بنگلہ دیش کے پاور پلانٹ پر کام کرنے والے 9 بھارتی افسران اچانک فرار، تحقیقات شروع
اشاعت کی تاریخ: 25th, January 2026 GMT
بنگلہ دیش کے ضلع رامپال میں قائم میتری سپر تھرمل پاور پلانٹ میں تعینات 9 بھارتی افسران بغیر پیشگی اطلاع اور اجازت کے اچانک ملک چھوڑ کر بھارت واپس روانہ ہو گئے، جس پر پاور پلانٹ انتظامیہ میں تشویش پائی جارہی ہے۔
یہ بھی پڑھیں: بنگلہ دیش کا شیخ حسینہ کو تقریر کی اجازت پر بھارت کے خلاف سخت ردعمل، خبردار کردیا
یہ افسران بھارت کی نیشنل تھرمل پاور کارپوریشن سے ڈیپوٹیشن پر بنگلہ دیش بھارت مشترکہ پاور منصوبے میں خدمات انجام دے رہے تھے اور سینیئر انتظامی عہدوں پر فائز تھے۔ پاور پلانٹ حکام کے مطابق افسران نے نہ تو کسی قسم کی سرکاری اجازت لی اور نہ ہی روانگی سے قبل انتظامیہ کو آگاہ کیا۔
رامپال پاور پلانٹ کے ڈپٹی جنرل منیجر انوار العظیم کے مطابق ہفتے کی صبح مقررہ وقت پر افسران اپنی ڈیوٹی پر موجود نہیں تھے، جس کے بعد کی جانے والی تحقیقات سے معلوم ہوا کہ وہ بنگلہ دیش چھوڑ چکے ہیں، بعد ازاں رابطہ کرنے پر افسران نے سیکیورٹی خدشات کو اپنی روانگی کی وجہ قرار دیا۔
یہ بھی پڑھیں: ٹی20 ورلڈ کپ، بنگلہ دیش نے اپنی کرکٹ ٹیم بھارت نہ بھیجنے کا اصولی فیصلہ کرلیا
تاہم پاور پلانٹ انتظامیہ نے سیکیورٹی خدشات کے دعوے کو مسترد کرتے ہوئے کہا ہے کہ پلانٹ پر فوج، پولیس اور انصار اہلکاروں پر مشتمل 4 سطحی سیکیورٹی نظام موجود ہے اور اب تک کسی قسم کے خطرے کی کوئی اطلاع سامنے نہیں آئی، معاملہ اعلیٰ حکام کو رپورٹ کر دیا گیا ہے اور اس حوالے سے سنجیدہ تحقیقات جاری ہیں۔
واپس جانے والے بھارتی افسران میں جنرل منیجر پرتیم برمن، بسواجیت منڈل اور این سوریا پرکاش رائے، اسسٹنٹ جنرل منیجر کیشابا پالاکی اور پپو لال مینا، ڈپٹی جنرل منیجر سریہ کانتا منڈیکر، سریندر لمبا اور انیربن ساہا جبکہ چیف فنانشل آفیسر ایمانوئل پونراج دیوراج شامل ہیں۔
یہ بھی پڑھیں: بنگلہ دیش بھارت سرحد پر ہلاکتوں کے خلاف ڈھاکا میں احتجاج کا اعلان
پلانٹ انتظامیہ کے مطابق افسران کی غیر موجودگی کا انکشاف ہفتے کی صبح ناشتے کے وقت ہوا، جس کے بعد پروجیکٹ ڈائریکٹر رام ناتھ پجاری نے تصدیق کی کہ تمام افسران بنگلہ دیش چھوڑ کر بھارت جا چکے ہیں، بھارتی افسران علیحدہ علیحدہ اپنی ذاتی گاڑیوں میں روانہ ہوئے اور ست کھیرہ بارڈر کے راستے بھارت میں داخل ہوئے۔
بنگلہ دیشی حکام نے اس اچانک روانگی کو پراسرار قرار دیا ہے کیونکہ اس سے قبل کسی بھی افسر کی جانب سے سیکیورٹی سے متعلق کوئی باضابطہ شکایت سامنے نہیں آئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بنگلہ دیش بھارتی افسران تھرمل پاور پلانٹ فرار.
ذریعہ
ذریعہ: WE News
کلیدی لفظ: بنگلہ دیش بھارتی افسران تھرمل پاور پلانٹ بھارتی افسران پاور پلانٹ بنگلہ دیش
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ