بلدیاتی سکیموں کے حوالے سے تحقیقات کی مکمل حمایت کرتے ہیں، کاچو امتیاز حیدر
اشاعت کی تاریخ: 27th, January 2026 GMT
سابق ممبر گلگت بلتستان اسمبلی کاچو امتیاز حیدر خان نے اپنے ایک بیان میں کہا ہے کہ ایل جی آر ڈی 2025_26ء اسکیموں پر الیکشن کمشنر گلگت بلتستان کے حکم پر تحقیقات کا آغاز ہوا ہے، ہم چاہتے ہیں کہ یہ تحقیقات منطقی انجام تک پہنچیں۔ باقی اسکیموں کے حوالے سے عوام کی طرف سے سینکڑوں شکایتیں موصول ہو رہی ہیں۔ اسلام ٹائمز۔ سابق ممبر گلگت بلتستان اسمبلی کاچو امتیاز حیدر خان نے اپنے ایک بیان میں کہا ہے کہ ایل جی آر ڈی 2025_26ء اسکیموں پر الیکشن کمشنر گلگت بلتستان کے حکم پر تحقیقات کا آغاز ہوا ہے ہم اسکی بھرپور حمایت کرتے ہیں ہم چاہتے ہیں یہ تحقیقات منطقی انجام تک پہنچیں۔ باقی اسکیموں کے حوالے سے عوام کی طرف سے سینکڑوں شکایتیں موصول ہو رہی ہیں، جن کا سوشل میڈیا پر بھی چرچا ہے۔ ہم حکومت گلگت بلتستان سے مطالبہ کرتے ہیں کہ پورے حلقہ نمبر دو سکردو میں جہاں جہاں سکیمز لگی ہیں چیک کیا جائے، کہاں کہاں سکیمز مکمل ہوئی ہیں؟ کہاں کہاں منصوبے نامکمل ہیں؟ کہاں کہاں فرضی منصوبے دکھا کے پیسے ہڑپ کیے گئے ہیں؟ ہم محکمہ اینٹی کرپشن گلگت بلتستان سے بھی مطالبہ کرتے ہیں کہ وہ اے آر ڈی پی سکیموں کی چھان بین کرے کیونکہ یہ عوام کے ٹیکس کے پیسے ہیں، اس لیے یہ عوام کا حق ہے کہ وہ اپنے نمائندے سے سوال کرے۔ سابق وزیر زراعت و اپوزیشن لیڈر میثم کاظم ان بلدیاتی فنڈز کو اپنی بہت بڑی کامیابی گردانتے ہیں، حالانکہ یہ فنڈز نئی حلقہ بندیوں کے بعد گلگت بلتستان کے پورے 24 حلقوں کو ملے ہیں۔ لیکن یہاں عوامی نمائندے کا فرض تھا کہ وہ ان پیسوں کو چونکہ یہ غریب عوام کے ٹیکس کے پیسے ہیں میرٹ اور شفافیت کے ساتھ تقسیم کرتے۔
.
ذریعہ
ذریعہ: Islam Times
کلیدی لفظ: گلگت بلتستان کرتے ہیں
پڑھیں:
ایران پر 13 ویں رات فضائی حملوں کے اہداف مکمل کر لیے گئے، سینٹکام
واشنگٹن:امریکا نے ایران کے خلاف مسلسل 13 ویں رات بھی فضائی حملے مکمل کرنے کا اعلان کرتے ہوئے کہا ہے کہ کارروائی کے دوران ایرانی فوجی تنصیبات، ڈرون مراکز اور ساحلی نگرانی کے نظام کو نشانہ بنایا گیا۔
امریکی سینٹرل کمانڈ نے سوشل میڈیا پلیٹ فارم ایکس پر جاری بیان میں بتایا کہ تازہ کارروائی میں فوجی کمانڈ سینٹرز، ڈرون ذخیرہ گاہیں، مواصلاتی نیٹ ورک، ساحلی نگرانی کے مراکز اور بحری صلاحیتوں سے متعلق اہداف کو نشانہ بنایا گیا۔
https://t.co/Wtbk84dEsc
— U.S. Central Command (@CENTCOM) July 24, 2026سینٹکام کے مطابق ان حملوں کا مقصد آبنائے ہرمز سے گزرنے والے تجارتی جہازوں اور شہری بحری نقل و حمل کو درپیش خطرات میں مزید کمی لانا ہے۔
بیان میں کہا گیا کہ آبنائے ہرمز بدستور کھلی ہوئی ہے اور تجارتی جہاز امریکی فوج کی معاونت کے ساتھ معمول کے مطابق اس اہم بحری راستے سے گزر رہے ہیں۔
امریکی سینٹرل کمانڈ نے مزید بتایا کہ اس وقت مشرق وسطیٰ کے مختلف علاقوں میں 50 ہزار سے زائد امریکی فوجی اہلکار تعینات ہیں جو خطے میں جاری صورتحال پر مسلسل نظر رکھے ہوئے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع