بسنت فیسٹیول کے دوران ایس او پیز پر مکمل عملدرآمد کیا جائیگا: عظمیٰ بخاری
اشاعت کی تاریخ: 25th, January 2026 GMT
لاہور (نوائے وقت رپورٹ) وزیر اطلاعات و ثقافت پنجاب عظمیٰ بخاری نے کہا ہے کہ لاہور میں تین روزہ بسنت فیسٹیول کا انعقاد کیا جا رہا ہے، جو 6، 7 اور 8 فروری کو منعقد ہوگا۔ عظمٰی بخاری نے کہا کہ وزیراعلیٰ پنجاب مریم نواز کی قیادت میں اور قائد مسلم لیگ (ن) میاں محمد نواز شریف کے وژن کے مطابق پنجاب کے ثقافتی رنگ، روایات اور خوشیوں کو دوبارہ زندہ کیا جا رہا ہے۔ بسنت پنجاب کی قدیم تہذیب، ثقافت اور خوشیوں کی علامت ہے، جسے بھرپور انداز میں منایا جائے گا۔ انہوں نے واضح کیا کہ بسنت فیسٹیول کے انعقاد کے دوران سخت ایس او پیز پر مکمل عملدرآمد یقینی بنایا جائے گا تاکہ شہری ایک محفوظ، خوشگوار اور ذمہ دارانہ ماحول میں اس تہوار سے لطف اندوز ہو سکیں۔ حکومت عوام کی خوشیوں، ثقافتی ورثے اور شہریوں کی جان و مال کے تحفظ کو اولین ترجیح دیتی ہے، اسی لیے ’’محفوظ بسنت‘‘ کے تصور کو عملی شکل دی جا رہی ہے۔
.
ذریعہ
ذریعہ: Nawaiwaqt
پڑھیں:
مارکیٹوں اور دکانوں کے اوقات کار میں توسیع کی منظوری
فوٹو: فائلکفایت شعاری اقدامات کی نگرانی و عملدرآمد کمیٹی نے مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ