انڈونیشیا: مغربی صوبے جاوا میں لینڈسلائیڈنگ سے 38 افراد ہلاک
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
انڈونیشیا کے مغربی صوبہ جاوا کے علاقے سیسارُوا میں لینڈ سلائیڈنگ سے 38 افراد لقمہ اجل بن گئے۔ لاشوں کی شناخت کا عمل تاحال جاری ہے۔
عالمی میڈیا رپورٹ کے مطابق کے مطابق قومی ادارہ برائے قدرتی آفات (بی این پی بی) نے بتایا کہ پیر کی شام تک 20 افراد کی شناخت مکمل کر کے لاشیں ان کے لواحقین کے حوالے کر دی گئی ہیں، جبکہ باقی 18 لاشوں کی شناخت کا عمل جاری ہے۔
قومی ادارہ برائے قدرتی آفات (بی این پی بی) کے مطابق منگل کی صبح سرچ اینڈ ریسکیو آپریشن دوبارہ شروع کیا گیا، اس آپریشن میں تقریباً 800 اہلکار اور نو ایکسکیویٹرز حصہ لے رہے ہیں۔ جس میں اضافی بھاری مشینری شامل کی گئی ہے تاکہ متاثرہ علاقے میں تلاش کا دائرہ مزید وسیع کیا جا سکے۔
رپورٹس کے مطابق انڈونیشیا میں لینڈ سلائیڈنگ کے باعث 685 افراد اپنے گھروں سے محروم ہوچکے ہیں، جنہیں دفاتر اور دیگر عارضی پناہ گاہوں میں منتقل کر دیا گیا ہے۔
حکام کا کہنا ہے کہ یہ واقعہ دو راتوں تک ہونے والی شدید بارش کے باعث پیش آیا، جس سے پہاڑی علاقے کی کھڑی ڈھلوانوں میں پانی بھر گیا۔
ذریعہ
ذریعہ: Jasarat News
کلیدی لفظ: کے مطابق
پڑھیں:
اوباڑو : تیز آندھی اور بارش کے باعث مختلف حادثات میں 50 کے قریب افراد زخمی
سٹی 42 : اوباڑو اور گردونواح میں تیز آندھی اور بارش کے باعث مختلف حادثات میں 50 کے قریب افراد زخمی ہوگئے ۔
پولیس کے مطابق زخمیوں میں مرد، خواتین اور بچے شامل ہیں، تعلقہ اسپتال میں ایمرجنسی نافذ کردی گئی ہے۔ اسسٹنٹ کمشنر اوباڑو کی ہدایت پر اسپتال کے تمام عملے کو الرٹ کر دیا گیا۔
اسپتال ذرائع کے مطابق بعض زخمیوں کی حالت تشویشناک بتائی جا رہی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
اسسٹنٹ کمشنر صحیب الاہی کا کہنا ہےکہ شدید آندھی کے باعث مختلف علاقوں میں حادثات پیش آئے، زخمیوں کو فوری طبی امداد فراہم کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ