بھارت دنیا کا تیسرا سب سے بڑا "اسٹارٹ اپ ایکو" سسٹم بن گیا، نریندر مودی
اشاعت کی تاریخ: 25th, January 2026 GMT
من کی بات کے 130ویں قسط میں مودی نے کہا کہ ان دنوں میں سوشل میڈیا پر ایک دلچسپ رجحان دیکھ رہا ہوں، لوگ 2016ء کو یاد کررہے ہیں، اسی جذبے میں آج میں آپ کیساتھ اپنی ایک یاد شیئر کرنا چاہوں گا۔ اسلام ٹائمز۔ بھارت کے وزیراعظم نریندر مودی نے مہینے کے آخری اتوار کو من کی بات سے خطاب کیا، یہ سال کا پہلا ایڈیشن ہے۔ اس دوران انہوں نے کہا کہ یہ 2026ء کا پہلا ریڈیو پروگرام ہے۔ کل 26 جنوری کو ہم اپنا یوم جمہوریہ منائیں گے، اس دن ہمارا آئین نافذ ہوا تھا۔ یہ دن یعنی 26 جنوری ہمیں اپنا آئین کے بنانے والوں کو خراج تحسین پیش کرنے کا موقع فراہم کرتا ہے۔ نریندر مودی نے کہا کہ جس طرح ہم سالگرہ مناتے ہیں اور ایک دوسرے کو مبارکباد دیتے ہیں، ویسے ہی جب بھی کوئی نوجوان پہلی بار ووٹر بنے تو پورے محلے، گاؤں یا شہر کو مل کر اسے مبارکباد دینا چاہیئے اور مٹھائیاں بانٹنی چاہیئے۔ اس سے ووٹنگ کے بارے میں بیداری بڑھے گی اور اس احساس کو تقویت ملے گی کہ ووٹر بننا کتنا ضروری ہے۔
انہوں نے مزید کہا کہ اے آئی، اسپیس، نیوکلیئر انرجی، سیمی کنڈکٹرز، موبلٹی، گرین ہائیڈروجن، بائیوٹیکنالوجی، آپ جو بھی نام لیجیئے، آپ کو اس شعبے میں کام کرنے والا ایک بھارتی اسٹارٹ اپ ملے گا۔ انہوں نے کہا کہ میں اپنے تمام نوجوان دوستوں کو سلام پیش کرتا ہوں جو اسٹارٹ اپ سے وابستہ ہیں یا اسٹارٹ اپ شروع کرنے کی خواہش رکھتے ہیں۔ آئیے ہم جو کچھ بناتے ہیں اس کی کوالٹی بہتر بنانے کا عزم کریں۔ ہم مہارت کو اپنا بنچ مارک بنائیں۔ من کی بات کے 130ویں قسط میں مودی نے کہا کہ ان دنوں میں سوشل میڈیا پر ایک دلچسپ رجحان دیکھ رہا ہوں۔ لوگ 2016ء کو یاد کر رہے ہیں۔ اسی جذبے میں آج میں آپ کے ساتھ اپنی ایک یاد شیئر کرنا چاہوں گا۔
دس سال پہلے جنوری 2016ء میں ہم نے ایک بڑے سفر کا آغاز کیا۔ تب ہم نے محسوس کیا کہ چاہے یہ چھوٹا ہی کیوں نہ ہو، یہ ملک اور نوجوان نسل کے مستقبل کے لئے بہت اہم ہے۔ آج بھارت دنیا کا تیسرا سب سے بڑا اسٹارٹ اپ ایکو سسٹم بن گیا ہے۔ یہ اسٹارٹ اپ باکس سے باہر ہیں۔ وہ ایسے شعبوں میں کام کر رہے ہیں جن کا 10 سال قبل تصور بھی نہیں کیا جا سکتا تھا۔ نریندر مودی نے آلودگی کا بھی ذکر کیا۔ انہوں نے کہا کہ تمسا ندی، جو ایودھیا سے بہتی ہے اور گنگا میں شامل ہوتی ہے، کبھی اس خطے کے لوگوں کے لئے لائف لائن تھی، لیکن آلودگی نے اس کے بلاتعطل بہاؤ کو روک دیا تھا۔ یہاں کے لوگوں نے اسے بحال کرنے کے لئے مہم چلائی، اور سب کی کوششوں سے یہ دریا دوبارہ زندگی کی طرف لوٹ آیا۔
ذریعہ
ذریعہ: Islam Times
کلیدی لفظ: اسٹارٹ اپ نے کہا کہ انہوں نے
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا