سانحہ گل پلازہ؛ ملبے سے ملنے والا ڈیڑھ کلو سونا کس کا نکلا؟
اشاعت کی تاریخ: 24th, January 2026 GMT
سانحہ گل پلازہ میں منہدم ہونے والی عمارت کے ملبے سے برآمد ہونے والے ڈیڑھ کلو سونے سے متعلق اہم تفصیلات سامنے آ گئی ہیں۔
نجی ٹی وی چینل کی رپورٹ کے مطابق آگ لگنے کے بعد منہدم ہونے والی عمارت کا ملبہ ہٹانے کا عمل تاحال جاری ہے۔ سرچ آپریشن کے دوران آج ملبے سے ڈیڑھ کلو سونا برآمد ہوا، جس نے سب کی توجہ اپنی جانب مبذول کر لی۔
ضلعی انتظامیہ کا کہنا ہے کہ سونا اس جگہ سے ملا جہاں پہلے زیورات کی دکان قائم تھی۔ تصدیق کے بعد برآمد ہونے والا سونا دکان کے اصل مالک کے حوالے کر دیا گیا ہے۔
ڈپٹی کمشنر ضلع جنوبی جاوید نبی کھوسو کے مطابق ریسکیو ٹیمیں انتہائی احتیاط کے ساتھ ملبہ ہٹا رہی ہیں تاکہ کسی قیمتی سامان یا ممکنہ انسانی باقیات کو نقصان نہ پہنچے۔ ان کا کہنا ہے کہ ملبے میں اب بھی کئی ایسے حصے موجود ہیں جہاں مکمل رسائی حاصل نہیں ہو سکی۔
ادھر پولیس سرجن ڈاکٹر سمیعہ سید نے بتایا کہ اب تک 71 لاشیں اور انسانی باقیات کے نمونے حاصل کیے جا چکے ہیں، جن میں سے ڈی این اے ٹیسٹنگ کے ذریعے 16 افراد کی شناخت مکمل ہو گئی ہے۔ جلنے کے باعث ڈی این اے ٹیسٹ کا عمل پیچیدہ ہو گیا ہے، جس کی وجہ سے شناخت میں وقت لگ رہا ہے۔
گل پلازہ مینجمنٹ کمیٹی کے صدر تنویر پاستا کے مطابق اس سانحے میں 10 ارب روپے سے زائد کا مالی نقصان ہوا ہے، جبکہ اب بھی چند متاثرین کی لاشیں یا باقیات نہیں مل سکیں۔ ریسکیو 1122 کے مطابق عمارت کا تقریباً 10 سے 15 فیصد حصہ تاحال مکمل طور پر کلیئر نہیں ہو سکا، جہاں سرچ آپریشن آج بھی جاری ہے۔
ذریعہ
ذریعہ: Daily Mumtaz
کلیدی لفظ: کے مطابق
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا