سانحہ گل پلازا، تحقیقاتی رپورٹ کل پرسوں تک آجائے گی، مرتضیٰ وہاب
اشاعت کی تاریخ: 27th, January 2026 GMT
میئر کراچی مرتضیٰ وہاب نے کہا ہے کہ سانحہ گل پلازا کی تحقیقاتی رپورٹ کل پرسوں تک سامنے آجائے گی۔
واٹر کارپوریشن کے دفتر کے باہر میڈیا سے گفتگو میں مرتضیٰ وہاب نے کہا کہ سانحہ گل پلازا کا ریسکیو آپریشن مکمل کر لیا گیا ہے، واقعہ کی ایف آئی آر بھی درج کر لی گئی ہے۔ کل پرسوں تک تحقیقاتی رپورٹ سامنے آ جائے گی۔
میئر کراچی نے مزید کہا کہ سانحہ گل پلازا کے متاثرین کے غم میں برابر کے شریک ہیں۔ سانحہ سے سبق حاصل کرتے ہوئے مستقبل کے لیے اقدامات کریں گے، کچھ فیصلے واٹر کارپوریشن نے، ہماری انتظامیہ نے کیے ہیں۔
اُن کا کہنا تھا کہ آج صبح میں نے حب ریزروائر کا وزٹ کیا میرے ساتھ صحافی دوست تھے، 40 سال بعد ریزروائر پر 15 ایم جی ڈی ٹینکوں کی صفائی کی جا رہی ہے۔
مرتضیٰ وہاب نے یہ بھی کہا کہ جو ملازمین ڈبل تنخواہیں لے رہے تھے ان کی تنخواہیں روکیں، 73 ملازمین پکڑے ہیں، ان میں 7 کے ایم سی اور واٹرکارپوریشن سے تنخواہ لے رہے ہیں۔
انہوں نے کہا کہ سسٹم کے ذریعے دیکھا تو 20 لوگ ایسے ہیں، جو ڈبل پنشن بھی لے رہے ہیں، اس وقت کے ایم سی کی تنخواہیں سیپ سسٹم کے ذریعے آتی ہیں۔
میئر کراچی نے کہا کہ افراد آتے ہیں چلے جاتے ہیں ذمہ دار ہمیشہ قیادت ہوتی ہے، قانون شکنی کے حوالے سے بہت سے اقدامات کیے جاتے تھے۔
اُن کا کہنا تھا کہ پاکستان کے بلدیاتی ادارے میں سیپ سسٹم نہیں تھا، پیپلز پارٹی کی قیادت نے بے ضابطگیوں کو روکنے کےلیے سیپ سسٹم کا نفاذ کیا۔
مرتضیٰ وہاب نے کہا کہ ماضی میں دہری ملازمت کرنے والے عناصر کی وجہ کروڑوں روپے کا نقصان ہوا، پچھلے سال سے کے ایم سی کی تنخواہوں کا نظام سیپ سسٹم پر منتقل کیا۔
انہوں نے کہا کہ حالیہ بارشوں کے بعد حب ڈیم بھر گیا تھا، نئی کینال بنائی گئی ہے، حب ڈیم کی پرانی کینال کو بھی درست کرنے سے متعلق اقدامات کئے۔
میئر کراچی نے کہا کہ نئی کینال کا کام 8 ماہ میں مکمل ہوا، پرانی کینال کی مرمت جارہی ہے، وفاقی حکومت سے سو ایم جی ڈی کی پانی کی مقدار بڑھانے پر بات کرنا ہوگی۔
اُن کا کہنا تھا کہ پانی آنا شروع ہوا تو چیلنج بنا ریزروائر میں کیپسٹی کا فقدان ہے، ساڑھے 7، ساڑھے 7 ایم جی ڈی کے دو ریزر وائر ہیں، 10 ایم جی ڈی پانی ویسٹ اور کیماڑی پہنچانے میں مدد ملے گی۔
مرتضیٰ وہاب نے کہا کہ ایل ایس آر پمپنگ اسٹیشن کی مرمت سے متعلق ہم نے اقدامات کیے، فیصلہ کیا پمپنگ اسٹیشن کی بحالی کا کام کریں گے، 4 سے ساڑھے 4 ایم جی ڈی اضافی پانی کی فراہمی ممکن ہوسکے گی۔
.
ذریعہ
ذریعہ: Jang News
کلیدی لفظ: سانحہ گل پلازا وہاب نے کہا میئر کراچی نے کہا کہ ایم جی ڈی سیپ سسٹم
پڑھیں:
برطانیہ؛ 70 ارکانِ کا نئے وزیراعظم کو خط؛ اسرائیل کیخلاف سخت اقدامات کا مطالبہ
برطانیہ کے 70 سے زائد ارکانِ پارلیمنٹ نے نئے وزیراعظم اینڈی برنہم سے مطالبہ کیا ہے کہ وہ غزہ میں اسرائیلی کارروائیوں کے حوالے سے اقوامِ متحدہ کے آزاد تحقیقاتی کمیشن کے نتائج کو باضابطہ طور پر تسلیم کریں اور اسرائیل کے خلاف فوری اور مؤثر اقدامات کریں۔
عالمی خبر رساں ادارے کے مطابق خط میں نشاندہی کی گئی ہے کہ گزشتہ ماہ جاری ہونے والی اقوامِ متحدہ کی آزاد تحقیقاتی رپورٹ میں یہ نتیجہ اخذ کیا گیا تھا کہ غزہ میں اسرائیلی فوج کی کارروائیاں نسل کشی کے زمرے میں آتی ہیں اور رپورٹ میں خاص طور پر اسرائیلی حملوں میں بچوں کو دانستہ طور پر نشانہ بنانے کی تصدیق بھی تھی۔
ارکان پارلیمان نے کھلے خط میں نو منتخب وزیراعظم سے مطالبہ کیا کہ وہ بین الاقوامی عدالتِ انصاف کی جولائی 2024 کی مشاورتی رائے پر بھی عمل درآمد کو یقینی بنانے کے لیے عملی اقدامات کریں۔
برطانوی ارکانِ پارلیمنٹ کے بقول عالمی عدالت نے اسرائیل پر زور دیا تھا کہ وہ فوری طور پر مقبوضہ فلسطینی علاقوں سے اپنی موجودگی ختم کرے، تمام اسرائیلی بستیاں ختم کرے، متاثرہ فلسطینیوں کو معاوضہ ادا کرے اور بے گھر ہونے والے فلسطینیوں کی واپسی میں تعاون کرے۔
عدالت نے اپنی رائے میں یہ بھی کہا تھا کہ دنیا کے تمام ممالک پر ذمہ داری عائد ہوتی ہے کہ وہ ایسے اقدامات سے گریز کریں جو اسرائیلی قبضے کو برقرار رکھنے یا اس میں معاونت کا سبب بنیں۔
خط میں برطانوی حکومت سے مطالبہ کیا گیا ہے کہ اسرائیل پر مکمل اسلحہ پابندی عائد کی جائے، اسرائیلی حکام کے خلاف پابندیاں لگائی جائیں اور ایسی ہر قسم کی تجارت پر پابندی عائد کی جائے جو مقبوضہ فلسطینی علاقوں میں قائم اسرائیلی بستیوں کو فائدہ پہنچاتی ہو۔
ارکانِ پارلیمنٹ کا کہنا ہے کہ برطانیہ کو بین الاقوامی قوانین اور انسانی حقوق سے متعلق اپنی ذمہ داریوں کو پورا کرتے ہوئے واضح اور مؤثر پالیسی اختیار کرنی چاہیے۔
I'm one of 80 MPs & Peers calling on the PM to:
- Recognise the UN’s findings on genocide & implement the ICJ ruling in full
- Impose sanctions including a full arms embargo
- Ban trade that supports Israel’s illegal settlements
End Britain’s complicity in genocide, now. pic.twitter.com/TjtJ0yj2Qq
فلسطین سالیڈیرٹی کمپین کے نائب ڈائریکٹر پیٹر لیری نے ارکانِ پارلیمنٹ کے خط کا خیرمقدم کرتے ہوئے کہا تھا کہ برطانوی حکومت نے طویل عرصے سے نسل کشی کنونشن اور بین الاقوامی عدالتِ انصاف کے مؤقف کو نظر انداز کیا ہے۔
انھوں نے الزام عائد کیا ہے کہ برطانیہ مسلسل ایسی پالیسیاں اپناتا رہا ہے جن سے فلسطینی عوام کے خلاف اسرائیلی کارروائیوں کو عملی یا سفارتی حمایت ملتی رہی۔
خیال رہے کہ اسرائیل غزہ میں نسل کشی کے الزامات کو مسترد کرتا ہے اور مؤقف اختیار کرتا آیا ہے کہ اس کی فوجی کارروائیاں حماس اور دیگر مسلح گروہوں کے خلاف ہیں جبکہ شہری ہلاکتوں سے بچنے کے لیے اقدامات کیے جاتے ہیں۔
واضح رہے کہ اقوامِ متحدہ اور متعدد بین الاقوامی انسانی حقوق کی تنظیمیں اسرائیلی دعوؤں کو مسترد کرتے ہوئے غزہ میں بڑے پیمانے پر شہریوں، خصوصاً خواتین اور بچوں کے جانی نقصان پر مسلسل تشویش کا اظہار کر رہی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار