نپاہ وائرس کی پاکستان منتقلی کا خدشہ، داخلی راستوں پر سخت اسکریننگ
اشاعت کی تاریخ: 28th, January 2026 GMT
پاکستان نے تمام داخلی راستوں پر مسافروں کی سخت اسکریننگ کرنے کا فیصلہ کیا ہے تاکہ نپاہ وائرس کی سرحد پار سے منتقلی کو روکا جا سکے۔
یہ بھی پڑھیں: کورونا کے بعد نپاہ نامی جاں لیوا وائرس: ہائی الرٹ جاری
نپاہ وائرس پھل کھانے والے چمگادڑوں اور سور جیسے جانوروں کے ذریعے پھیلتا ہے اور انسانوں میں دماغی بخار اور مہلک انفیکشن پیدا کر سکتا ہے۔
یہ وائرس انسان سے انسان میں بھی پھیل سکتا ہے۔ عالمی ادارہ صحت نے اسے اعلی ترجیح کا پیتھوجن قرار دیا ہے کیونکہ اس کی ہلاکت کی شرح 40 فیصد سے 75 فیصد تک ہے اور اس کا کوئی منظور شدہ ویکسین یا علاج موجود نہیں۔
پاکستان کی طرف سے یہ اقدامات اسی وقت کیے گئے ہیں جب سنگاپور، ہانگ کانگ، تھائی لینڈ اور ملائیشیا نے بھی بھارت میں پائے گئے 2 کیسز کے بعد حفاظتی اقدامات کیے۔
کیا ہدایات دی گئی ہیں؟تمام داخلی راستوں، بین الاقوامی ہوائی اڈوں، بندرگاہوں اور زمینی سرحدوں پر 100 فیصد مسافروں، عملے، ڈرائیورز اور مددگار عملے کی اسکریننگ لازمی ہوگی۔
ہر مسافر کی پچھلے 21 دنوں کی سفر کی تفصیلات اور ملکِ مبدأ کی جانچ لازمی ہوگی۔
نپاہ متاثرہ یا ہائی رسک علاقوں سے آنے والے مسافروں پر خصوصی نگرانی ہوگی۔ کسی بھی جھوٹی یا ناقص اطلاع دینے والے کی رپورٹ متعلقہ حکام کو کی جائے گی۔
مزید پڑھیے: برطانوی ہیلتھ سیکیورٹی ایجنسی نے 24 ترجیحی پیتھوجینز کی تیاری کی ہدایت کردی
اس کے علاوہ مسافروں کی تھرمل اسکریننگ اور طبی جانچ بھی کی جائے گی۔ اسکریننگ اسٹاف کو بخار، سر درد، سانس کی علامات اور اعصابی علامات جیسے الجھن یا بے ہوشی پر خاص توجہ دینے کی ہدایت کی گئی ہے۔ مشتبہ مریض کو فوری طور پر الگ تھلگ کر کے انفیکشن کنٹرول پروٹوکول کے مطابق کارروائی کی جائے گی اور متعلقہ سواری و اطراف کے علاقے کو جراثیم سے پاک کیا جائے گا۔
نیشنل انسٹی ٹیوٹ آف ہیلتھ نے بھی صحت کے اداروں اور طبی عملے کے لیے الرٹ جاری کرتے ہوئے کہا ہے کہ اگرچہ پاکستان میں تاحال کوئی کیس رپورٹ نہیں ہوا تاہم جنوبی ایشیا میں صورتحال تشویشناک ہوتی جا رہی ہے۔
الرٹ کا مقصد بروقت تشخیص، مریضوں کو الگ رکھنے، نمونوں کی محفوظ ترسیل اور ہنگامی ردعمل کو یقینی بنانا ہے۔
مزید پڑھیں: بھارت میں مہلک وائرس پھیل گیا، ٹی 20 ورلڈ کپ 2026 شدید خطرات سے دوچار
ماہرین کے مطابق نپاہ وائرس کی علامات میں بخار، دورے اور دیگر اعصابی مسائل شامل ہیں جبکہ یہ وائرس سانس، لعاب اور خون کے ذریعے بھی پھیل سکتا ہے۔ ماہرین نے عوام کو احتیاطی تدابیر اختیار کرنے اور حکومتی ہدایات پر عمل کرنے کی تلقین کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کے داخلی راستوں پر سکت اسکریننگ داخلی راستوں پر سخت اسکریننگ نپاہ وائرس.
ذریعہ
ذریعہ: WE News
کلیدی لفظ: پاکستان کے داخلی راستوں پر سکت اسکریننگ داخلی راستوں پر سخت اسکریننگ نپاہ وائرس داخلی راستوں پر نپاہ وائرس
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار