گلشن بہار میں ملزمان کی فائرنگ سے پولیس اہلکار زخمی
اشاعت کی تاریخ: 25th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر)کراچی کے ضلع ویسٹ میں تھانہ پاکستان بازار کی حدود میں مسلح ملزمان کی فائرنگ سے ایک پولیس اہلکار شدید زخمی ہو گیا۔ واقعے کی اطلاع ملتے ہی ایس ایس پی ویسٹ طارق الٰہی مستوئی نے فوری طور پر جائے وقوعہ کا دورہ کیا اور ملزمان کی فوری گرفتاری کے لیے ہنگامی احکامات جاری کیے۔ پاکستان بازار تھانے کی حدود اورنگی ٹاؤن گلشن بہار تارہ مال کے علاقے میںنامعلوم مسلح ملزمان نے فائرنگ کر کے پولیس اہلکار محمد اویس ولد محمد اکمل کو زخمی کر دیا۔ زخمی اہلکار تھانہ نارتھ کراچی انڈسٹریل ایریا (NKIA) میں تعینات ہے ،پولیس جوان دو دن سے ڈیوٹی سے غیر حاضر تھا گھر کے باہر واقعہ پیش آیا،ابتدائی اطلاع ہے کے مضروب کو ڈکیتی مزاحمت پر گولی لگی۔ زخمی اہلکار کو فوری طور پر قریبی ہسپتال منتقل کر دیا گیا ہے جہاں اسے طبی امداد دی جا رہی ہے۔ایس ایس پی ویسٹ طارق الٰہی مستوئی نے موقع پر موجود افسران کو ہدایات دیں کہ واقعے کے تمام پہلوؤں کا باریک بینی سے جائزہ لیا جائے۔ ایس ایس پی ویسٹ کا کہنا تھا کہ “پولیس اہلکار پر حملہ کرنے والے قانون کی گرفت سے بچ نہیں سکیں گے، ہم اپنے جوانوں کے تحفظ کے لیے ہر ممکن اقدام کریں گے۔ ایس ڈی پی او پاکستان بازار کی زیرِ نگرانی ایک خصوصی چھاپہ مار ٹیم تشکیل دے دی گئی ہے جو ملزمان کے ٹھکانوں پر چھاپے مار رہی ہے۔ ڈسٹرکٹ ویسٹ کی خصوصی ٹیکنیکل ٹیمیں بھی جائے وقوعہ پر پہنچ گئی ہیں۔ یہ ٹیمیں جدید ترین جیو فینسنگ، سی سی ٹی وی فوٹیج اور دیگر ڈیجیٹل ذرائع استعمال کرتے ہوئے ملزمان کا سراغ لگا رہی ہیں۔ جائے وقوعہ سے گولیوں کے خول اور دیگر شواہد اکٹھے کر لیے گئے ہیں جنہیں فارنزک لیبارٹری بھیجا جا رہا ہے۔ایس ایس پی ویسٹ نے عزم ظاہر کیا ہے کہ ملزمان کی شناخت کا عمل جلد مکمل کر لیا جائے گا اور انہیں کیفرِ کردار تک پہنچایا جائے گا۔ علاقے میں پولیس کا گشت بڑھا دیا گیا ہے اور مشتبہ افراد کی چیکنگ جاری ہے۔
ذریعہ
ذریعہ: Jasarat News
کلیدی لفظ: ایس ایس پی ویسٹ پولیس اہلکار ملزمان کی
پڑھیں:
اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں،جسٹس اشتیاق ابراہیم اے این ایف پر برہم
اسلام آباد(ڈیلی پاکستان آن لائن)سپریم کورٹ میں منشیات برآمدگی کیس میں جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
نجی ٹی وی چینل دنیا نیوز کے مطابق سپریم کورٹ میں منشیات برآمدگی کیس میں ملزمہ کی درخواست ضمانت پرسماعت ہوئی،جسٹس ہاشم کاکڑ کی سربراہی میں 3رکنی بنچ نے سماعت کی،ملزمہ کے وکیل نے عدالت کے رو برو اے این ایف ریڈکی سی سی ٹی وی فوٹیج چلائی،عدالت نے سی سی ٹی وی فوٹیج کا فرانزک کروانے کا حکم دیدیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وکیل نے کہاکہ واضح دیکھا جا سکتا ہے اے این ایف اہلکار منشیات لے کر گھر آیا، خودمنشیات گھر میں رکھ کر جھوٹا کیس بنایاگیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
اے این ایف اہلکار نے فوٹیج میں موجودگی کی تردید کردی،جسٹس اشتیاق ابراہیم نے کہاکہ اے این ایف کے اسلحہ بردار اہلکار تشدد کرتے نظر آ رہے ہیں،وکیل اے این ایف نے کہاکہ یہ فوٹیج کسی اور گھر میں کئے گئے ریڈ کی ہے۔
جسٹس ہاشم کاکڑ نے کہاکہ اے این ایف کے 10اہلکار تھے مگر 2لڑکیاں پھر بھی بھاگ گئیں؟ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی،وکیل احسن بھون نے کہاکہ گارڑی کی ریکوری کا ریکارڈ بھی تبدیل کیاگیا ہے،
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں ،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
جسٹس ہاشم کاکڑ نے اے این ایف اہلکار سے مکالمہ کرتے ہوئے کہاکہ جوانی ہمیشہ نہیں رہتی، کچھ خیال کیا کریں۔سپریم کورٹ نے 5لاکھ روپے مچلکوں کے عوض ملزمہ کی ضمانت منظورکرلی۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ