حضرات ہوجائیں ہوشیار! طلاق، دوسری شادی کی دھمکی قابلِ سزا جرم قرار
اشاعت کی تاریخ: 24th, January 2026 GMT
— فائل فوٹو
پارلیمنٹ کے مشترکہ اجلاس میں طلاق، دوسری شادی کی دھمکی سمیت گھریلو تشدد سے تحفظ اور روک تھام سے متعلق اہم قانون منظور کر لیا گیا ہے۔
مشترکہ اجلاس میں شرمیلا فاروقی کا پیش کردہ ڈومیسٹک وائلنس (پریوینشن اینڈ پروٹیکشن) ایکٹ 2025 کی منظوری دی گئی، جس کا اطلاق وفاقی دارالحکومت اسلام آباد میں ہوگا۔
اس بل میں گھریلو تشدد سے مراد جسمانی، نفسیاتی اور جنسی زیادتی ہے۔ اس قانون کے تحت بیوی کو گھورنا، اسے طلاق یا دوسری شادی کی دھمکی دینا اور اس کی مرضی کے خلاف گھر میں دیگر افراد کے ساتھ رہنے پر مجبور کرنا بھی قابلِ سزا جرم قرار دیا گیا ہے۔
اعظم نذیر تارڑ، نوید قمر، اعجاز جاکھرانی اور دیگر کی مشاورت سے معاملات طے پا گئے ہیں۔
ڈومیسٹک وائلنس ایکٹ 2025 کا اطلاق بیویوں، بچوں، بزرگ خاندان کے افراد، منہ بولے رشتہ داروں، خواجہ سرا افراد اور ایک ہی گھر میں رہنے والے دیگر افراد پر بھی ہو گا۔
قانون کے مطابق بیوی، بچوں یا گھر کے دیگر افراد کے ساتھ بدسلوکی، انہیں جذباتی یا نفسیاتی طور پر ہراساں کرنا جرم تصور کیا جائے گا، جس کی سزا 6 ماہ سے 3 سال تک قید اور 20 ہزار سے 1 لاکھ روپے تک جرمانہ ہو سکتا ہے۔
اس ایکٹ میں بیوی، بچوں، معذور افراد یا گھر میں رہنے والے بزرگوں کا پیچھا کرنا (اسٹاکنگ) بھی جرم قرار دیا گیا ہے۔
اسی طرح بیوی کو اس کی مرضی کے خلاف دیگر اہلِ خانہ کے ساتھ رہنے پر مجبور کرنا، یا خاندان کے کسی فرد کی نجی زندگی اور عزتِ نفس کی خلاف ورزی کرنا بھی قابلِ سزا جرم ہو گا۔
قانون کے مطابق بیوی یا گھر کے دیگر افراد کو جسمانی نقصان پہنچانے کی دھمکی دینا۔ کسی ساتھ رہنے والے فرد پر جھوٹے الزامات عائد کرنا یا بیوی، بچوں اور دیگر زیرِ کفالت افراد کی دیکھ بھال میں غفلت برتنا بھی قابلِ تعزیر جرم قرار دیا گیا ہے۔
ڈومیسٹک وائلنس ایکٹ 2025 میں معاشی استحصال اور جنسی زیادتی کو بھی جرائم کی فہرست میں شامل کیا گیا ہے، جبکہ جرمانہ ادا نہ کرنے کی صورت میں مزید 3 ماہ قید کی سزا بھی دی جا سکے گی، جو گھریلو تشدد میں ساتھ دے گا اسے بھی 6 ماہ سے 3سال تک قید اور 1 لاکھ روپے تک جرمانہ ہوگا۔
.
ذریعہ
ذریعہ: Jang News
کلیدی لفظ: دیگر افراد کی دھمکی گیا ہے
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار