لاہور: بسنت کے محفوظ انعقاد کے لیے ڈور، گڈا اور پتنگ بنانے کے عمل کی کڑی نگرانی
اشاعت کی تاریخ: 26th, January 2026 GMT
ڈپٹی کمشنر لاہور کی زیر قیادت ضلعی انتظامیہ بسنت کے محفوظ اور قانون کے مطابق انعقاد کے لیے بھرپور اقدامات کر رہی ہے۔ اس سلسلے میں اسسٹنٹ کمشنرز ڈور، گڈا اور پتنگ بنانے کے عمل کی کڑی نگرانی کر رہے ہیں۔
انتظامیہ کے مطابق شہریوں اور کاروباری افراد کی جانب سے آن لائن پورٹل پر رجسٹریشن کا عمل جاری ہے، جبکہ اب تک 15 ایسوسی ایشنز اور 870 مینوفیکچررز کی رجسٹریشن مکمل ہو چکی ہے۔ اسی طرح ڈور، گڈا اور پتنگ کی فروخت کے لیے 1413 سیلز پوائنٹس اور 258 تاجروں کو بھی رجسٹر کیا گیا ہے۔
یہ بھی پڑھیے: بسنت پر پارکوں میں پتنگ بازی پر پابندی، لاہور میں ڈیجیٹل نگرانی کا فیصلہ
انتظامیہ نے واضح کیا ہے کہ صرف سوتی دھاگے سے بنی ڈور کی اجازت ہوگی، جبکہ دھاتی، میٹل یا دیگر مضر مواد سے بنی ڈور پر مکمل پابندی عائد کی گئی ہے۔
پتنگ بازی کے سامان کے سائز بھی مقرر کر دیے گئے ہیں۔ ڈیڑھ تاوا گڈا جس کی چوڑائی 40 انچ اور لمبائی 34 انچ ہوگی، جبکہ اس سے بڑے گڈے کی اجازت نہیں دی جائے گی۔ اسی طرح ساڑھے چار گڈھی پتنگ کی چوڑائی 35 انچ اور لمبائی 30 انچ مقرر کی گئی ہے، مقررہ سائز سے بڑی پتنگ اڑانے پر پابندی ہوگی۔
انتظامیہ کے مطابق 31 جنوری تک صرف پتنگ بازی کا سامان تیار کیا جا سکے گا، جبکہ یکم فروری سے 8 فروری تک سامان کی ترسیل کی اجازت ہوگی۔ ضلع لاہور کی حدود سے باہر سے پتنگ بازی کا سامان منگوانے پر مکمل پابندی عائد کی گئی ہے۔
یہ بھی پڑھیے: پنجاب: بسنت، ہارس اینڈ کیٹل شو، میلہ چراغاں سمیت مختلف مذہبی تہواروں کی بحالی کا اعلان
ڈپٹی کمشنر لاہور نے موٹرسائیکل سواروں کو قیمتی جانوں کے تحفظ کیلئے سیفٹی راڈز نصب کرنے کی ہدایت کرتے ہوئے کہا کہ وزیراعلیٰ پنجاب کی ہدایت پر انسانی جانوں کے تحفظ کو یقینی بنایا جا رہا ہے۔ انہوں نے مزید کہا کہ پتنگ بازی میں استعمال ہونے والی خونی ڈور سے بچاؤ کیلئے ہر ممکن اقدام کیا جائے گا۔
ڈپٹی کمشنر کے مطابق ضلعی انتظامیہ شہریوں کی حفاظت کے لیے فیلڈ میں متحرک ہے اور موٹرسائیکل سواروں کی سیفٹی ہم سب کی مشترکہ ذمہ داری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بسنت پتنگ پتنگ بازی.
ذریعہ
ذریعہ: WE News
کلیدی لفظ: پتنگ پتنگ بازی پتنگ بازی کے مطابق کے لیے
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار