آزاد کشمیر میں شدید برف باری، ضلع باغ میں ایک شخص جاں بحق
اشاعت کی تاریخ: 24th, January 2026 GMT
آزاد کشمیر میں شدید برف باری نے گزشتہ کئی برس کا ریکارڈ توڑ دیا ہے۔ ضلع باغ کے علاقے ملوٹ میں برفانی طوفان کے باعث ایک شخص ہلاک جبکہ کئی عمارتیں اور گھر متاثر ہوئے ہیں۔ حکام نے ہنگامی اقدامات شروع کر دیے ہیں اور شہریوں کو غیر ضروری سفر سے گریز کی ہدایت کی گئی ہے۔
یہ بھی پڑھیں:این ڈی ایم اے نے پہاڑی و بالائی علاقوں میں شدید برفباری اور برفانی تودوں کے خطرے کا الرٹ جاری کردیا
آزاد کشمیر میں حالیہ شدید برف باری کے باعث ضلع باغ کے نواحی علاقے ملوٹ میں ایک شخص برفانی طوفان کی زد میں آ کر جاں بحق ہو گیا۔ محکمہ شاہرات و تعمیراتِ عامہ کے مطابق تحصیل دھیرکوٹ کے گاؤں نیلہ بٹ میں مارکی کی عمارت گر گئی جبکہ چمیاٹی میں 2 گھروں کو نقصان پہنچا۔
وزیر تعمیراتِ عامہ و مواصلات سردار ضیا القمر نے بتایا کہ برف باری اور ممکنہ لینڈ سلائیڈنگ کے پیش نظر آزاد کشمیر کے تمام اضلاع میں ہنگامی کنٹرول رومز قائم کر دیے گئے ہیں اور بھاری مشینری و ضروری آلات ہنگامی رسپانس کے لیے تیار رکھے گئے ہیں۔
یہ بھی پڑھیں:آزاد کشمیر میں برفباری کے کئی سالہ ریکارڈ ٹوٹ گئے، دھیرکوٹ میں عمارتیں گرنے سے نقصان
انہوں نے کہا کہ محکمہ شاہرات کا عملہ 24 گھنٹے الرٹ رہے گا اور سڑکوں کی بروقت بحالی کو اولین ترجیح دی جائے گی تاکہ عوام کو آمدورفت میں مشکلات کا سامنا نہ کرنا پڑے۔ شہریوں سے اپیل کی گئی ہے کہ وہ غیر ضروری سفر سے گریز کریں اور کسی بھی مشکل کی صورت میں قریبی کنٹرول روم سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر برفباری سردار ضیا القمر.
ذریعہ
ذریعہ: WE News
کلیدی لفظ: سردار ضیا القمر
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار