مینوپاز اور الزائمر کا تعلق، خطرات کیسے کیے جاسکتے ہیں؟
اشاعت کی تاریخ: 27th, January 2026 GMT
مینوپاز (خواتین میں مخصوص ایام کا سلسلہ بند ہوجانا) دماغ میں ایسی تبدیلیاں پیدا کر سکتی ہے جو الزائمر کی بیماری میں دیکھنے کو ملتی ہیں۔
یہ بھی پڑھیں: اکثر افراد کو درپیش ’دماغی دھند‘ کیا ہے، قابو کیسے پایا جائے؟
بی بی سی کے مطابق برطانوی محققین کا کہنا ہے کہ یادداشت اور جذبات سے متعلق دماغی حصوں میں سرمئی مادے (گرے میٹر) کا نقصان خواتین میں ڈیمینشیا کے زیادہ خطرے کی وجہ سمجھا جا سکتا ہے۔
اس حوالے سے کی گئی ایک اسٹڈی میں تقریباً 1,25,000 خواتین شامل تھیں جن میں سے 11,000 کی ایم آر آئی اسکین بھی کی گئی۔
نتائج کے مطابق ہارمون ریپلیسمنٹ تھراپی گرے میٹر کے نقصان کو روکنے میں مؤثر ثابت نہیں ہوئی۔
کیمبرج یونیورسٹی کی پروفیسر باربرا ساہاکین نے کہا کہ ہم نے دماغ کے وہ حصے متاثر پائے جو عام طور پر الزائمر میں متاثر ہوتے ہیں۔ انہوں نے مزید کہا کہ مینوپاز ان خواتین کو مستقبل میں مزید خطرے میں ڈال سکتا ہے۔
مزید پڑھیے: ہڈیوں کی مضبوطی کے لیے کیلشیم اور وٹامن ڈی ناگزیر، ماہرین
دماغی تبدیلیاں خاص طور پر 3 اہم علاقوں میں دیکھی گئیں جن میں ہپوکیمپس (سیکھنے اور یادداشت میں اہم کردار)، اینٹیریل کورٹیکس (یادداشت بنانے اور جگہ کی شناخت میں مددگار) اور اینٹیریئر سینگیولیٹ کورٹیکس (توجہ اور جذبات کے کنٹرول میں معاون) شامل تھیں۔
محققین نے کہا کہ مینوپاز صرف جسمانی اثرات نہیں لاتی بلکہ ذہنی صحت پر بھی اثر ڈال سکتی ہے۔
ڈاکٹر کرسٹیل لینگلے نے کہا کہ خواتین کی ذہنی اور جسمانی صحت کے بارے میں حساس ہونا ضروری ہے اور مدد مانگنے میں شرم محسوس نہیں کرنی چاہیے۔
مزید پڑھیں: خوشی، محبت و دیگر جذبات کے ہارمونز کونسے، یہ ہمارے دماغ پر کیسے حکومت کرتے ہیں؟
ہارمونز کے ماہر پروفیسر چنّا جیسینا نے کہا کہ ایچ آر ٹی کے دماغی اثرات پر تحقیق ابھی جاری ہے اور برطانیہ میں لاکھوں خواتین کے لیے یہ ایک اہم مسئلہ ہے۔
الزائمر سوسائٹی کی مشیل ڈائسن نے کہا کہ خواتین برطانیہ میں الزائمر کے مریضوں کا تقریباً 2 تہائی حصہ ہیں اور ہارمونل تبدیلیاں اس میں کردار ادا کر سکتی ہیں۔
یہ بھی پڑھیے: عمر کے مختلف مراحل میں غذائی اجزا کی اہمیت: کس عمر میں کون سی خوراک مفید ہے
محققین نے تجویز دی کہ باقاعدہ ورزش، سگریٹ نوشی سے پرہیز اور شراب کی مقدار محدود رکھنے سے ڈیمینشیا کے خطرے کو کم کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مخصوص ایام مینوپاز مینوپاز اور الزائمر مینوپاز اور ڈیمینشیا.
ذریعہ
ذریعہ: WE News
کلیدی لفظ: مخصوص ایام مینوپاز مینوپاز اور الزائمر نے کہا کہ
پڑھیں:
امریکا کے ایران پر مسلسل 13ویں شب بھی حملے، ٹرمپ نے مزید بڑی کارروائی کا عندیہ دے دیا، تہران کا سخت ردعمل
امریکا نے ایران کے خلاف مسلسل تیرہویں رات بھی فضائی حملے کیے ہیں، جبکہ امریکی صدر ڈونلڈ ٹرمپ نے عندیہ دیا ہے کہ وہ ایران کے خلاف ’بہت بڑے حملے‘ کا فیصلہ کرنے کے قریب ہیں۔ دوسری جانب ایران نے خبردار کیا ہے کہ امریکی جارحیت میں مزید اضافہ ہوا تو اس کی قیمت واشنگٹن کو پہلے سے کہیں زیادہ چکانا پڑے گی۔
امریکی سینٹرل کمانڈ (سینٹکام) کے مطابق تازہ کارروائی 2 گھنٹے سے زائد جاری رہی، جس کے دوران ایران کے فوجی اہداف کو نشانہ بنایا گیا۔ امریکی فوج کا کہنا ہے کہ ان حملوں کا مقصد ایران کی عسکری صلاحیت، بالخصوص ساحلی نگرانی، فضائی دفاع اور فوجی انفراسٹرکچر کو مزید کمزور کرنا ہے۔
یہ بھی پڑھیں:ایران امریکا کشیدگی پھر شدت اختیار کرگئی، کیا مشرق وسطیٰ ایک بڑی جنگ کے دہانے پر ہے؟
ادھر امریکی صدر ڈونلڈ ٹرمپ نے صحافیوں سے گفتگو میں کہا کہ ایران نے ابھی تک ’کافی تکلیف نہیں دیکھی‘ اور وہ ایک بڑے پیمانے کے حملے کے بارے میں فیصلہ کرنے کے قریب ہیں۔ امریکی صدر کے اس بیان نے خطے میں کشیدگی مزید بڑھا دی ہے اور عالمی سطح پر خدشات میں اضافہ ہوا ہے کہ جنگ مزید وسیع ہو سکتی ہے۔
ایران کے وزیر خارجہ عباس عراقچی نے امریکی دھمکیوں پر ردعمل دیتے ہوئے کہا کہ ’بے معنی جارحیت‘ کسی مسئلے کا حل نہیں بلکہ اس سے امریکا کو زیادہ بھاری قیمت ادا کرنا پڑے گی۔ ایرانی قیادت کا کہنا ہے کہ ملک اپنی خودمختاری اور دفاع پر کوئی سمجھوتہ نہیں کرے گا۔
???? 13TH STRAIGHT NIGHT OF POUNDING IRAN.
U.S. forces just completed another round of strikes on Iranian military targets.
Command centers.
Drone storage.
Communication networks.
Coastal surveillance.
Maritime capabilities.
AMERICA KEEPS WINING ✌️???????????????? https://t.co/0y5aM7FeEr pic.twitter.com/0AWYpSnco6
— Xander Xand (@Xander24Xand) July 24, 2026
ایرانی ذرائع ابلاغ کے مطابق گزشتہ چند گھنٹوں کے دوران تہران، خنداب، خرم آباد، کنارک اور جاسک سمیت مختلف شہروں میں دھماکوں، میزائل حملوں اور فضائی دفاعی نظام کی سرگرمیوں کی اطلاعات موصول ہوئی ہیں۔ بعض علاقوں میں فضائی دفاعی نظام نے آنے والے اہداف کو روکنے کی کوشش کی، تاہم نقصانات کی مکمل تفصیلات فوری طور پر سامنے نہیں آسکیں۔
دوسری جانب برطانیہ نے اعلان کیا ہے کہ اگر اس کے مفادات یا سرزمین کو کسی بھی قسم کا خطرہ لاحق ہوا تو اس کی مسلح افواج دفاع کے لیے مکمل طور پر تیار ہیں۔ یہ بیان ایران کی پاسدارانِ انقلاب کی اس وارننگ کے بعد سامنے آیا، جس میں کہا گیا تھا کہ اگر امریکی بمبار طیارے برطانوی اڈوں سے ایران پر حملوں کے لیے استعمال ہوئے تو ان اڈوں کو بھی ممکنہ اہداف سمجھا جا سکتا ہے۔
???????? U.S. STRIKES IRAN FOR 13TH CONSECUTIVE NIGHT
The U.S. military has launched another round of strikes against Iran, marking the 13th consecutive night of attacks.
CENTCOM: “US forces started another night of strikes against Iranian military targets at 6:45 p.m. ET (2245 GMT)… pic.twitter.com/iDXtuU2CJE
— Mossad Commentary (@MOSSADil) July 24, 2026
بین الاقوامی ذرائع ابلاغ کے مطابق جنگ کے پھیلنے سے عالمی توانائی منڈی شدید دباؤ کا شکار ہے۔ بحیرہ احمر اور آبنائے ہرمز میں کشیدگی بڑھنے کے باعث خام تیل کی قیمت 100 ڈالر فی بیرل سے تجاوز کر گئی، جبکہ عالمی منڈیوں میں بھی غیر یقینی صورتحال دیکھی جا رہی ہے۔ تجزیہ کاروں کا کہنا ہے کہ اگر تنازع مزید شدت اختیار کرتا ہے تو عالمی تجارت اور تیل کی سپلائی بری طرح متاثر ہو سکتی ہے۔
اقوام متحدہ کے سیکریٹری جنرل انتونیو گوتریس نے بھی صورتحال پر شدید تشویش کا اظہار کرتے ہوئے خبردار کیا ہے کہ مشرقِ وسطیٰ ایک ایسے موڑ پر پہنچ چکا ہے جہاں مزید عسکری کارروائیاں پورے خطے کو ایک بڑے بحران میں دھکیل سکتی ہیں۔ انہوں نے تمام فریقوں پر زور دیا ہے کہ کشیدگی کم کرنے اور سفارتی حل تلاش کرنے کی کوششیں تیز کی جائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ایران خلیج صدر ٹرمپ مشرق وسطیٰ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار