ہانیہ عامر مردانگی کے تصور پر کھل کر بول پڑیں
اشاعت کی تاریخ: 28th, January 2026 GMT
اداکارہ ہانیہ عامر نے حالیہ دنوں ڈراما کفیل کی تعریف کرتے ہوئے پاکستان میں مردانگی کے رائج تصور پر کھل کر بات کی ہے۔ 28 سالہ اداکارہ نے انسٹاگرام اسٹوری کے ذریعے ڈرامے کو سراہتے ہوئے کہا کہ اس میں مردانہ کردار کو طاقت، جبر یا کنٹرول کے بجائے ذمہ داری، تحفظ اور احساس کے ساتھ پیش کیا گیا ہے۔
یہ بھی پڑھیں: اداکارہ ہانیہ عامر پر کاسمیٹک سرجری کے الزامات، کزن نے سوشل میڈیا پر حقائق بیان کردیے
ہانیہ عامر کے مطابق کفیل میں دکھائی گئی مردانگی اس سوچ کی عکاسی کرتی ہے جس کی آج کے معاشرے کو ضرورت ہے، جہاں بھائی اپنی بہنوں کے محافظ بن کر سامنے آتے ہیں، ان کی زندگی پر حکم چلانے والے نہیں۔ ان کا کہنا تھا کہ مرد کا کردار عورت کے راستے روکنا نہیں بلکہ مشکل وقت میں اس کے ساتھ کھڑا ہونا ہونا چاہیے۔
اداکارہ نے اس بات پر زور دیا کہ ڈراما ایک حساس سماجی مسئلے کو جذباتی مگر ذمہ دار انداز میں پیش کرتا ہے، جو ناظرین کو سوچنے پر مجبور کرتا ہے۔ ان کے نزدیک یہ کہانی دکھ ضرور دیتی ہے مگر اس کے پیچھے ایک مثبت پیغام چھپا ہے جو معاشرتی رویوں میں بہتری کی طرف اشارہ کرتا ہے۔
یہ بھی پڑھیں: اتنی افواہوں کے بعد اب خود بھی شادی کا دل چاہتا ہے، ہانیہ عامر
ہانیہ عامر نے ڈرامے کی مجموعی کہانی، کردار نگاری اور پیشکش کو پاکستانی ٹیلی ویژن کی بہترین مثال قرار دیا۔ انہوں نے بگ بینگ انٹرٹینمنٹ کے ساتھ ساتھ عماد عرفانی اور عاشر وجاہت کی اداکاری کو بھی سراہا۔
واضح رہے کہ ڈراما کفیل کی تحریر معروف مصنفہ عمیرہ احمد نے لکھی ہے جبکہ ہدایت کاری میسم نقوی نے کی ہے، ڈرامے میں صنم سعید اور عماد عرفانی مرکزی کردار ادا کر رہے ہیں، جبکہ منّزہ عارف، کاشف محمود اور جاوید رضوی معاون کرداروں میں شامل ہیں، ڈراما کفیل نجی ٹی وی پر ہر پیر اور منگل کی شب 8 بجے نشر ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ڈراما کفیل مردانگی ہانیہ عامر.
ذریعہ
ذریعہ: WE News
کلیدی لفظ: کفیل مردانگی ہانیہ عامر ہانیہ عامر ڈراما کفیل
پڑھیں:
کراچی میں شوہر کے ساتھ موٹرسائیکل چوری کی درجنوں وارداتوں میں ملوث ملزمہ گرفتار
سولچر بازار پولیس نے موٹرسائیکل لفٹنگ میں ملوث خاتون ملزمہ کو گرفتار کرلیا۔
تفصیلات کے مطابق سولچر بازارپولیس نے خفیہ اطلاع پر کارروائی کرتے ہوئے موٹر سائیکل لفٹنگ میں ملوث خاتون ملزمہ سحر بتول زوجہ کاشف خان کو گرفتار کرلیا
۔پولیس کے مطابق ملزمہ کی گرفتاری سی سی ٹی وی فوٹیج کی مدد سے عمل میں لائی گئی۔گرفتار ملزمہ اپنے شوہر کے ہمراہ موٹرسائیکل لفٹنگ کی درجنوں وارداتوں میں ملوث رہی ہے۔
دونوں میاں بیوی کو موٹر سائیکل لے جاتے ہوئے سی سی ٹی وی فوٹیج میں بھی دیکھا جاسکتا ہے۔ ملزمہ کے قبضے سے موٹر سائیکل نمبر KQX-2361 میکر سپر اسٹار 70 برآمد کرلی گئی۔
گرفتارملزمہ اورفرار شوہر کے خلاف ضابطے کے تحت مقدمہ درج، مزید تفتیش جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا