بالی ووڈ میں فطری خوبصورتی کی واحد مثال کون؟ فرح خان کا چونکا دینے والا بیان
اشاعت کی تاریخ: 28th, January 2026 GMT
بالی ووڈ کی معروف ہدایتکارہ اور کوریوگرافر فراح خان نے حال ہی میں اپنی ایک وی لاگ کے دوران فلم انڈسٹری میں خوبصورتی کے معیار پر دلچسپ تبصرہ کیا، جس میں انہوں نے ایشوریا رائے بچن کو واحد اداکارہ قرار دیا جسے وہ قدرتی طور پر خوبصورت سمجھتی ہیں۔
فرح خان اپنے ایک کُکنگ وی لاگ میں اس وقت گفتگو کا حصہ بنیں جب وہ ایک اسکن کیئر برانڈ کی تشہیر کر رہی تھیں۔ اس دوران ان کے باورچی دلیپ نے ان کی چمکتی ہوئی جلد کی تعریف کی جس پر فرح نے مزاحیہ انداز میں کہا کہ یہ ان کی ’قدرتی چمک‘ اور ’اندرونی خوبصورتی‘ ہے۔ بعد ازاں انہوں نے کیمرے کی جانب دیکھتے ہوئے اسکن کیئر پروڈکٹ کو اس تعریف کا اصل حقدار قرار دیا اور ہنستے ہوئے کہا کہ ’دلیپ کو یہی سمجھنے دیا جائے کہ میں قدرتی طور پر خوبصورت ہوں‘۔
یہ بھی پڑھیں: فرح خان کی یو ٹیوب آمدن زیادہ ہے یا فلم سے کمائی، بالی ووڈ ہدایت کار کا انکشاف
اسی گفتگو کے دوران فرح خان نے فلم انڈسٹری میں رائج خوبصورتی کے معیار پر تبصرہ کرتے ہوئے کہا کہ ’ایشوریا رائے کو چھوڑ کر شاید ہی کوئی قدرتی طور پر خوبصورت ہو‘۔ ان کے اس بیان نے سوشل میڈیا پر توجہ حاصل کی۔
فرح خان نے اپنی آئندہ ہدایتکاری سے متعلق بھی اہم انکشاف کیا۔ انہوں نے اداکار نکول مہتا کے گھر کے دورے کے دوران بتایا کہ وہ رواں سال کے اختتام تک اپنی اگلی فلم پر کام شروع کرنے کا ارادہ رکھتی ہیں۔
یہ بھی پڑھیں: پارٹیوں میں لوگ میرے شوہر کو نظرانداز کرتے اور مجھ ہی سے بات کرتے تھے، فرح خان کے انکشافات
فرح خان کے مطابق، انٹرنیٹ پر ان کی واپسی کے مطالبے کے حوالے سے ’واپس آؤ فرح خان‘ کے نام سے ایک پٹیشن بھی موجود ہے جس کے باعث وہ اب دوبارہ ہدایتکاری کی جانب متوجہ ہو رہی ہیں۔ انہوں نے واضح کیا کہ اگر وہ کسی فلم کی ہدایتکاری کریں گی تو وہ شاہ رخ خان کے ساتھ ہی ہوگی، بصورت دیگر وہ یوٹیوب پر اپنی سرگرمیاں جاری رکھیں گی۔
واضح رہے کہ فرح خان اس سے قبل میں ہوں نا، اوم شانتی اوم اور تیس مار خان جیسی کامیاب فلموں کی ہدایتکاری کر چکی ہیں۔ حال ہی میں وہ سیلیبریٹی ماسٹر شیف (2024–2025) کی میزبانی بھی کر چکی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشوریا رائے بالی ووڈ شاہ رخ خان فرح خان.
ذریعہ
ذریعہ: WE News
کلیدی لفظ: ایشوریا رائے بالی ووڈ شاہ رخ خان بالی ووڈ انہوں نے
پڑھیں:
یورپی یونین کا گوگل پر 89 کروڑ یورو جرمانہ، سرچ انجن پر اجارہ داری کے غلط استعمال کا الزام
یورپی یونین نے سرچ انجن کے شعبے میں مبینہ اجارہ داری کا غلط استعمال کرنے پر گوگل کے خلاف بڑا اقدام کرتے ہوئے کمپنی پر 89 کروڑ یورو (تقریباً ایک ارب امریکی ڈالر)کا جرمانہ عائد کر دیا ہے۔ یورپی کمیشن کا کہنا ہے کہ گوگل نے اپنی بالادست پوزیشن کا فائدہ اٹھاتے ہوئے حریف کمپنیوں کے ساتھ غیر منصفانہ رویہ اختیار کیا اور اپنی مختلف سروسز کو ناجائز برتری فراہم کی۔
یورپی کمیشن کی جانب سے جاری بیان کے مطابق گوگل نے سرچ انجن میں اپنی مضبوط پوزیشن استعمال کرتے ہوئے شاپنگ، ٹریول، گیمز اور دیگر سروسز کو سرچ نتائج میں نمایاں جگہ دی، جبکہ حریف کمپنیوں کی سروسز کو نیچے دکھایا گیا، جس سے منصفانہ مسابقت متاثر ہوئی۔
کمیشن نے کہا کہ یہ طرزِ عمل ڈیجیٹل مارکیٹس ایکٹ (Digital Markets Act) کی خلاف ورزی ہے، جس کے تحت بڑی ٹیکنالوجی کمپنیوں کو اپنی سروسز کے حق میں امتیازی یا جانبدارانہ رویہ اختیار کرنے کی اجازت نہیں۔
یورپی کمیشن نے گوگل پر یہ الزام بھی عائد کیا کہ کمپنی نے گوگل پلے اسٹور پر ایپ ڈویلپرز کو صارفین کو متبادل ادائیگی کے طریقوں سے آگاہ کرنے سے روکا، تاکہ گوگل کی سروس فیس برقرار رہے۔ کمیشن کے مطابق یہ عمل بھی ڈیجیٹل مارکیٹس ایکٹ کی خلاف ورزی کے زمرے میں آتا ہے، جس کا مقصد بڑی ٹیکنالوجی کمپنیوں کی اجارہ داری کو روکنا ہے۔
کمیشن نے گوگل کو ہدایت کی ہے کہ وہ 60 دن کے اندر فیصلے پر عملدرآمد کرے، بصورت دیگر کمپنی کو مزید جرمانوں کا سامنا کرنا پڑ سکتا ہے۔دوسری جانب گوگل نے فیصلے پر ردعمل دیتے ہوئے کہا ہے کہ یورپی کمیشن کے اس اقدام سے یورپی صارفین اور کاروباری اداروں کو نقصان پہنچ سکتا ہے۔
یہ پہلا موقع نہیں کہ یورپی یونین نے گوگل کے خلاف کارروائی کی ہو۔ 2018 میں اینڈرائیڈ آپریٹنگ سسٹم میں اجارہ داری کے الزام پر گوگل پر 4.7 ارب ڈالر کا جرمانہ عائد کیا گیا تھا، جبکہ 2017 میں سرچ انجن کے شعبے میں مسابقتی قوانین کی خلاف ورزی پر کمپنی کو 2.8 ارب ڈالر جرمانے کا سامنا کرنا پڑا تھا۔ بعد ازاں ان مقدمات میں گوگل کی اپیلیں بھی مسترد کر دی گئی تھیں۔
ماہرین کا کہنا ہے کہ تازہ کارروائی سے یورپی یونین اور امریکا کے درمیان تجارتی کشیدگی میں مزید اضافہ ہو سکتا ہے، کیونکہ امریکی انتظامیہ اس سے قبل یورپی یونین کی بعض تجارتی اور ڈیجیٹل پالیسیوں پر تحفظات کا اظہار کر چکی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا