کراچی کی 418 سڑکوں کی از سر نو تعمیر کا فیصلہ
اشاعت کی تاریخ: 24th, January 2026 GMT
فائل فوٹو
کراچی میونسپل کارپوریشن (کے ایم سی) نے شہر بھر میں 418 سڑکوں کی از سر نو تعمیر کا فیصلہ کرلیا۔
ترجمان کے ایم سی کے مطابق میئر کراچی مرتضیٰ وہاب کی زیر صدارت محکمہ انجینئرنگ کا اجلاس ہوا۔
میئر کراچی نے شہر کے انفرا اسٹرکچر سے متعلق بڑا اعلان کیا اور کہا کہ کراچی بھر میں مزید 418 سڑکوں کی ازسر نو تعمیر کا فیصلہ کر لیا گیا ہے۔
اجلاس کے دوران مرتضیٰ وہاب نےکہا کہ حکومت کی جانب سے فنڈز کی منظوری کا عمل جاری ہے، اس لیے جلد از جلد ٹینڈرز کا اجرا کیا جائے اور ترقیاتی کام فوری طور پر شروع کیے جائیں۔
انہوں نے مزید کہا کہ کوشش ہے شہر کا انفرااسٹرکچر جلد بہتر ہو تاکہ کراچی کے عوام اس تبدیلی کو عملاً محسوس کر سکیں۔
مرتضیٰ وہاب نے بتایا کہ چیئرمین پی پی پی بلاول بھٹو زرداری کی خصوصی ہدایت پر کراچی کے لیے خصوصی پیکیج اور اضافی فنڈز فراہم کیے جا رہے ہیں تاکہ شہر کے دیرینہ مسائل حل کیے جا سکیں۔
اجلاس کے دوران میئر کراچی نے جاری ترقیاتی منصوبوں کا بھی جائزہ لیا اور میونسپل کمشنر سمیرا حسین کو ہدایت کی کہ ہر منصوبے میں بیوٹیفکیشن کو بھی شامل رکھا جائے، شاہراہوں کو صرف مکمل ہی نہیں بلکہ خوبصورت بھی بنایا جائے۔
اجلاس میں مشیر مالیات گلزار ابڑو نے 418 سڑکوں کی نئی تعمیر سے متعلق تفصیلی بریفنگ دی۔
.
ذریعہ
ذریعہ: Jang News
کلیدی لفظ: سڑکوں کی
پڑھیں:
پاکستان انسٹی ٹیوٹ آف فیشن ڈیزائن میں قائممقام وائس چانسلر کی تعیناتی کیلیے سینیٹ کا اجلاس طلب
پاکستان انسٹی ٹیوٹ آف فیشن ڈیزائن میں قائمقام وائس چانسلر کی تعیناتی کیلیے سینیٹ کا اہم اجلاس31 جولائی کو طلب کر لیا گیا جس میں صدر پاکستان و چانسلر کی ہدایات پر قائمقام وی سی کی تعیناتی سے متعلق ایجنڈے پر دوبارہ غور کیا جائے گا۔
تفصیلات کے مطابق صدر پاکستان نے 24اپریل کو ریفرنس وزارت تعلیم کو بھجوایا ہے جس میں بطور چانسلر پاکستان انسٹی ٹیوٹ آف فیشن ڈیزائن ایکٹ کی شق8(6)کے تحت سینٹ کے 17ویں اجلاس کے ایجنڈا نمبر13پر دوبارہ غور کرنے کی ہدایات جاری کی ہیں۔
دستیاب دستاویز کے مطابق 5 جنوری2026 کو ہونے والے سینیٹ کے17ویں اجلاس میں سابق وائس چانسلر پروفیسر حناطیبہ خلیل کو بطور وائس چانسلر کام جاری رکھنے کی منظوری دی گئی حالانکہ پروفیسر حنا طیبہ خلیل دو ٹرم مکمل کر چکی تھیں۔
سینیٹ کی قائمہ کمیٹی برائے تعلیم نے بھی پاکستان انسٹی ٹیوٹ آف فیشن ڈیزائن کے سینٹ اجلاس (جس میں حناطیبہ خلیل کو قائمقام وائس چانسلر ذمہ داریاں جاری رکھنے کی منظوری دی) کو کالعدم قرار دینے کی سفارش کر رکھی۔
قائمہ کمیٹی کی چیئرپرسن بشری انجم بٹ نے اجلاس کے دوان کہا تھا کہ عبوری وائس چانسلر کی تعیناتی سے متعلق ایوان صدر نے واضح کیا تھا کہ ایجنڈے کی منظوری نہیں لی گئی تھی۔
ذرائع نے بتایا کہ بشری انجم بٹ نے پاکستان انسٹی ٹیوٹ آف فیشن ڈیزائن کی وائس چانسلر کی تعیناتی سے متعلق ریفرنس ایوان صدر کو بھجوایا جس میں کہا گیا کہ انسٹی ٹیوٹ کے فیکلٹی ممبران ،افسران اور سٹیک ہولڈرز کی جانب سے الزامات لگائے کہ پروفیسر حناطیبہ خلیل وائس چانسلر بد انتظامی اور اختیارات کے غلط استعمال کی پریکٹس میں ملوث ہیں۔
انسٹی ٹیوٹ کی پروکیورمنٹ اور مالی معاملات میں بے ضابطگیوں سمیت انسٹی ٹیوٹ میں گورننس کے بدترین صورتحال ہے، اس کے علاوہ گرلز ہاسٹل کی تعمیر سے متعلق 450 ملین کے ٹینڈرز میں مبینہ بے ضابطگیاں بھی ہوئی ہیں۔
ایوان صدر نے سینیٹر بشری انجم بٹ کی جانب سے بھجوائے گئے ریفرنس پر اپنی سفارشات وزارت تعلیم کو بھجوا دی ہیں،
وزارت تعلیم کے ذرائع نے سینیٹ اجلاس کی تصدیق کرتے ہوئے کہا ہے کہ ایوان صدر کی ہدایات کی روشنی میں سینئر فیکلٹی ممبر کو ہی قائمقام وائس چانسلر پاکستان انسٹی ٹیوٹ آف فیشن ڈیزائن تعینات کیا جائے گا اور اس حوالے سے سنیارٹی لسٹ منگوا لی گئی ہے،
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی