فیصل زاہد ملک سال 2026 کے لیے FPCCI کی مرکزی قائمہ کمیٹی برائے میڈیا براڈکاسٹنگ کے کنوینر مقرر
اشاعت کی تاریخ: 24th, January 2026 GMT
اسلام آباد(ڈیلی پاکستان آن لائن)فیڈریشن آف پاکستان چیمبرز آف کامرس اینڈ انڈسٹری (FPCCI) نے معروف صحافی اور پاکستان آبزرور کے چیئرمین و سی ای او فیصل زاہد ملک کو سال 2026 کے لیے FPCCI کی مرکزی قائمہ کمیٹی برائے میڈیا براڈکاسٹنگ کا کنوینر مقرر کر دیا ہے۔
اس حوالے سے جاری کردہ باضابطہ نوٹیفکیشن کے مطابق فیصل زاہد ملک کو اختیار دیا گیا ہے کہ وہ ملک بھر سے میڈیا براڈکاسٹنگ کے شعبے سے تعلق رکھنے والے کم از کم نو پیشہ ور اور تجربہ کار افراد کو اپنی کمیٹی میں شامل کریں۔ انہیں ہدایت کی گئی ہے کہ نامزدگی کے 30 دن کے اندر کمیٹی کا اجلاس منعقد کریں جبکہ سہ ماہی بنیادوں پر اجلاس اور کارکردگی رپورٹ FPCCI سیکریٹریٹ کو پیش کی جائے گی۔
ڈونلڈ ٹرمپ نے کینیڈا کو چین سے تجارتی معاہدے کی صورت میں 100 فیصد ٹیرف عائد کرنے کی دھمکی دے دی
FPCCI کے صدر عاطف اکرام شیخ کی جانب سے جاری خط میں کہا گیا ہے کہ کمیٹی کی کارکردگی کو سہ ماہی بنیادوں پر جانچا جائے گا اور فعال کردار نہ ہونے کی صورت میں کنوینرشپ واپس بھی لی جا سکتی ہے۔ خط میں اس عزم کا اظہار کیا گیا ہے کہ کمیٹی FPCCI سیکریٹریٹ کے ساتھ قریبی رابطے میں رہتے ہوئے میڈیا براڈکاسٹنگ کے شعبے میں مؤثر تجاویز اور اقدامات سامنے لائے گی۔
مزید :.
ذریعہ
ذریعہ: Daily Pakistan
کلیدی لفظ: میڈیا براڈکاسٹنگ
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار