آر جے مہوش کا یوزویندر چہل کو ان فالو کرنے کے بعد مبہم پیغام
اشاعت کی تاریخ: 25th, January 2026 GMT
بھارتی کرکٹر یوزویندر چہل اور آر جے مہوش کے درمیان ان بن ہو گئی، انسٹاگرام پر ایک دوسرے کو ان فالو کرنے کے بعد مبہم پیغام جاری کر دیا۔
بھارتی میڈیا کے مطابق بھارتی کرکٹر یوزویندر چہل اور معروف کنٹینٹ کری ایٹر آر جے مہوش کے درمیان تعلقات میں دراڑ کی خبریں اس وقت شدت اختیار کر گئیں جب دونوں نے انسٹاگرام پر ایک دوسرے کو ان فالو کر دیا، اس اقدام کے چند دن بعد مہوش کی ایک پراسرار سوشل میڈیا پوسٹ نے مداحوں کو سوچنے پر مجبور کر دیا۔
مہوش نے گزشتہ روز ایک مختصر ویڈیو شیئر کی جس میں وہ گاڑی میں بیٹھی اپنے بال ٹھیک کر رہی ہیں، ویڈیو کے کیپشن میں انہوں نے لکھا ہے کہ 90 فیصد وقت آپ مجھے اپنے بال سنوارتے ہوئے دیکھیں گے، باقی وقت میں اپنی زندگی سنوارتی ہوں، اس کے ساتھ انہوں نے ہنسنے والا ایموجی بھی لگایا ہے، جسے سوشل میڈیا صارفین ان کی ذاتی زندگی میں آنے والی تبدیلیوں کا اشارہ قرار دے رہے ہیں۔
واضح رہے کہ 2025ء میں کوریوگرافر دھنا شری ورما سے طلاق کے بعد یوزویندر چہل اور آر جے مہوش کو اکثر ایک ساتھ دیکھا گیا، جس سے ان کے درمیان عشق و محبت کی افواہیں پھیل گئی تھیں، اگرچہ دونوں ہمیشہ یہ دعویٰ کرتے رہے کہ وہ صرف اچھے دوست ہیں، لیکن حالیہ ان فالو گیم نے کہانی میں نیا موڑ پیدا کر دیا ہے۔
یوزویندر چہل نے کچھ عرصہ قبل ایک پوڈ کاسٹ میں ان افواہوں کی تردید کی تھی اور انکشاف کیا تھا کہ سوشل میڈیا پر مہوش کو شدید ٹرولنگ کا نشانہ بنایا گیا اور انہیں گھر اجاڑنے والی تک کہا گیا۔
یوزویندر چہل نے کہا تھا کہ مجھے بہت برا لگا، لوگ جو چاہیں سوچیں لیکن ہمارے درمیان ایسا کچھ نہیں۔
اپنی نجی زندگی کے بارے میں بات کرتے ہوئے چہل نے اعتراف کیا تھا کہ میں دوبارہ محبت کرنے کے خلاف نہیں لیکن زخم بھرنے کے لیے وقت چاہیے، میں دوبارہ محبت سے نہیں ڈرتا، لیکن کسی کو کھونے سے ڈرتا ہوں۔
فی الحال نہ تو یوزویندر چہل اور نہ ہی مہوش نے ان فالو کرنے کی کوئی باقاعدہ وجہ بتائی ہے، جس کی وجہ سے مداحوں میں بے چینی پائی جاتی ہے۔
.
ذریعہ
ذریعہ: Daily Mumtaz
کلیدی لفظ: یوزویندر چہل اور ا ر جے مہوش ان فالو کر کر دیا
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا