2 سالہ اسنوکر کھلاڑی نے ٹرک شاٹس کے عالمی ریکارڈ قائم کردیے
اشاعت کی تاریخ: 28th, January 2026 GMT
برطانیہ کے شہر مانچسٹر سے تعلق رکھنے والے 2 سالہ بچے نے اسنوکر ٹیبل پر حیران کن ٹرک شاٹس دکھا کر 2 عالمی ریکارڈ قائم کر دیے ہیں۔
گنیز ورلڈ ریکارڈز کے مطابق جوڈ اوونز نے 2 سال اور 261 دن کی عمر میں اسنوکر ڈبل پاٹ بنا کر دنیا کے کم عمر ترین کھلاڑی ہونے کا اعزاز حاصل کیا۔
یہ بھی پڑھیں: کیا 11 سالہ شہزادی شارلٹ سب سے پر اعتماد کم عمر شاہی شخصیت بنتی جا رہی ہیں؟
ڈبل پاٹ اس شاٹ کو کہا جاتا ہے جس میں کیو بال کے ایک ہی وار سے 2 گیندیں مختلف پاکٹس میں چلی جائیں۔ اس کے علاوہ جوڈ نے 2 سال اور 302 دن کی عمر میں پول بینک شاٹ بنا کر ایک اور عالمی ریکارڈ بھی اپنے نام کیا، جس میں کیو بال ریلز سے ٹکرا کر گیند کو پاکٹ میں پہنچاتی ہے۔
جوڈ کے والد لیوک اوونز نے گنیز ورلڈ ریکارڈز کو بتایا کہ ان کے بیٹے کی صلاحیت اس وقت ہی واضح ہوگئی تھی جب اس نے 2 سال کی عمر میں پہلی بار گیند پر شاٹ کھیلا۔ کم عمری کے باعث اسے فل سائز اسنوکر ٹیبل پر کھیلنے میں مشکلات کا سامنا تھا، جس کے لیے مختلف مقامات پر بار اسٹولز کا سہارا لیا جاتا تھا۔
یہ بھی پڑھیں: نوجوان نے ٹوتھ پک سے 17 فٹ بلند ایفل ٹاور بنا کر گنیز ورلڈ ریکارڈ قائم کردیا
لیوک اوونز کا کہنا تھا کہ بعد ازاں انہوں نے ایک خاص اسٹول کا بندوبست کیا جو ابتدا میں کھانا پکانے کے لیے استعمال ہوتا تھا، مگر پھر اسے جوڈ کے اسنوکر شاٹس کے لیے استعمال کیا جانے لگا۔
جب جوڈ سے پوچھا گیا کہ اس کے اور اس کے والد کے درمیان میچ ہو تو کون جیتے گا، تو اس نے فوراً جواب دیا کہ میں۔ لیوک اوونز نے کہا کہ اگرچہ ان کا بیٹا فی الحال انہیں شکست نہیں دے سکتا، تاہم آئندہ چند برسوں میں یہ ممکن ہوسکتا ہے۔
یہ بھی پڑھیں: پاکستانی رکشہ ڈرائیور نے بھارتی مارشل آرٹسٹ کا گنیز ورلڈ ریکارڈ توڑ ڈالا
گنیز ورلڈ ریکارڈز کے مطابق جوڈ دنیا کا کم عمر ترین اسنوکر کھلاڑی بھی بن چکا ہے جس نے اسنوکر اسپانسرشپ حاصل کی، جبکہ اس نے 2025 یو کے اسنوکر چیمپئن شپ میں خصوصی واک آؤٹ اپیئرنس بھی دی۔
لیوک اوونز نے بتایا کہ جوڈ کی ملاقات معروف پروفیشنل اسنوکر کھلاڑی جمی وائٹ، جان پیروٹ اور کائرن ولسن سے بھی ہو چکی ہے، جنہوں نے اس کی غیر معمولی صلاحیتوں کو سراہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسنوکر برطانیہ ورلڈ ریکارڈ.
ذریعہ
ذریعہ: WE News
کلیدی لفظ: اسنوکر برطانیہ ورلڈ ریکارڈ گنیز ورلڈ ریکارڈ اوونز نے کے لیے
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے