واٹس ایپ کا نیا سخت سیکیورٹی فیچر متعارف،سب سے زیادہ فائدہ کن لوگوں کو ہوگا؟
اشاعت کی تاریخ: 28th, January 2026 GMT
میٹا (Meta) نے واٹس ایپ صارفین کو سائبر حملوں سے محفوظ رکھنے کے لیے ایک نیا اور سخت سیکیورٹی فیچر متعارف کروا دیا ہے، جسے ’اسٹرکٹ اکاؤنٹ سیٹنگز‘ کا نام دیا گیا ہے۔
یہ فیچر ایسے وقت میں سامنے آیا ہے جب میٹا کو واٹس ایپ کی پرائیویسی سے متعلق مبینہ غلط دعوؤں پر قانونی مقدمے کا سامنا ہے۔
اسٹرکٹ اکاؤنٹ سیٹنگز کیا ہیں؟واٹس ایپ کے مطابق یہ ایک لاک ڈاؤن طرز کا اختیاری سیکیورٹی فیچر ہے، جسے فعال کرنے کے بعد اکاؤنٹ خودکار طور پر زیادہ نجی اور محدود سیٹنگز پر منتقل ہو جاتا ہے، تاکہ سائبر حملوں کے امکانات کم کیے جا سکیں۔
نامعلوم افراد پر سخت پابندیاںنئی سیٹنگ کے تحت نامعلوم نمبرز سے آنے والی کالز خودکار طور پر خاموش (Silence) کر دی جائیں گی۔ اجنبی افراد کی جانب سے بھیجی گئی تصاویر اور فائلز خود بخود بلاک ہو جائیں گی۔ لنک پری ویوز بند کر دیے جائیں گے۔ زیادہ تعداد میں نامعلوم پیغامات کو بلاک کرنے والی سیٹنگ خود آن ہو جائے گی۔
سیکیورٹی مزید مضبوطاس فیچر کو آن کرنے پر ’ٹو اسٹیپ ویری فکیشن‘ خودکار طور پر فعال ہو جاتی ہے۔ اور سیکیورٹی نوٹیفکیشنز آن ہو جاتے ہیں، جو اس وقت الرٹ دیتے ہیں جب کسی رابطے کا سیکیورٹی کوڈ تبدیل ہو۔
پرائیویسی کنٹرول مزید سختواٹس ایپ کے مطابق نئی سیٹنگز کے بعد لاسٹ سین، آن لائن اسٹیٹس، پروفائل فوٹو اور About صرف کانٹیکٹس کو نظر آئیں گے۔
صرف آپ کے کانٹیکٹس یا منتخب افراد ہی آپ کو گروپس میں شامل کر سکیں گے۔ پروفائل پر موجود لنکس بھی غیر کانٹیکٹس کے لیے بند کر دیے جائیں گے۔
کن صارفین کے لیے زیادہ مفید؟میٹا کا کہنا ہے کہ یہ فیچر خاص طور پر صحافیوں، انسانی حقوق کے کارکنوں اور عوامی شخصیات کے لیے مفید ہے، جو ہیکنگ یا نگرانی کے خطرات کا زیادہ سامنا کرتے ہیں۔
کمپنی کے مطابق یہ ایک اختیاری مگر انتہائی مؤثر سیکیورٹی فیچر ہے، جو غیر ضروری رابطوں کو محدود کر کے صارف کے اکاؤنٹ کو زیادہ محفوظ بنا دیتا ہے۔
فیچر کیسے آن کریں؟صارفین یہ فیچر اس راستے سے فعال کر سکتے ہیں:
Settings > Privacy > Advanced > Strict Account Settings
میٹا نے واضح کیا ہے کہ یہ سیٹنگ صرف پرائمری موبائل ڈیوائس سے تبدیل کی جا سکتی ہے، واٹس ایپ ویب یا ونڈوز ایپ سے نہیں۔
مقدمے کے سائے میں لانچاس فیچر کا اجرا ایسے وقت میں ہوا ہے جب ایک مقدمے میں میٹا پر الزام عائد کیا گیا ہے کہ وہ واٹس ایپ صارفین کی نجی گفتگو کو محفوظ ہونے کے دعوؤں کے باوجود اسٹور، تجزیہ اور رسائی میں رکھتا ہے۔
تاہم واٹس ایپ کے سربراہ ول کیتھ کارٹ نے ان الزامات کو مسترد کرتے ہوئے کہا ہے کہ یہ بلا بنیاد اور صرف شہ سرخیوں کے حصول کے لیے دائر کیا گیا مقدمہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
واٹس ایپ سیکیورٹی فیچر.
ذریعہ
ذریعہ: WE News
کلیدی لفظ: واٹس ایپ سیکیورٹی فیچر سیکیورٹی فیچر واٹس ایپ کے لیے
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے