معروف ٹک ٹاک اسٹار شیرلے رینز انتقال کرگئیں
اشاعت کی تاریخ: 29th, January 2026 GMT
سوشل میڈیا اسٹار اور غیر منافع بخش تنظیم Beauty 2 The Streetz کی بانی شیرلے رینز، جو بے گھروں کی خدمت اور ان کی زندگیوں میں وقار اور امید لانے کے لیے مشہور تھیں، 58 سال کی عمر میں انتقال کر گئی ہیں۔
رینز جنہیں ٹک ٹاک پر 50 لاکھ سے زائد فالوورز ’مس شیرلے‘ کے نام سے جانتے تھے اسکڈرو سمیت کیلیفورنیا اور نیواڈا کے مختلف شہروں میں بے گھروں کے لیے کھانا، بیوٹی ٹریٹمنٹس اور حفظان صحت کے سامان فراہم کرتی تھیں۔ ان کی تنظیم نے سوشل میڈیا پر کہا کہ رینز کی خدمات نے معاشرے کے محروم طبقات پر گہرا اثر چھوڑا۔
View this post on Instagram
A post shared by Shirley Raines (@beauty2thestreetz)
شیرلے رینز نے اپنی ذاتی زندگی کے غم کو سماجی خدمت میں بدل دیا۔ ان کا ایک بیٹا بچپن میں انتقال کر گیا تھا جس کے بعد انہوں نے 2017 میں بے گھروں کی مدد کرنا شروع کی۔ وہ اپنے کلائنٹس کے ساتھ احترام اور محبت کے ساتھ پیش آتیں اور انہیں ’کنگ‘ یا ’کویئن‘ کہہ کر مخاطب کرتی تھیں۔
لاس اینجلس میں بے گھری کی شرح بہت زیادہ ہے اور 2025 کے سروے کے مطابق تقریباً 72,000 لوگ ہر رات بے گھر ہوتے ہیں۔ شرلے رینز نے نہ صرف ضرورت مندوں کی مدد کی بلکہ انہیں کام کے مواقع بھی فراہم کیے، تاکہ وہ خود مختار اور باوقار زندگی گزار سکیں۔
View this post on Instagram
A post shared by Shirley Raines (@beauty2thestreetz)
رینز کو 2025 میں NAACP امیج ایوارڈ برائے شاندار سوشل میڈیا پرسنالٹی سے بھی نوازا گیا تھا۔ سوشل میڈیا پر ان کی موت پر مختلف شخصیات نے افسوس کا اظہار کرتے ہوئے انہیں ’محبت کی جسمانی تصویر‘ قرار دیا۔
شیرلے رینز کے 6 بچے ہیں، جن میں ایک بیٹا بچپن میں انتقال کر گیا۔ ان کی موت کی وجہ ابھی تک سامنے نہیں آئی ہے اور تنظیم نے کہا ہے کہ اضافی معلومات دستیاب ہونے پر عوام کے ساتھ شیئر کی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹک ٹاک اسٹار ٹک ٹاک اسٹار کا انتقال شیرلے رینز شیرلے رینز انتقال.
ذریعہ
ذریعہ: WE News
کلیدی لفظ: ٹک ٹاک اسٹار ٹک ٹاک اسٹار کا انتقال شیرلے رینز شیرلے رینز انتقال سوشل میڈیا شیرلے رینز انتقال کر ٹک ٹاک
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ