نئے صوبوں پر کوئی قدغن نہیں، اصل مسئلہ اختیارات کی نچلی سطح تک منتقلی ہے، خواجہ آصف
اشاعت کی تاریخ: 25th, January 2026 GMT
وزیر دفاع خواجہ آصف نے کہا ہے کہ ملک میں نئے صوبے بنانے پر کوئی آئینی یا سیاسی اعتراض نہیں ہونا چاہیے، تاہم اصل مسئلہ یہ ہے کہ جب تک اختیارات نچلی سطح تک منتقل نہیں کیے جاتے، گورننس کا نظام مؤثر طور پر کام نہیں کر سکتا۔ ان کا کہنا تھا کہ مضبوط لوکل گورنمنٹ نظام کے بغیر ریاستی ڈھانچہ کمزور ہی رہتا ہے۔
یہ بھی پڑھیں:کے پی حکومت کا دہشتگردی کے خلاف جنگ میں کوئی عملی کردار نظر نہیں آتا، وزیر دفاع خواجہ آصف
لاہور میں ایک نجی یونیورسٹی کے زیر اہتمام 3 روزہ تھنک فیسٹ کے دوسرے روز ’تاریخی اور تقابلی تناظر میں عالمی عدم مساوات‘ کے موضوع پر خطاب کرتے ہوئے خواجہ آصف نے کہا کہ اختیارات کی نچلی سطح تک منتقلی سے ٹیکس وصولی میں بہتری آئے گی اور ریاستی وسائل میں اضافہ ممکن ہوگا۔ انہوں نے واضح کیا کہ ترقی یافتہ ریاستوں کی بنیاد مضبوط مقامی حکومتوں پر ہوتی ہے۔
وزیر دفاع کا کہنا تھا کہ یہ بات سمجھ سے بالاتر ہے کہ سیاسی برادری لوکل گورنمنٹ نظام سے اس قدر خوفزدہ کیوں نظر آتی ہے، حالانکہ جمہوریت کی اصل روح عوام کو براہِ راست اختیارات دینا ہے۔ انہوں نے زور دیا کہ تمام اسٹیک ہولڈرز کو ذاتی و جماعتی مفادات سے بالاتر ہو کر قومی مفاد میں فیصلے کرنا ہوں گے۔
یہ بھی پڑھیں:18ویں ترمیم کے وقت اختیارات نچلی سطح پر منتقل کرنے کا وعدہ پورا نہیں کیا گیا، خواجہ آصف
خواجہ آصف نے یاد دلایا کہ 18ویں آئینی ترمیم میں سب سے بڑا اور بنیادی نعرہ اختیارات کی نچلی سطح تک منتقلی تھا، تاہم اس پر عملدرآمد تاحال مکمل نہیں ہو سکا، جس کے باعث انتظامی اور معاشی مسائل جوں کے توں ہیں۔
اسی تقریب سے خطاب کرتے ہوئے چیئرمین فیڈرل بورڈ آف ریونیو (ایف بی آر) راشد محمود لنگڑیال نے کہا کہ ملک کی معاشی بہتری کے لیے برآمدات میں اضافہ ناگزیر ہے۔ ان کا کہنا تھا کہ ایکسپورٹ لیڈ اکانومی کے بغیر پاکستان کا معاشی نظام پائیدار بنیادوں پر استوار نہیں ہو سکتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خواجہ آصف نئے صوبے وزیر دفاع.
ذریعہ
ذریعہ: WE News
کلیدی لفظ: خواجہ ا صف وزیر دفاع نچلی سطح تک وزیر دفاع خواجہ آصف
پڑھیں:
وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
اسلام آباد،وفاقی وزیرِ صحت مصطفیٰ کمال (mustafa kamal)نے کہا ہے کہ وفاقی کابینہ نے ملک بھر میں ادویات پر ٹریک اینڈ ٹریس سسٹم کے نفاذ کی باضابطہ منظوری دے دی ہے۔
اس سلسلے میں ڈرگ لیبلنگ اینڈ پیکنگ رولز 1978 میں ضروری ترامیم کی بھی منظوری دے دی گئی ہے۔منگل کو جاری بیان کے مطابق وفاقی وزیرِ صحت نے کہا کہ یہ فیصلہ پاکستان میں جعلی ادویات کے خاتمے کی جانب ایک بڑا اور تاریخی قدم ہے۔
پہلی بار ملک میں ہر دوا کو ڈیجیٹل طریقے سے ٹریک اور ویریفائی کیا جا سکے گا، جس سے جعلی، غیر معیاری اور نقلی ادویات کی مؤثر نشاندہی اور ان کے خاتمے میں مدد ملے گی۔
انہوں نے کہا کہ نئے نظام کے نفاذ کے بعد عام صارفین باآسانی دوا کی میعادِ استعمال، قیمت اور دیگر اہم معلومات کی مستند تصدیق کر سکیں گے، جس سے عوام کا ادویات کے نظام پر اعتماد مزید مضبوط ہوگا۔
مصطفیٰ کمال نے بتایا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی۔ نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں۔
وفاقی وزیرِ صحت نے کہا کہ یہ اہم اقدام پاکستان میں ادویات کی سپلائی چین کو محفوظ، شفاف اور معیاری بنانے کے لیے کیا گیا ہے۔
حکومت ادویات کے شعبے کو جدید خطوط پر استوار کرنے کے لیے عملی اقدامات کر رہی ہے اور ٹریک اینڈ ٹریس سسٹم کے نفاذ سے جعلی ادویات کے خلاف ایک مضبوط اور مؤثر دیوار قائم ہوگی۔
انہوں نے مزید کہا کہ پاکستان جدید ٹیکنالوجی کے استعمال میں خطے کے نمایاں ممالک میں شامل ہوگا۔ اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گاجس سے عوام کی صحت، زندگی اور اعتماد کا مکمل تحفظ یقینی بنایا جا سکے گا۔
مزید پڑھیں:میئر لندن، 16 سال سے کم عمر بچوں کیلئے سوشل میڈیا پر پابندی کی حمایت
وفاقی وزیرِ صحت کے مطابق ڈریپ کی جانب سے صنعت کو سہولت فراہم کرنے کے لیے جلد تکنیکی رہنما اصول جاری کیے جائیں گے، جبکہ متعلقہ فریقین کے ساتھ مشاورتی اجلاس بھی منعقد کیے جا چکے ہیں تاکہ نظام کے مؤثر اور مرحلہ وار نفاذ کو یقینی بنایا جا سکے۔
وزارت آئی ٹی نے 1.67 ارب روپے سے زاید کے فنڈز طلب کرلیے