ریاستی اداروں پر گمراہ کن الزامات: وزیراعلیٰ کے پی سہیل آفریدی کو گرفتار کرکے پیش کرنے کا حکم
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
ڈسٹرکٹ اینڈ سیشن کورٹس اسلام آباد نے ریاستی اداروں پر گمراہ کن الزامات اور ساکھ متاثر کرنے کے کیس میں وزیر اعلی خیبر پختونخوا سہیل آفریدی کے ناقابل ضمانت وارنٹ گرفتاری جاری کر دیئے۔
نجی ٹی وی کی رپورٹ کے مطابق اسلام آباد کی ڈسٹرکٹ اینڈ سیشن عدالت نے ریاستی اداروں کے خلاف مبینہ طور پر گمراہ کن الزامات عائد کرنے کے مقدمے میں وزیر اعلیٰ خیبر پختونخوا سہیل آفریدی کے ناقابلِ ضمانت وارنٹ گرفتاری جاری کر دیے ہیں، عدالت نے ان کی مسلسل عدم حاضری کو سنجیدگی سے لیتے ہوئے قانون کے مطابق کارروائی کا حکم دیا۔
سینیئر سول جج عباس شاہ نے مقدمے کی سماعت کے دوران حکم دیا کہ سہیل آفریدی کو گرفتار کر کے عدالت میں پیش کیا جائے۔ عدالتی احکامات کے مطابق ملزم کی پیشی کو یقینی بنانے کے لیے متعلقہ اداروں کو فوری اقدامات کی ہدایت بھی جاری کی گئی ہے۔
عدالت میں سماعت کے موقع پر بتایا گیا کہ وزیر اعلیٰ سہیل آفریدی مقررہ تاریخوں پر پیش نہیں ہوئے، جس کے باعث عدالت نے ناقابلِ ضمانت وارنٹس جاری کرنے کا فیصلہ کیا۔ سینیئر سول جج نے کیس کی مزید سماعت 10 فروری تک ملتوی کر دی۔
یاد رہے کہ سہیل آفریدی کے خلاف پیکا ایکٹ کے تحت نیشنل سائبر کرائم انویسٹی گیشن ایجنسی (این سی سی آئی اے) کی جانب سے مقدمہ درج کیا گیا ہے، جس میں ان پر ریاستی اداروں کے خلاف مبینہ طور پر گمراہ کن مواد پھیلانے کے الزامات عائد کیے گئے ہیں۔
ذریعہ
ذریعہ: Jasarat News
کلیدی لفظ: ریاستی اداروں سہیل آفریدی پر گمراہ کن
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار