برطانیہ کا ایف بی آئی کی طرز پر نئی پولیس فورس بنانےکا اعلان
اشاعت کی تاریخ: 25th, January 2026 GMT
لندن (ویب ڈیسک) برطانوی حکومت نے ایف بی آئی کی طرز پر نئی پولیس فورس بنانےکا اعلان کردیا،نیشنل پولیس سروس دہشت گردی،دھوکہ دہی،منظم جرائم روکنےکی ذمہ دار ہوگی،نیشنل کرائم کمشنرملک کے سب سے اعلیٰ پولیس افسر ہوں گے۔
وزیرِداخلہ شبانہ محمود کا کہنا ہےکہ موجودہ پولیسنگ ماڈل ایک مختلف صدی کے لیےبنایا گیا تھا،نئی پولیس فورس عالمی معیار کی صلاحیتوں اور جدید ترین ٹیکنالوجی سے لیس ہوگی،نیشنل پولیس فورس خطرناک مجرموں کا سراغ لگا کر انہیں گرفتار کرے گی۔
اس وقت انگلینڈ اورویلزمیں 43 مقامی پولیس فورسز موجود ہیں،حکومت اخراجات میں کمی کیلئے پولیس فورسز کی تعداد میں کمی کا ارادہ رکھتی ہے،برطانوی حکومت پیر کو پولیس میں بڑے پیمانے پر اصلاحات کا اعلان کرے گی
.
ذریعہ
ذریعہ: Daily Mumtaz
کلیدی لفظ: پولیس فورس
پڑھیں:
شہید آیت اللہ خامنہ ای کی تدفین کی تیاریاں، 3 روزہ تقریبات کا اعلان
ایرانی میڈیا میں شہید آیت اللہ سید علی خامنہ ای کی تدفین سے متعلق دعؤوں کے حوالے سے نئی تفصیلات سامنے آئی ہیں، جبکہ ایرانی حکام کی جانب سے مبینہ طور پر تدفین کے انتظامات کے حوالے سے تیاریوں کا ذکر کیا گیا ہے۔ اسلام ٹائمز۔ ایرانی خبررساں ایجنسی کے مطابق تہران کے نائب میئر برائے سماجی و ثقافتی امور محمد امین توکلی زادہ نے کہا ہے کہ تدفین سے قبل 3 روزہ عوامی تقریبات کا انعقاد کیا جائے گا، جن کے دوران عوام کو عظیم شہید راہنما کو خراجِ عقیدت پیش کرنے کا موقع دیا جائے گا۔ محمد امین توکلی زادہ کے مطابق عوامی تقریبات کے اختتام پر نمازِ جنازہ ادا کی جائے گی، جس کے بعد جلوس کا آغاز ہوگا، تہران میں یہ جلوس کم از کم 24 گھنٹے تک جاری رہ سکتا ہے۔ انہوں نے مزید بتایا کہ بعد ازاں تقریبات ایران کے اہم مذہبی مراکز قم اور مشہد میں بھی جاری رہیں گی، شہید آیت اللہ سید علی خامنہ ای کی خواہشات کے مطابق تدفین مشہد میں روضۂ امام رضاؑ کے قریب کیے جانے کا امکان ہے۔
ایرانی حکام کے مطابق یہ تقریب ملک کی جدید تاریخ کے بڑے عوامی اجتماعات میں شمار ہو سکتی ہے، تہران میں انتظامات اس انداز سے کیے جا رہے ہیں کہ ایک کروڑ 50 لاکھ سے 2 کروڑ افراد تک ان تقریبات میں شرکت کر سکیں۔ ان کے مطابق انتظامات کی مجموعی نگرانی پاسدارانِ انقلاب کریں گے جبکہ بلدیاتی حکام اور دیگر ریاستی ادارے لاجسٹک اور عوامی سہولیات کی فراہمی میں معاونت کریں گے۔ تاہم ان دعؤوں اور تفصیلات کی آزاد ذرائع سے تصدیق نہیں ہو سکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ