پاکستان پیس بورڈ میں صرف فلسطین میں قیام امن کیلئے شامل ہوا ہے، وفاقی وزیر
اشاعت کی تاریخ: 25th, January 2026 GMT
وفاقی وزیر منصوبہ بندی احسن اقبال نے اپوزیشن جماعتوں پر تنقید کرتے ہوئے کہا ہے کہ پاکستان پیس بورڈ میں صرف فلسطین میں قیام امن کے لیے شامل ہوا ہے لیکن اپوزیشن کو اس سے بے حد تکلیف ہے۔
نارووال کے علاقے فتووال میں جلسہ عام سے خطاب کرتے ہوئے وفاقی وزیر منصوبہ بندی احسن اقبال نے کہا کہ مخالفین اپنے جھوٹے الزامات کی سزا خود بھگت رہے ہیں، دوسروں کو چور ڈاکو کہنے والے نے ملکی معیشت پر60 ارب روپے کا ڈاکا ڈالا اور آج 14 سال کی سزا بھگت رہا ہے۔
انہوں نے کہا کہ عمران خان نے پاکستان کی سیاست میں نفرت کا زہر گھولا، جس نے کبھی ایک یونین کونسل نہیں چلائی اسے ملک کا وزیراعظم بنادیا گیا لیکن اس نے معیشت کا بھٹہ بیٹھا دیا، پی ٹی آئی کی حکومت اتنا خسارہ چھوڑ گئی جس کو سنبھالنا کسی کے لیے بھی مشکل تھا۔
ان کا کہنا تھا کہ آج دنیا پاکستان کو معیشت کی کامیاب بحالی پر مبارک باد پیش کر رہی ہے، اگر پاکستان دیوالیہ ہوجاتا تو ہم معرکہ حق نہیں جیت سکتے تھے، بھارت کے حملے کا ایسا جواب دیا جس کی تاریخ میں مثال نہیں ملتی۔
احسن اقبال نے کہا کہ آج تاریخ آپ کو سچ اور جھوٹ کا فرق دکھا رہی ہے، نوجوانوں کو کٹے اور مرغیوں کے بجائے لیپ ٹاپ دے رہے ہیں، ایک ہزار ماہرین چین بھیجے ہیں تاکہ وہ زرعی شعبے میں جدید ٹیکنالوجی سیکھ کر وطن واپس آئیں۔
انہوں نے کہا کہ فتوال کو پاکستان میں سب سے زیادہ پھول پیدا کرنے والا علاقہ بنائیں گے، ہم دن رات پاکستان کی خدمت میں مصروف ہیں، پاکستان کے آج برادر ملکوں کے ساتھ مثالی تعلقات ہیں اور وزیراعظم شہباز شریف کو دنیا بھر میں عزت مل رہی ہے،
وفاقی وزیر نے کہا کہ پاکستان نے اسرائیل کو تسلیم نہیں کیا، پاکستان پیس بورڈ میں صرف فلسطین میں قیام امن کے لیے شامل ہوا ہے جبکہ ادھر بھارت کو اور پاکستان میں اپوزیشن کو اس امر سے بے حد تکلیف ہے۔
انہوں نے کہا کہ اگر عالمی مالیاتی ادارہ (آئی ایم ایف) کے ساتھ کامیاب پروگرام ہو تب ہی پی ٹی آئی اور بھارت پریشان ہوجاتے ہیں، پی ٹی آئی کی وہی زبان ہے جو ہندوستان کی ہے لیکن پاکستان ترقی کرے گا۔
ان کا کہنا تھا کہ پنجاب میں وزیراعلیٰ مریم نواز کی قیادت میں بے مثال ترقی ہو رہی ہے، عثمان بزدار کے دور میں حکومت تعویزوں گنڈوں سے چلانے کی کوشش کی گئی۔
.
ذریعہ
ذریعہ: Express News
کلیدی لفظ: وفاقی وزیر نے کہا کہ رہی ہے
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار