چینی ماہرین نے رائفل بردار ڈرون تیار کر لیا
اشاعت کی تاریخ: 27th, January 2026 GMT
چین کی معروف ٹیکنالوجی کمپنی ووہان گائیڈ انفراریڈ اور چینی فوج کے ادارے آرمی سپیشل آپریشنز اکیڈمی کے ماہرین نے مشترکہ طور پر ایک منفرد اور جدید رائفل بردار ڈرون تیار کر لیا۔ اسلام ٹائمز۔ یہ رائفل ہوا میں پرواز کرتے ہوئے 100 سے 150 میٹر دور موجود ہدف کو نشانہ بنانے کی صلاحیت رکھتا ہے۔
رپورٹس کے مطابق اس ڈرون میں وہی معیاری رائفل نصب کی جا سکتی ہے جو اس وقت چینی افواج استعمال کر رہی ہیں، اس جدید ڈرون کا مقصد خطرناک، پیچیدہ اور دشوار گزار علاقوں میں تعینات دشمن فوجیوں کو نشانہ بنانا ہے تاکہ چینی فوجیوں کی جانوں کو براہِ راست خطرے میں ڈالے بغیر کارروائیاں ممکن بنائی جا سکیں۔
جرنل آف گن لانچ اینڈ کنٹرول کے دسمبر کے شمارے میں شائع ہونے والی تحقیق کے مطابق تجرباتی مرحلے میں اس ڈرون نے زمین سے 10 میٹر کی بلندی پر پرواز کرتے ہوئے معیاری رائفل کے ذریعے 100 میٹر دور انسانی قد کے ہدف پر 20 سنگل فائر کیے جن میں سے تمام گولیاں ہدف پر لگیں اور اس طرح 100 فیصد ہٹ ریٹ حاصل کیا گیا۔
مزید برآں، 20 میں سے 10 گولیاں صرف 11 سینٹی میٹر کے دائرے کے اندر لگیں، جو اس نظام کی غیرمعمولی درستگی کو ظاہر کرتا ہے۔
ذریعہ
ذریعہ: Islam Times
پڑھیں:
دوسرا ون ڈے: آسٹریلیا کا پاکستان کو جیت کیلئے 232 رنز کا ہدف
ایک روزہ سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔
لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ