پاور سیکٹر کا سرکلر ڈیٹ 5 ماہ میں 223 ارب روپے بڑھ گیا
اشاعت کی تاریخ: 26th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: رواں مالی سال کے پہلے پانچ ماہ جولائی تا نومبر 2025 کے دوران پاور سیکٹر کے سرکلر ڈیٹ میں 223 ارب روپے کا اضافہ ریکارڈ کیا گیا ہے، جس کے بعد بجلی شعبے کا مجموعی گردشی قرضہ 1837 ارب روپے تک پہنچ گیا۔
جون 2025 میں یہ رقم 1614 ارب روپے تھی، جس سے واضح ہوتا ہے کہ حکومتی اقدامات کے باوجود سرکلر ڈیٹ میں اضافہ جاری ہے۔
ذرائع کے مطابق سرکلر ڈیٹ میں ایک ہزار 225 ارب روپے کمی کے معاہدوں کے دو ماہ بعد بھی پاور سیکٹر کا گردشی قرضہ کم نہ ہو سکا۔ ستمبر 2025 میں حکومت اور بینکوں کے درمیان معاہدے طے پائے، تاہم اکتوبر اور نومبر 2025 کے دوران صرف دو مہینوں میں سرکلر ڈیٹ میں مزید 144 ارب روپے کا اضافہ ہوگیا۔
ذرائع کا کہنا ہے کہ نومبر 2025 تک پاور سیکٹر کا سرکلر ڈیٹ 1837 ارب روپے رہا، جو ستمبر 2025 میں 1693 ارب اور جون 2025 میں 1614 ارب روپے تھا۔ اس طرح رواں مالی سال کے پہلے پانچ ماہ میں سرکلر ڈیٹ میں مجموعی طور پر 223 ارب روپے کا اضافہ سامنے آیا ہے۔
تاہم نومبر 2024 کے مقابلے میں نومبر 2025 میں پاور سیکٹر کے سرکلر ڈیٹ میں 544 ارب روپے کی کمی ظاہر ہوتی ہے، کیونکہ نومبر 2024 تک گردشی قرضہ 2381 ارب روپے تک پہنچ چکا تھا۔ واضح رہے کہ ستمبر 2025 میں وفاقی حکومت اور 18 کمرشل بینکوں کے درمیان پاور سیکٹر کے گردشی قرضے میں کمی کے لیے معاہدوں پر دستخط کیے گئے تھے۔
.
ذریعہ
ذریعہ: Jasarat News
کلیدی لفظ: سرکلر ڈیٹ میں پاور سیکٹر ارب روپے
پڑھیں:
پاکستان میں سونے کی قیمت میں پھر بڑا اضافہ
ملک بھر میں فی تولہ سونےکی قیمت میں 4600 روپے کا اضافہ ہوا ہے۔آل پاکستان جیمز اینڈ جیولرز ایسوسی ایشن کے مطابق ایک تولہ سونا 4600 روپے اضافے کے بعد اب 4 لاکھ 76 ہزار 362 روپے میں فروخت ہو رہا ہے۔اس کے علاوہ10گرام سونے کی قیمت3944 روپےبڑھ کر 4 لاکھ8 ہزار 403 روپے ہوگئی ہے۔عالمی بازار میں سونے کی قیمت 46 ڈالر اضافے سے 4540 ڈالر فی اونس ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ