انڈر 19 ورلڈ کپ: بنگلادیش کرکٹ بورڈ کا آئی سی سی پر غیر منصفانہ رویے کا الزام
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
ڈھاکا :بنگلا دیش کرکٹ بورڈ (بی سی بی) نے انڈر 19 ورلڈ کپ میں قومی ٹیم کی ناکامی پر انٹرنیشنل کرکٹ کونسل (آئی سی سی) کے شیڈول اور انتظامی رویے کو ذمہ دار قرار دیتے ہوئے غیر منصفانہ سلوک کا الزام عائد کر دیا ہے۔
بی سی بی کا مؤقف ہے کہ ناقص اور بار بار تبدیل ہونے والے سفری و میچ شیڈول نے نوجوان کھلاڑیوں کی کارکردگی کو شدید متاثر کیا، جس کے باعث ٹیم ٹورنامنٹ سے باہر ہوگئی۔
بنگلا دیشی میڈیا کے مطابق بی سی بی نے انکشاف کیا ہے کہ انڈر 19 ورلڈ کپ کے دوران بعض مواقع پر ٹیم کو اپنے ذاتی وسائل استعمال کرتے ہوئے سفر کا انتظام کرنا پڑا۔ بی سی بی کے گیم ڈویلپمنٹ کوآرڈینیٹر حبیب البشر نے ٹیم کی خراب کارکردگی کی بنیادی وجہ غیر متوازن شیڈول اور مسلسل طویل سفر کو قرار دیا۔
حبیب البشر کا کہنا تھا کہ انگلینڈ اور بھارت کے خلاف میچز میں ٹیم کی حکمت عملی نیٹ رن ریٹ کے درست اندازے پر مبنی نہیں تھی، تاہم اصل مسئلہ شدید تھکاوٹ تھا جو مسلسل سفر کے باعث پیدا ہوئی، ابتدائی شیڈول میں بنگلادیش ٹیم کو ماسونگو میں دو وارم اپ میچز کھیلنے تھے اور بعد ازاں بولاوایو جانا تھا مگر آئی سی سی نے اچانک شیڈول تبدیل کر کے میچز دو مختلف وینیوز پر رکھ دیے، جس سے ٹیم کو اضافی سفری بوجھ اٹھانا پڑا۔
انہوں نے بتایا کہ بی سی بی نے آئی سی سی سے درخواست کی تھی کہ سفری تھکن کے پیش نظر میچز ایک ہی وینیو پر رکھے جائیں مگر اس پر کوئی توجہ نہیں دی گئی، ٹیم 6 جنوری کو زمبابوے پہنچی اور 10 اور 13 جنوری کو دو مختلف شہروں میں وارم اپ میچز کھیلے، جن کے درمیان تقریباً چار گھنٹے کا زمینی سفر شامل تھا۔
مزید یہ کہ ورلڈ کپ کے دوران آئی سی سی کی جانب سے ڈومیسٹک فلائٹس کے استعمال کی اجازت نہیں دی گئی، جس کے باعث ٹیموں کو بسوں کے ذریعے طویل سفر کرنا پڑا۔ بنگلادیش ٹیم کو مون سون کے موسم میں ہرارے سے بولاوایو تک تقریباً نو گھنٹے کا زمینی سفر کرنا تھا۔ اہم میچز کی نوعیت کو دیکھتے ہوئے بی سی بی نے نیوزی لینڈ اور بھارت کے خلاف مقابلوں کے لیے اپنی جیب سے فضائی سفر کا انتظام کیا تاکہ کھلاڑیوں کو تھکاوٹ سے بچایا جا سکے۔
واضح رہے کہ انڈر 19 ورلڈ کپ میں انگلینڈ کے خلاف شکست کے بعد بنگلادیش کی ٹیم ٹورنامنٹ سے باہر ہوگئی، جس کے بعد آئی سی سی کے انتظامات پر یہ سوالات کھڑے کیے جا رہے ہیں۔
ذریعہ
ذریعہ: Jasarat News
کلیدی لفظ: انڈر 19 ورلڈ کپ ٹیم کو
پڑھیں:
شازیہ مری کا گلگت بلتستان الیکشن میں وفاقی حکومت پر سرکاری وسائل کے استعمال کا الزام
پاکستان پیپلز پارٹی کی سینئر رہنما شازیہ مری نے گلگت بلتستان کے الیکشن میں وفاقی حکومت پر اثر و رسوخ اور سرکاری وسائل کے استعمال کا الزام لگادیا۔
کراچی سے جاری بیان میں شازیہ مری نے کہا کہ گلگت بلتستان میں وفاقی وزراء کی انتخابی مہم میں موجودگی اور سرکاری مشینری کا استعمال تشویشناک ہے۔
چیئرمین پاکستان پیپلز پارٹی ( پی پی پی) بلاول بھٹو زرداری نے کہا ہے کہ دعا گو ہوں کہ جنگ کے خاتمے کےلیے فیلڈ مارشل کی کوششیں کامیاب ہوں۔
انہوں نے کہا کہ انتخابی عمل میں مداخلت شفافیت اور منصفانہ انتخابات پر سوالیہ نشان ہے، الیکشن کےلیے لیول پلینگ فیلڈ ناگزیز ہے۔
پی پی پی رہنما نے مزید کہا کہ بلاول بھٹو کے فارم 45 اور فارم 47 سے متعلق بیان کو سیاق و سباق سے ہٹ کر پیش کیا جا رہا ہے۔
ان کا کہنا تھا کہ بلاول بھٹونے عوام کو یاد دلایا کہ گزشتہ انتخابات میں پیپلز پارٹی کی 9 نشستیں چھینی گئی تھیں، پی پی چیئرمین نے عوام سے کہا تھا کہ اپنے ووٹ اور فارم 45 کی حفاظت کریں۔
شازیہ مری نے یہ بھی کہا کہ درست فارم 45 کی موجودگی میں کسی کو عوامی مینڈیٹ چرانے کا موقع نہیں مل سکتا، فارم 45 انتخابی نتائج کی بنیاد ہے، اسی کے بعد فارم 47 جاری کیا جاتا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے