کراچی، ایک ماہ سے کم وقت میں 3 ہزار سے زائد کتوں کے کاٹنے کے کیسز ریکارڈ
اشاعت کی تاریخ: 24th, January 2026 GMT
فائل فوٹو
کراچی میں یکم جنوری سے اب تک 3 ہزار سے زائد کتوں کے کاٹنے کے کیسز ریکارڈ کیے گئے ہیں۔
کراچی کے سرکاری اور نجی اسپتالوں میں کتوں کے کاٹے کے کیسز میں نمایاں اضافہ ریکارڈ کیا گیا ہے۔
ترجمان انڈس اسپتال کے مطابق کراچی کے مختلف اسپتالوں میں رواں سال اب تک کتوں کے کاٹنے کے 3 ہزار 40 کیسز رپورٹ ہو چکے ہیں۔
کراچی میں سال 2026ء کے صرف 5 دنوں میں کتے کے کاٹنے کے 850 سے زائد کیسز رپورٹ ہوئے ہیں۔
ترجمان کے مطابق یکم جنوری سے اب تک انڈس اسپتال میں سب سے زیادہ، 1300 سے زائد ڈاگ بائٹ کیسز رپورٹ ہوئے ہیں۔
جناح اسپتال کے ترجمان ڈاکٹر عرفان صدیقی کے مطابق اسپتال میں اسی عرصے کے دوران 700 سے زائد کیسز سامنے آ چکے ہیں۔
اس کے ساتھ سول اسپتال میں رواں سال کے آغاز سے اب تک کتے کے کاٹے کے1 ہزار نئے کیسز رپورٹ ہوئے ہیں۔
اسپتال حکام کے مطابق مریضوں کی بڑی تعداد روزانہ ایمرجنسی میں لائی جا رہی ہے، نجی اسپتالوں میں بھی کتوں کے کاٹنے کے واقعات رپورٹ ہو رہے ہیں، اسٹیڈیم روڈ پر واقع نجی اسپتال میں اب تک 20 کیسز رپورٹ ہوئے ہیں۔
ترجمان کے مطابق متاثرہ افراد کو ابتدائی طبی امداد فراہم کی جاتی ہے، اسی طرح فیڈرل بی ایریا کے ایک نجی اسپتال میں بھی 20 کیسز رپورٹ ہوئے ہیں۔
ڈاکٹر فاروق مامجی کا کہنا ہے کہ ابتدائی علاج کے بعد مریضوں کو سرکاری اسپتال منتقل کر دیا جاتا ہے۔
.
ذریعہ
ذریعہ: Jang News
کلیدی لفظ: کیسز رپورٹ ہوئے ہیں کتوں کے کاٹنے کے اسپتال میں نجی اسپتال کے مطابق
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا