ڈی آئی خان خودکش دھماکا، حملہ آور کی شناخت، مقدمہ درج
اشاعت کی تاریخ: 24th, January 2026 GMT
فوٹو: اے ایف پی
ڈیرہ اسماعیل خان (ڈی آئی خان) خودکش دھماکے کے حملہ آور کی شناخت کرلی گئی۔
کاؤنٹر ٹیررازم ڈپارٹمنٹ (سی ٹی ڈی) ڈی آئی خان میں خود کش حملے کا مقدمہ درج کیا گیا، جس میں دہشت گردی سمیت دیگر دفعات شامل ہیں۔
ایف آئی آر کے مطابق خودکش دھماکے میں 6 افراد شہید ہوئے جبکہ تفتیشی ٹیم نے جائے وقوعہ سے ڈی این اے سیمپلز اور فارنزک شواہد حاصل کرلیے ہیں۔
مقدمے کے متن کے مطابق گزشتہ رات شادی کی تقریب کے دوران مہمانوں کے کمرے میں خودکش دھماکا ہوا، حملہ آور کی شناخت ہوگئی ہے۔
ایف آئی آر کے مطابق خودکش حملہ آور عبدالرحمان کی پرورش افغان مہاجر کیمپ میں ہوئی، جس نے ابتدائی تعلیم غیر رسمی مراکز اور مدرسے میں حاصل کی۔
سی ٹی ڈی رپورٹ کے مطابق حملہ آور کم عمری میں انتہاپسند پروپیگنڈے کا شکار ہوا، جس نے گزشتہ روز امن کمیٹی کے سربراہ نور عالم محسود کے گھر پر خود کش دھماکا کیا۔
.
ذریعہ
ذریعہ: Jang News
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے