کمشنرحیدرآباد ٹیم کے ساتھ میہڑ کے دورے پر پہنچ گئے
اشاعت کی تاریخ: 24th, January 2026 GMT
data-id="863a0a8" data-element_type="widget" data-widget_type="theme-post-content.default">
میہڑ (نمائندہ جسارت) کمشنر حیدرآباد فیاض حسین عباسی، ڈپٹی کمشنر دادو سید علی مرتضیٰ شاہ کے ہمراہ میہڑ پہنچے، جہاں انہوں نے شمس الدین بلبل ہائی اسکول، میہڑ کمیونٹی سینٹر، لائبریری، ریونیو آفس، سب جیل میہڑ، اسسٹنٹ کمشنر آفس اور تعلقہ اسپتال میہڑ کا دورہ کیا اور وہاں جاری ترقیاتی اور مرمتی کاموں کا جائزہ لیا۔کمشنر حیدرآباد کی آمد پر مختلف اداروں میں ہلچل مچ گئی۔ شہر میں صفائی کی ناقص صورتحال، دفاتر میں موجود ملازمین کی کوتاہیوں اور دیگر مسائل پر انہوں نے ملازمین اور مقامی انتظامیہ کے افسران کی سرزنش کی اور شہر و اداروں میں بہتری لانے کی ہدایات جاری کیں۔تعلقہ اسپتال میہڑ میں صحافیوں سے گفتگو کرتے ہوئے کمشنر حیدرآباد فیاض حسین عباسی نے کہا کہ انہوں نے اسپتال کا دورہ کیا ہے اور انتظامیہ نے بریفنگ دی ہے کہ یکم فروری سے اسپتال کو گمس (GIMS) کی انتظامیہ کے حوالے کر دیا جائے گا۔ اسپتال میں نئے شعبے قائم ہو چکے ہیں اور نئی مشینری بھی پہنچ چکی ہے، جلد اسپتال کو مکمل طور پر فعال کر دیا جائے گا۔ انہوں نے اسپتال میں زیرِ علاج مریضوں سے بھی خیریت دریافت کی اور میڈیکل سپرنٹنڈنٹ ڈاکٹر عبدالوحید دریا نی سمیت عملے سے بریفنگ لی۔کمشنر نے کہا کہ میہڑ میں سرکاری عمارتوں اور پلاٹس پر قبضوں کی اطلاعات موصول ہوئی ہیں، جس پر ڈی سی دادو سے رپورٹ طلب کی گئی ہے اور اس حوالے سے لائحہ عمل تیار کیا جائے گا۔ میہڑ میں واٹر سپلائی، فلٹر پلانٹ، نکاسی آب اور گیس کی نئی پائپ لائن بچھانے سے متعلق موصول ہونے والی شکایات پر بھی رپورٹ طلب کر کے عملدرآمد کرایا جائے گا۔انہوں نے کہا کہ صحت کے محکمے کی جانب سے فراہم کردہ ریسکیو 1122 ایمبولینسز کا مرکز میہڑ میں قائم کرنے کی کوشش کی جائے گی۔ اس سے قبل انہوں نے تاریخی شمس الدین بلبل اسکول، جو این جی او کے حوالے کیا گیا ہے، کے مرمتی کاموں کا بھی جائزہ لیا۔ کمشنر کے مطابق حکومت، ای ایم اوز کے ساتھ مل کر تعلیم میں بنیادی سہولیات فراہم کرنے اور بچوں کو عالمی معیار کا تعلیمی ماحول دینے کے لیے کام کر رہی ہے تاکہ نچلی سطح سے بہتری لائی جا سکے۔ ای ایم اوز حکومت کے ساتھ مل کر تعلیمی بہتری میں معاون کردار ادا کر رہی ہیں۔ڈفتھیریا (گلے کی بیماری) کے باعث بچوں کی اموات کے حوالے سے کمشنر حیدرآباد فیاض حسین عباسی اور ڈی سی دادو سید مرتضیٰ علی شاہ نے کہا کہ یہ بیماری ان بچوں میں پھیلی جو حفاظتی ٹیکے لگوانے سے محروم رہ گئے تھے۔ ان کے مطابق ہجرت، صحت کی ٹیموں سے تعاون نہ کرنے اور بچوں کو ٹیکے نہ لگوانے کے باعث بچے اس بیماری کا شکار ہوئے۔ انہوں نے بتایا کہ میہڑ کے مختلف علاقوں میں کیمپس قائم کیے گئے ہیں۔
ذریعہ
ذریعہ: Jasarat News
کلیدی لفظ: نے کہا کہ انہوں نے میہڑ میں جائے گا
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی