نیوزی لینڈ کا پاکستان کو جیت کیلئے 111 رنز کا ہدف
اشاعت کی تاریخ: 27th, January 2026 GMT
آئی سی سی انڈر 19 ورلڈ کپ کے سپر 6 مرحلے میں نیوزی لینڈ نے پاکستان کو جیت کیلئے 111 رنز کا ہدف دے دیا۔ ہرارے میں کھیلے جا رہے میچ میں پاکستانی کپتان نے ٹاس جیت کر نیوزی لینڈ کو پہلے بیٹنگ کی دعوت دی۔ نیوزی لینڈ کی ٹیم 28.3 اوورز میں 110 رنز بنا کر پویلین لوٹ گئی، ہوگو بوگی نے 39، میسن کلارک 17، ٹوم جانز 15 اور کلوم سیمسن نے 10 رنز کی اننگز کھیلی، 3 کھلاڑی ڈبل فگر میں داخل نہ ہو سکے جبکہ دو کھلاڑی بغیر کھاتہ کھولے ہی پویلین لوٹ گئے۔ پاکستان کی جانب سے عبدالسبحان نے 4، علی رضا 3 جبکہ محمد صیام اور مومن قمر نے ایک ایک کھلاڑی کو آؤٹ کیا۔ ٹاس سے قبل گفتگو کرتے ہوئے کپتان قومی ٹیم کا کہنا تھا کہ وکٹ باؤلنگ کیلئے اچھی لگ رہی ہے، تمام کھلاڑیوں نے بھرپور تیاری کی ہے، ٹیم میں ایک تبدیلی کرتے ہوئے علی حسن بلوچ کی جگہ شایان کو ٹیم میں شامل کیا ہے۔ آج اہم میچ میں گرین شرٹس کا سیمی فائنل میں رسائی کیلئے کڑا امتحان ہے، یکم فروری کو پاکستان کا ٹکراؤ بھارت سے ہوگا، گرین شرٹس کو سپر سکس مرحلے کے دونوں میچز جیتنے کے ساتھ ساتھ رن ریٹ بھی بہترکرنا ہوگا، پہلے مرحلے کے اختتام پر پاکستان ٹیم دو میچز میں دو پوائنٹس کے ساتھ سپر سکس میں پہنچا ہے۔ ٹورنامنٹ میں بھارت اور انگلینڈ کے دو دو میچز میں چار چار پوائنٹس ہیں، دونوں ٹیموں کا رن ریٹ بھی پاکستان سے بہتر ہے۔
.
ذریعہ
ذریعہ: Nawaiwaqt
کلیدی لفظ: نیوزی لینڈ
پڑھیں:
پاکستان اور کویت جاری سفارتی کوششوں کے مثبت نتائج کیلئے پرامید
وزیر خارجہ اسحاق ڈار نے کویت کے وزیر خارجہ شیخ جراح جابر الاحمد الصباح سے رابطہ کیا، دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
ترجمان دفتر خارجہ کا کہنا ہے کہ کویتی وزیر خارجہ نے امریکا اور ایران کے درمیان رابطوں میں پاکستان کے کردار کو سراہا، کویتی وزیر خارجہ نے علاقائی امن و استحکام کیلئے پاکستان کی کوششوں کی تعریف کی۔
اسحاق ڈار نے خطے میں پائیدار امن کیلئے سفارتکاری اور مذاکرات کی حمایت کا اعادہ کیا، پاکستان نے مسائل کے حل کیلئے مسلسل سفارتی روابط کو ترجیحی راستہ قرار دیا۔
دفتر خارجہ کا کہنا ہے کہ دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
اس موقع پر پاکستان اور کویت کے درمیان برادرانہ تعلقات مزید مضبوط بنانے اور مستقبل میں قریبی رابطے برقرار رکھنے پر اتفاق کیا گیا۔
وزارت آئی ٹی نے 1.67 ارب روپے سے زاید کے فنڈز طلب کرلیے