ہماری فورسز کی انگلیاں ٹریگر پر ہیں: ایرانی وزیر خارجہ کا ٹرمپ کی دھمکی پر جواب
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
تہران: امریکی صدر ڈونلڈ ٹرمپ کی دھمکیوں پر ردعمل دیتے ہوئے ایرانی وزیر خارجہ عباس عراقچی نے کہا ہے کہ ایران کسی بھی ممکنہ جارحیت کا بھرپور جواب دینے کے لیے مکمل طور پر تیار ہے اور ایرانی فورسز ہمہ وقت الرٹ ہیں۔
عباس عراقچی نے اپنے بیان میں کہا کہ ایران ہمیشہ ایک شفاف جوہری معاہدے کا حامی رہا ہے۔ ان کا کہنا تھا کہ ایسا جوہری معاہدہ قابل قبول ہوگا جس میں جوہری ہتھیار شامل نہ ہوں اور ایران کے جائز حقوق کا تحفظ یقینی بنایا جائے۔ انہوں نے واضح کیا کہ کسی بھی حملے کی صورت میں ایرانی فورسز فوری ردعمل دینے کے لیے تیار ہیں۔
دوسری جانب ایرانی سپریم لیڈر آیت اللہ خامنہ ای کے مشیر علی شمخانی نے بھی سخت مؤقف اختیار کرتے ہوئے کہا ہے کہ اگر امریکا نے فوجی کارروائی کی تو امریکا، اسرائیل اور ان کے اتحادیوں کو نشانہ بنایا جائے گا۔
علی شمخانی نے کہا کہ امریکا کی جانب سے محدود حملے کی بات محض دھوکا ہے اور کسی بھی امریکی حملے کا ایرانی جواب فوری، مکمل اور مثال بننے والا ہوگا۔
واضح رہے کہ صدر ٹرمپ نے ایران کو دھمکی دیتے ہوئے کہا تھا کہ ایک بڑا امریکی بحری بیڑا ایران کی جانب بڑھ رہا ہے، جس کی قیادت عظیم طیارہ بردار بحری جہاز ابراہم لنکن کر رہا ہے، جو وینزویلا بھیجے گئے بیڑے سے بھی بڑا ہے۔
ذریعہ
ذریعہ: Jasarat News
پڑھیں:
مصر کے وزیرِ خارجہ کا اسحاق ڈار کو ٹیلیفون، خطے کی تازہ ترین صورتحال پر تبادلہ خیال
سٹی 42 : نائب وزیرِ اعظم و وزیرِ خارجہ اسحاق ڈار سے مصر کے وزیرِ خارجہ بدر عبدالعاطی کا ٹیلیفونک رابطہ ہوا ۔
ترجمان دفتر خارجہ کے مطابق دونوں رہنماؤں نے خطے کی تازہ ترین صورتحال پر تبادلہ خیال کیا ۔ اسحاق ڈار اور مصر کے وزیرِ خارجہ بدر عبدالعاطی کی جانب سے امن اور استحکام کے فروغ کے لیے مسلسل سفارتی روابط کی ضرورت پر زور دیا گیا ۔
ترجمان دفتر خارجہ کا کہنا ہے کہ دونوں فریقین نے قریبی رابطے میں رہنے پر اتفاق کیا ۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
وزارت آئی ٹی نے 1.67 ارب روپے سے زاید کے فنڈز طلب کرلیے