ورلڈ کپ اور پرو ہاکی لیگ کیلئے 20 کھلاڑیوں اور 6 آفیشلز پر مشتمل قومی اسکواڈ کا اعلان
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پرو ہاکی لیگ اور ورلڈ کپ کوالیفائنگ راونڈ کیلئےقومی ہاکی ٹیم کا اعلان کر دیا گیا، قومی اسکواڈ 20 کھلاڑیوں اور 6 آفیشلز پر مشتمل ہو گا، محمد عماد بٹ کی زیر قیادت ٹیم2 فروری کو آسٹریلیا روانہ ہوگی۔
پاکستان ہاکی فیڈریشن کے سیکریٹری رانا مجاہد اور ہیڈ کوچ طاہر زمان ٹیم کا اعلان کرتے ہوے کہا آسٹریلیا جانیوالا قومی اسکواڈ ہی ورلڈ کپ کوالیفائرز میں بھی پاکستان کی نمائندگی کرے گا ۔ اسکواڈ میں دو تبدیلیاں کرتے ہوے گول کیپر عبداللہ اشتیاق اور منان رضا کی جگہ علی رضا اور عمیر ستار کو شامل کیا گیا ہے۔
قومی ہاکی ٹیم میں منیب الرحمن،علی رضا،ارشد لیاقت،محمد عبداللہ،سفیان خان، ارباز احمد,حماد انجم، معید شکیل، غضنفر علی، ذکریا لیاقت،عمیر ستار،حنان شاہد، رانا وحید،ندیم احمد، عبدالرحمان، رانا ولید، افراز اور ابوبکر شامل ہیں ۔
رانا مجاہد نے بتایا کھلاڑیوں کی ڈیلیز کا معاملہ حکومت کیساتھ اٹھایا ہے۔ جمعہ تک کھلاڑیوں کے تمام بقایاجات ادا کر دیئے جائیں گے ۔
اس موقع پر ہیڈ کوچ طاہر زمان کا کہنا تھا طویل عرصے بعد پاکستان کو ٹاپ ٹیموں کے خلاف کھیلنے کا موقع مل رہا ہے۔
قومی ٹیم کے کپتان محمد عماد بٹ نے کہا کہ کھلاڑیوں کا مورال بلند ہے ۔ امید ہے وزیراعظم قومی کھیل کی مزید حمایت کریں گے۔شیڈول کے مطابق پاکستان پرو ہاکی لیگ کے دوسرے راؤنڈ میں قومی ٹیم دس اور تیرہ فروری کو آسٹریلیا جبکہ گیارہ اور چودہ فروری کو جرمنی کے خلاف میچ کھیلے گی۔
ذریعہ
ذریعہ: Jasarat News
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے