حملے کی صورت میں ایسا جواب دیں گے جو پہلے کبھی دیکھنے میں نہیں آیا، ایران کا ٹرمپ کی دھمکیوں پر انتباہ
اشاعت کی تاریخ: 28th, January 2026 GMT
اقوامِ متحدہ میں ایران کے مستقل مشن نے امریکا کو سخت انتباہ جاری کرتے ہوئے کہا ہے کہ کسی بھی ممکنہ حملے کی صورت میں ایران ایسا ردعمل دے گا جو ماضی میں کبھی دیکھنے میں نہیں آیا۔
بدھ کے روز جاری بیان میں ایرانی مشن نے واضح کیاکہ ایران باہمی احترام اور مشترکہ مفادات کی بنیاد پر مذاکرات کے لیے آمادہ ہے، تاہم دباؤ یا جارحیت کی صورت میں ملک اپنے دفاع کا حق محفوظ رکھتا ہے اور بھرپور جواب دے گا۔
Last time the U.
Iran stands ready for dialogue based on mutual respect and interests—BUT IF PUSHED, IT WILL DEFEND ITSELF AND RESPOND LIKE NEVER BEFORE! pic.twitter.com/k3fVEv1rus
— I.R.IRAN Mission to UN, NY (@Iran_UN) January 28, 2026
ایرانی مشن نے اپنے بیان میں یہ بھی یاد دلایا کہ امریکا کو عراق اور افغانستان کی جنگوں میں بھاری مالی اور جانی نقصان اٹھانا پڑا، جہاں اسے 7 کھرب ڈالر سے زائد کا معاشی نقصان ہوا جبکہ سات ہزار سے زیادہ فوجی ہلاک ہوئے۔
یہ بیان سماجی رابطے کی ویب سائٹ ایکس پر جاری کیا گیا، جس کے ساتھ امریکی صدر ڈونلڈ ٹرمپ کی حالیہ پوسٹ کا اسکرین شاٹ بھی شامل تھا۔ صدر ٹرمپ نے اپنی پوسٹ میں ایران کی جانب ایک بڑے بحری بیڑے کی روانگی کا اعلان کیا تھا۔
امریکی صدر کے مطابق یہ بحری بیڑا وینزویلا بھیجے گئے بیڑے سے بھی بڑا ہے، جس کی قیادت طیارہ بردار بحری جہاز ابراہم لنکن کر رہا ہے۔
ٹرمپ نے دعویٰ کیا کہ یہ بیڑا ضرورت پڑنے پر طاقت کے استعمال کے ذریعے اپنا مشن فوری طور پر مکمل کرنے کی صلاحیت رکھتا ہے۔
مزید پڑھیں: ایک اور بحری بیڑا ایران کی طرف بڑھ رہا ہے، معاہدہ نہ کرنے پر یہ حملہ پہلے سے زیادہ شدید ہوگا، ڈونلڈ ٹرمپ کی دھمکی
صدر ٹرمپ نے اس کے ساتھ ساتھ امید ظاہر کی کہ ایران جلد مذاکرات کی میز پر آئے گا اور ایک منصفانہ اور مساوی معاہدے پر آمادہ ہوگا، جس میں جوہری ہتھیار شامل نہ ہوں اور جو تمام فریقین کے لیے بہتر ہو۔
واضح رہے کہ امریکا نے گزشتہ برس بھی ایران پر حملہ کیا تھا، جس کے بعد دعویٰ کیا گیا کہ ایران کی ایٹمی تنصیبات تباہ کردی گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر ایران دھمکیوں کا جواب ڈونلڈ ٹرمپ وی نیوز
ذریعہ
ذریعہ: WE News
کلیدی لفظ: امریکی صدر ایران دھمکیوں کا جواب ڈونلڈ ٹرمپ وی نیوز میں ایران
پڑھیں:
بحرین نے اپنے شہریوں کو ایران اور عراق کے سفر سے روک دیا
اپنے ایک جاری بیان میں بحرینی وزارت داخلہ کا کہنا تھا کہ اس حکم کی مخالفت کرنے والوں کیخلاف سخت تادیبی کارروائی انجام دی جائے گی۔ اسلام ٹائمز۔ آج "بحرین" کی وزارت داخلہ نے نام نہاد علاقائی سیکورٹی خدشات کا حوالہ دیتے ہوئے، اپنے شہریوں کو تا حکم ثانوی "ایران" اور "عراق" کے سفر سے روک دیا۔ مذکورہ ملک کی وزارت داخلہ نے کہا کہ اس حکم کی مخالفت کرنے والوں کے خلاف سخت تادیبی کارروائی انجام دی جائے گی۔ بحرین نے الزام لگایا کہ اس نے یہ فیصلہ ایرانی جارحیت کے نتیجے میں پیدا ہونے والی موجودہ سیکیورٹی صورتحال کے پیش نظر کیا۔ جس کا مقصد ملک کی سلامتی کو برقرار رکھنا اور بحرینی شہریوں کی حفاظت کو یقینی بنانا ہے۔ حالانکہ یہ بات روز روشن کی طرح عیاں ہے کہ جنگِ رمضان کے دوران ایران کے خلاف کھلی امریکی و صیہونی جارحیت میں بحرین برابر کا شریک ہے۔ خطے کا سب سے بڑا امریکی اڈہ بھی اسی ملک میں موجود ہے۔ ان اڈوں کے خلاف ایران کی جوابی کاری ضربوں نے بحرین کو شدید متاثر کیا۔ جس کی وجہ سے اُسے اقتصادی مشکلات کا سامنا ہے۔ مزید برآں کہ درست سفارتی فیصلوں کی بجائے "منامہ" اپنی ہٹ دھرمی پر قائم ہے۔ جس سے اُسے مزید سنگین نتائج بھگتنا پڑ سکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ