شوبز کے معروف جوڑے اقرا عزیز اور یاسر حسین کے ہاں دوسرے بچے کی آمد
اشاعت کی تاریخ: 24th, January 2026 GMT
پاکستان شوبز کے معروف جوڑے اقرا عزیز اور یاسر حسین کے ہاں بیٹی کی پیدائش ہوئی ہے۔
یاسر حسین نے انسٹاگرام پر خوشی کے اس لمحے کو اپنے مداحوں اور شوبز حلقوں کے ساتھ شیئر کیا۔
دل کو چھو لینے والی پوسٹ میں یاسر حسین نے اپنی بیٹی کی پیدائش کا اعلان کیا، اسپتال کے شناختی بینڈ کی تصویر شیئر کی اور ان قیمتی لمحات پر اپنی اہلیہ کا شکریہ ادا کیا۔ تاحال جوڑے نے نومولود بچی کی تصویر یا نام ظاہر نہیں کیا ہے۔
واضح رہے کہ اقرا عزیز اور یاسر حسین پہلے ہی ایک بیٹے کے والدین ہیں۔ انہوں نے نومبر 2025 میں سوشل میڈیا کے ذریعے دوسری حمل کی خوشخبری دی تھی، جس میں بیبی بمپ کے ساتھ تصاویر شیئر کی گئی تھیں۔
اس موقع پر اقرا عزیز نے پوسٹ کے کیپشن میں لکھا تھا: ’خوشی اور تھوڑے سے ہنگامے کے ساتھ، ہم چار ہونے جا رہے ہیں۔‘
ایک پرانے انٹرویو میں یاسر حسین نے اپنے پہلے بیٹے کبیر حسین کے ساتھ ہونے والی ایک جذباتی گفتگو کا ذکر کیا تھا، جس میں انہوں نے باپ بننے کی خوشیوں اور چیلنجز پر روشنی ڈالی۔
یاسر حسین نے مزید کہا تھا کہ اگرچہ مالی طور پر مستحکم جوڑے بڑے خاندان کا انتخاب کر سکتے ہیں، تاہم حتمی فیصلہ ہمیشہ خواتین کا ہونا چاہیے۔
اقرا عزیز اور یاسر حسین نے 2019 میں شادی کی تھی، جبکہ جولائی 2021 میں ان کے ہاں پہلے بیٹے کبیر حسین کی پیدائش ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اقرا عزیز بچے کی پیدائش شوبز وی نیوز یاسر حسین.
ذریعہ
ذریعہ: WE News
کلیدی لفظ: بچے کی پیدائش وی نیوز یاسر حسین اقرا عزیز اور یاسر حسین یاسر حسین نے کی پیدائش کے ساتھ
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے