چیئرمین ناظم آباد ٹاون کی زیر صدارت شب برات کے حوالے سے اجلاس
اشاعت کی تاریخ: 25th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)ناظم آ با د ٹاؤن کے قبرستانوں میں شب برات سے قبل صفائی ستھرائی کا عمل شروع کر دیا گیا ہے، چیئر مین ناظم آ با د ٹاؤن سید محمد مظفر کا سولڈ ویسٹ منیجمنٹ کے اے ڈی سہیل بھٹو کے ہمراہ شب برات کے حوالے سے اجلاس کا انعقاد،جس کی صدارت چیئر مین ناظم آ با د ٹاؤن سید محمد مظفر، وائس چیئر مین نعمان صدیقی،میونسپل کمشنر اطہر سعید نے کی اجلاس میں شب برات کے حوالے سے کئے جانے والے انتظامات کا جائزہ لیا گیا۔اس مو قع پر ڈائریکٹر سینی ٹیشن ظہیر احمد،ڈائریکٹر پارکس،سندھ سولڈ ویسٹ منجمنٹ کے فسران و عملہ دیگر متعلقہ افسران بھی موجو د تھے۔ چیئرمین سید محمد مظفر نے کہا کہ ناظم آ با د ٹاون کی انتظامیہ شب برات کے موقع پر زائرین قبرستان کو ہر ممکنہ بلدیاتی سہولیات کی فراہمی کے لئے کوشاں ہے انہوں نے کہا کہ ماہ شعبان کے آتے ہی ناظم آ با د ٹاؤن کی جانب سے قبرستانوں میں صفائی ستھرائی کا عمل جاری کر دیا گیا ہے ہر سال کی طرح اس سال بھی شب برات کے موقع پر اپنے پیاروں کی قبروں پر فاتحہ خوانی کے لئے آنے والے افراد کو بلدیاتی سہولیات کی فراہمی کے لئے اپنے تمام دستیاب وسائل برؤے کار لارہی ہے اس سلسلے میں ناظم آباد ٹاون کے متعلقہ محکموں نے چیئر مین کو یقنین دہانی کرائی کے ناظم آباد میں قائم قبرستانوں میں صفائی ستھرائی اور جھاڑیوں کی چھٹائی سمیت قبرستان آنے والے راستوں کی صفائی ستھرائی،گڑھوں کی بھرائی،استرکاری اور روشنی کے انتظامات کو ممکن بنا ئیں گے۔ وائس چیئر مین نعمان صدیقی نے متعلقہ محکموں کے افسران کو ہدایت دیتے ہوئے کہا کہ مساجد، امام بارگاہوں، قبرستانوں اور روحانی محافل کے اجتماعات کی جگہوں پر صفائی ستھرائی اور روشنی کے خصوصی انتظامات کئے جائیں،اس موقع پر میونسپل کمشنر اطہر سعید نے کہا کہ قبرستان پرعوام کی سہولت کے لئے کیمپس قائم کئے جائیں گے جہاں عوام کی تواضع ٹھنڈے پانی اور مشروبات سے کی جائے گی۔
ذریعہ
ذریعہ: Jasarat News
کلیدی لفظ: صفائی ستھرائی شب برات کے د ٹاو ن چیئر مین کے لئے کہا کہ
پڑھیں:
کالم نگار کو بیوروکریسی کے بارے میں مبینہ ریمارکس پر نوٹس صرف مؤقف حاصل کرنے کے لیے جاری کیا گیا تھا، اس پر کوئی ایف آئی آر درج نہیں کی گئی، سینیٹ کی قائمہ کمیٹی برائے اطلاعات و نشریات کے اجلاس میں این سی سی آئی کی بریفنگ
اسلام آباد (ڈیلی پاکستان آن لائن)سینیٹر سرمد علی کی قائم مقام صدارت میں پی ٹی وی ہیڈ کوارٹر اسلام آباد میں سینیٹ کی قائمہ کمیٹی برائے اطلاعات و نشریات کا اجلاس منعقد ہوا جس میں این سی سی آئی اے کی جانب سے سوشل میڈیا کے اعداد و شمار اور میٹا کی جانب سے قابلِ اعتراض مواد ہٹانے کے حوالے سے بریفنگ دی گئی۔ این سی سی آئی اے نے واضح کیا کہ اس سے قبل کمیٹی کو جو اعداد و شمار فراہم کیے گئے تھے، وہ میٹا کے عوامی سطح پر دستیاب ڈیٹا پر مبنی تھے۔ کمیٹی نے اس وضاحت کو قبول کیا اور تصدیق شدہ حقائق کی بنیاد پر ذمہ دارانہ رپورٹنگ کی ضرورت پر زور دیا۔
کمیٹی نے بیوروکریسی کے بارے میں مبینہ متنازعہ ریمارکس پر ایک اخبار کے کالم نگار کو نوٹس جاری کرنے کے معاملے کا بھی جائزہ لیا۔ این سی سی آئی اے نے کمیٹی کو بتایا کہ یہ نوٹس پاس (PAS) افسران ایسوسی ایشن کے صدر کی طرف سے درج کرائی گئی شکایات کے بعد صرف کالم نگار کا مؤقف حاصل کرنے کے لیے جاری کیا گیا تھا۔ مزید آگاہ کیا گیا کہ پیکا کے تحت کوئی ایف آئی آر درج نہیں کی گئی، کالم نگار نے تاحال نوٹس کا جواب نہیں دیا، اور یہ مضمون اخبار کے ای پیپر سے ہٹا دیا گیا ہے، اگرچہ یہ کالم نگار کے فیس بک پیج پر اب بھی دستیاب ہے۔
سینیٹ کی قائمہ کمیٹی برائے اطلاعات و نشریات کا اجلاس،فلم "بلھا" پر پابندی یا نام تبدیلی کی سفارش، صحافیوں کے ہاؤسنگ کوٹے اور پیکا کیسز پر اہم فیصلے
بحث کے دوران اراکین نے پارلیمنٹ میں دی گئی حکومت کی اس یقین دہانی کو دہرایا کہ پیکا کا استعمال اخبارات اور ٹیلی ویژن کی ویب سائٹس یا ڈیجیٹل پلیٹ فارمز کے خلاف نہیں کیا جائے گا کیونکہ ان کے منظم کردہ مواد کو بالترتیب پریس کونسل اور پیمرا کنٹرول کرتے ہیں۔ سینیٹر پرویز رشید نے اس بات پر زور دیا کہ حقائق واضح کرنے کے لیے کالم نگار کو نوٹس کا جواب دینے کا کہا جائے۔ کمیٹی نے متفقہ طور پر مشاہدہ کیا کہ ہر فرد کی عزت اور تقدس کا احترام کیا جانا چاہیے۔ مشاورت کے بعد، قائم مقام چیئرمین نے این سی سی آئی اے کو ہدایت کی کہ وہ شکایت اور شکایات کنندہ دونوں کو پریس کونسل آف پاکستان کے پاس بھیجیں، جو کہ شائع شدہ کالم کا جائزہ لینے اور اس معاملے پر فیصلہ کرنے والا مناسب فورم ہے۔
کمیٹی نے صوبائی حکام سے پیکا کے مقدمات کی این سی سی آئی اے کو منتقلی کا بھی جائزہ لیا۔ سینیٹر وقار مہدی کے سوال پر این سی سی آئی اے کے حکام نے کمیٹی کو بتایا کہ سندھ سے اب تک صرف نو مقدمات منتقل کیے گئے ہیں، جبکہ دیگر صوبوں میں مقدمات کی منتقلی کا عمل ابھی باقی ہے۔ تفصیلی غوروخوض کے بعد، سینیٹر سرمد علی نے ہدایت کی کہ تمام متعلقہ صوبائی حکام کو خطوط بھیجے جائیں تاکہ عمل درآمد کے لیے سینیٹ کی ذیلی کمیٹی برائے اطلاعات و نشریات کی سفارشات اور رپورٹ کے ساتھ زیر التوا مقدمات کی منتقلی کو تیز کیا جا سکے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار