تمام ادارے ایک پیج پر، سفارتی کامیابی ٹیم ورک کا نتیجہ: شہباز شریف
اشاعت کی تاریخ: 26th, January 2026 GMT
لندن(فرحان راشد میر سے) وزیر اعظم شہباز شریف نے کہا ہے کہ پاکستان کے تمام ادارے ایک پیج پر ہیں اور پاکستان کی سفارتی محاذ پر کامیابی ٹیم ورک کا نتیجہ ہے۔ ان خیالات کا اظہار انہوں نے صدر مسلم لیگ(ن) برطانیہ احسن ڈار کی قیادت میں ملنے والے وفد سے گفتگو میں کیا، اس موقع پر ڈاکٹر اشرف چوہان،راجہ جاوید،خرم بٹ،فرحان راشد میر،حسنین گل شامل تھے ،شہباز شریف نے کہا کہ ڈویوس کا دورہ کامیاب رہا اور ہم تمام فیصلے اتحادیوں کی مشاورت سے کر رہے ہیں۔ وزیر اعظم شہباز شریف سے احسن ڈار نے پارٹی امور اور تنظیم سازی پر بھی تفصیلی مشاورت کی ۔احسن ڈار نے وزیر اعظم کو لندن یوتھ کنونشن کرانے کی خواہش کا اظہار کیا جس پر انہوں نے رضا مندی کا اظہار کرتے ہوئے انتظامات شروع کرنے کا حکم دیا۔ علاوہ ازیں شہبازشریف رات گئے لندن سے واپس پاکستان پہنچ گئے۔
.
ذریعہ
ذریعہ: Nawaiwaqt
کلیدی لفظ: شہباز شریف
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار