ماہرین نے صحت مند جلد کیلئے ’ہائیڈریشن‘ اور ’موئسچرائزیشن‘ کو بنیاد قرار دے دیا
اشاعت کی تاریخ: 27th, January 2026 GMT
ماہرین امراضِ جلد کا کہنا ہے کہ صحت مند اور چمکدار جلد کے لیے ہائیڈریشن اور موئسچرائزیشن بنیادی اہمیت رکھتی ہے۔ ماہرین نے بتایا ہے کہ کورین اسکن کیئر نے عوام کو وہ بات سمجھا دی ہے جو ماہرینِ جلد برسوں سے کہتے آ رہے ہیں۔
ماہرینِ جلدی امراض کے مطابق اگر جلد خشک، بے رونق، ڈی ہائیڈریٹڈ، سرخ یا حساس ہو اور اسکن بیریئر کمزور ہو تو کورین اسکن کیئر مصنوعات بہترین نتائج دیتی ہیں۔
ماہرین نے واضح کیا ہے کہ جلد سے متعلق عام مسائل جیسے چہرے کے کچھ حصے سے رنگت کا گہرا ہو جانا، دھوپ سے نقصان، میلازمہ، ایکنی، بڑے اور کھلے مسام اور گہرے ایکنی کے نشانات کے لیے صرف کورین مصنوعات کافی نہیں ہوتیں۔ ان مسائل کے لیے گلائیکولک ایسڈ، کوجک ایسڈ، سیلی سیلک ایسڈ یا ماہرِ جلد کے تجویز کردہ ریٹینوئڈز ضروری ہوتے ہیں۔
ماہرین کا کہنا ہے کہ اسکن کیئر کی بنیاد کورین مصنوعات سے رکھی جا سکتی ہے مگر اپنے مقامی علاقے کی فضا کو مدِ نظر رکھتے ہوئے جلدی مسائل کے حل کے لیے اضافی اور مخصوص علاج کی ضرورت ہوتی ہے۔
جلد کو ہائیڈریٹ اور موئسچرائز رکھنے کے آسان طریقے
ماہرین کے مطابق جلد کی نمی برقرار رکھنے کے لیے درج ذیل طریقے مفید ہیں:
جِلد کی مصنوعات کو ہلکی سے بھاری ترتیب میں لگائیں مثلاً پہلے کلینزنگ، پھر ٹونر، سیرم اور پھر موئسچرائزر کا استعمال کریں۔
سیرم میں ہائیلورونک ایسڈ اور گلیسرین جیسے اجزا کا شامل ضروری ہے کیوں کہ یہ اجزاء جلد کو نمی فراہم کرتے ہیں۔
پوروں کی مدد سے ہلکے ہاتھ کے ساتھ ڈبل کلینزنگ کریں تاکہ قدرتی نمی برقرار رہے۔
الکحل سے پاک ہائیڈریٹنگ ٹونر یا سیرم کا استعمال کریں۔
موسم کے مطابق موئسچرائزر لگائیں اور روزانہ کم از کم SPF 50 سن اسکرین کا استعمال کریں۔
پانی زیادہ پئیں، پروٹین، پھلوں اور سبزیوں پر مشتمل متوازن غذا لیں اور ہفتے میں ایک بار نائٹ ماسک استعمال کریں تاکہ جلد کی مرمت اور نمی بحال ہو سکے۔
ماہرین کا کہنا ہے کہ درست اسکن کیئر کا معمول اپنا کر جلد کو صحت مند اور چمکدار بنایا جا سکتا ہے۔
.
ذریعہ
ذریعہ: Daily Mumtaz
کلیدی لفظ: استعمال کریں اسکن کیئر کے لیے
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار