انتظامی غفلت یا تاخیر سرکاری ملازمین کے بنیادی حقوق متاثر نہیں کر سکتی، سپریم کورٹ
اشاعت کی تاریخ: 26th, January 2026 GMT
سپریم کورٹ نے سرکاری ملازمین کی پروموشن میں تاخیر کے حوالے سے اہم فیصلہ جاری کر دیا ہے۔
عدالت نے فخر مجید کی درخواست منظور کرتے ہوئے ان کی پروموشن کو پہلی محکمہ جاتی پروموشن کمیٹی کے دن یعنی 21 جنوری 2012 سے مؤثر قرار دیا ہے۔
سپریم کورٹ نے پنجاب سروس ٹربیونل کا فیصلہ کالعدم قرار دیتے ہوئے واضح کیا کہ انتظامی غفلت یا تاخیر کی سزا اہل ملازمین کو نہیں دی جا سکتی۔
یہ بھی پڑھیں: 72 شوگر ملز کے جرمانے، سپریم کورٹ نے ٹریبونل کو 90 روز میں فیصلہ کرنے کا حکم دے دیا
اس فیصلے میں عدالت نے کہا کہ سرکاری ملازمین کا پروموشن ان کا بنیادی حق ہے اور بروقت پروموشن کے لیے اہل افسران کو محکمہ جاتی پروموشن کمیٹی میں شامل کیا جانا ضروری ہے۔
سپریم کورٹ کی جسٹس عائشہ ملک نے 7 صفحات پر مشتمل تحریری فیصلہ جاری کیا، جبکہ بینچ میں جسٹس محمد ہاشم کاکڑ اور جسٹس اشتیاق ابراہیم بھی شامل تھے۔
مزید پڑھیں: 4 سالہ بچے کی ہلاکت، سپریم کورٹ نے سوتیلی ماں کی ضمانت منظور کرلی
عدالتی فیصلے کے مطابق، پنجاب سروس ٹربیونل نے فخر مجید کی اپیل مسترد کی تھی کہ وہ پہلی محکمہ جاتی پروموشن کمیٹی کے دن سے پروموشن کے حق کے حقدار ہیں لیکن سپریم کورٹ نے اس فیصلے کو کالعدم قرار دیا۔
عدالت نے واضح کیا کہ پروموشن میں تاخیر یا انتظامی لاپروائی ملازمین کے حق کو متاثر نہیں کرے گی اور سرکاری ادارے بروقت پروموشن کو یقینی بنائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پروموشن پنجاب سپریم کورٹ سرکاری ملازمین سروس ٹربیونل کالعدم لاپروائی محکمہ جاتی.
ذریعہ
ذریعہ: WE News
کلیدی لفظ: سپریم کورٹ سرکاری ملازمین سروس ٹربیونل کالعدم لاپروائی محکمہ جاتی
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار