کیا گیا، تاہم وہ جانبر نہ ہو سکا۔
نیکو کے اہلِ خانہ نے ایک بیان میں کہا کہ وہ دل شکستہ ہیں اور اپنے بیٹے کی موت کا دکھ الفاظ میں بیان نہیں کیا جا سکتا۔ ان کے مطابق نیکو ایک خوش مزاج، دوستانہ اور کھیلوں سے محبت کرنے والا بچہ تھا، جو اپنی مہربان اور فیاض فطرت کی وجہ سے سب کو عزیز تھا۔
رپورٹ کے مطابق حالیہ دنوں میں 2 دن کے دوران چار شارک حملوں کے بعد سڈنی سمیت درجنوں ساحل بند کر دیے گئے تھے۔ شدید بارشوں کے باعث پانی کی شفافیت کم ہو گئی تھی، جس سے شارک کے ساحل کے قریب آنے کے امکانات بڑھ گئے۔
یہ بھی پڑھیں:امریکی ورجن آئی لینڈز میں شارک کا حملہ، خاتون ہلاک
یاد رہے کہ گزشتہ برس ستمبر میں بھی سڈنی کے لانگ ریف ساحل پر ایک سرفر شارک کے حملے میں ہلاک ہوا تھا۔ ماحولیاتی تنظیموں کے مطابق آسٹریلیا میں سالانہ اوسطاً 20 شارک حملے ہوتے ہیں، جن میں سے 3 سے کم جان لیوا ثابت ہوتے ہیں، جبکہ ساحلوں پر ڈوبنے کے واقعات کی تعداد اس سے کہیں زیادہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا سڈنی شارک اٹیک.
ذریعہ
ذریعہ: WE News
کلیدی لفظ: ا سٹریلیا شارک اٹیک
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار