برطانیہ اور چین کے تعلقات میں نئی شروعات، کیئر اسٹارمر کی معاشی تعاون پر توجہ
اشاعت کی تاریخ: 29th, January 2026 GMT
برطانوی وزیراعظم کیئر اسٹارمر نے چین کے صدر شی جن پنگ سے ملاقات میں دونوں ممالک کے تعلقات کو نئی بنیادوں پر استوار کرنے کی خواہش ظاہر کرتے ہوئے معاشی ترقی اور سکیورٹی تعاون کو ترجیح دینے کا عندیہ دیا ہے۔ یہ ملاقات بیجنگ میں گریٹ ہال آف دی پیپل میں ہوئی، جس کے بعد دونوں رہنماؤں نے مشترکہ ظہرانہ بھی کیا۔ کیئر اسٹارمر کا یہ دورہ 8 برس بعد کسی برطانوی وزیراعظم کا چین کا پہلا دورہ ہے، جسے لندن اور بیجنگ کے درمیان کشیدہ تعلقات کے بعد ایک اہم پیشرفت قرار دیا جا رہا ہے۔
یہ بھی پڑھیں:لندن اور بیجنگ میں قربت؟ برطانوی وزیر اعظم اسٹارمر کا چین کا اہم دورہ شروع
کیئر اسٹارمر نے ملاقات کے آغاز پر کہا کہ چین عالمی سیاست اور معیشت میں ایک اہم کردار ادا کر رہا ہے، اس لیے برطانیہ چاہتا ہے کہ چین کے ساتھ ایک مہذب اور سنجیدہ تعلق قائم کیا جائے، جس میں تعاون کے مواقع تلاش کیے جائیں اور اختلافی معاملات پر بامعنی مکالمہ بھی جاری رہے۔ ان کا کہنا تھا کہ عالمی حالات کا براہ راست اثر گھریلو معیشت، روزمرہ قیمتوں اور عوام کے احساسِ تحفظ پر پڑتا ہے، اسی لیے برطانیہ کو دوبارہ دنیا کی طرف کھل کر دیکھنے کی ضرورت ہے۔
Keir Starmer finally makes it to Beijing after 8 long years… and this is the exciting welcome speech we get? ????
Meanwhile the real question: Why are UK, Canada & Australia suddenly racing to be China's new besties? ????#StarmerInChina #FollowTheMoney pic.
— Aprajita Nafs Nefes ???? Ancient Believer (@aprajitanefes) January 29, 2026
چینی صدر شی جن پنگ نے اس موقع پر کہا کہ ماضی میں دونوں ممالک کے تعلقات میں اتار چڑھاؤ آتا رہا، جو کسی کے مفاد میں نہیں تھا۔ انہوں نے اس خواہش کا اظہار کیا کہ چین برطانیہ کے ساتھ طویل المدتی اسٹریٹجک شراکت داری کے لیے تیار ہے۔
یہ دورہ ایسے وقت میں ہو رہا ہے جب مغربی ممالک چین کے ساتھ دوبارہ سفارتی روابط بڑھا رہے ہیں، خاص طور پر امریکا میں صدر ڈونلڈ ٹرمپ کی غیر متوقع پالیسیوں اور تجارتی دھمکیوں کے باعث اتحادی ممالک اپنے لیے متبادل راستے تلاش کر رہے ہیں۔ اسٹارمر کا دورہ کینیڈین وزیراعظم کے حالیہ چین دورے کے فوراً بعد ہوا ہے، جس میں تجارتی رکاوٹیں کم کرنے پر معاہدہ طے پایا تھا۔
برطانوی حکومت کے مطابق اس دورے کے دوران انسانی اسمگلنگ کے خلاف مشترکہ اقدامات کا بھی اعلان متوقع ہے، جس کے تحت غیر قانونی تارکینِ وطن کو یورپ منتقل کرنے والے نیٹ ورکس کے خلاف تعاون بڑھایا جائے گا۔ اس معاہدے میں معلومات کے تبادلے اور اسمگلنگ میں استعمال ہونے والے آلات کی فراہمی روکنے پر توجہ دی جائے گی۔
???????????????? UK PM Keir #Starmer said that his country doesn't have to choose between relations with #Washington and #Beijing as he started a four-day trip to #China, aimed at repairing ties and expanding opportunities for British companies in the world’s second-largest economy ⤵️ pic.twitter.com/Z3hfEUandU
— FRANCE 24 English (@France24_en) January 28, 2026
اگرچہ برطانیہ میں اپوزیشن اور سیکیورٹی ادارے چین کے حوالے سے خدشات کا اظہار کرتے رہے ہیں، تاہم اسٹارمر کے ساتھ 50 سے زائد کاروباری رہنماؤں کی موجودگی اس بات کی عکاس ہے کہ اس دورے میں اصل توجہ معاشی تعاون اور تجارتی مواقع کے فروغ پر مرکوز ہے۔
برطانوی وزیراعظم کا کہنا ہے کہ اب وقت آ گیا ہے کہ چین کے ساتھ تعلقات کو ایک بالغ اور حقیقت پسندانہ انداز میں آگے بڑھایا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانیہ چین کیئراسٹارمر
ذریعہ
ذریعہ: WE News
کلیدی لفظ: برطانیہ چین کیئراسٹارمر کیئر اسٹارمر کے ساتھ چین کے کہ چین
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار