پاکستان میں نیپاہ وائرس کے خطرے کے پیش نظر حفاظتی اقدامات سخت کردیے گئے
اشاعت کی تاریخ: 29th, January 2026 GMT
بھارت کے ریاست مغربی بنگال میں نیپاہ وائرس کے 2 کیسز کی تصدیق کے بعد پاکستانی محکمہ صحت نے تمام سرحدی راستوں پر سخت حفاظتی اقدامات نافذ کر دیے ہیں۔
بھارتی حکام کے مطابق ان دونوں کیسز کو بروقت کنٹرول کیا گیا اور وائرس کے کسی اضافی پھیلاؤ کو روکنے کے لیے متعلقہ افراد کی نگرانی اور ٹیسٹنگ کی گئی۔ بھارت میں 196 افراد جن کا ان دونوں مریضوں سے رابطہ تھا، ٹیسٹ کے بعد تمام منفی پائے گئے۔
پاکستان میں سرحدی سکریننگپاکستان کی وزارتِ قومی صحت، ریگولیشنز اینڈ کوآرڈینیشن نے ایڈوائزری میں واضح کیا ہے کہ کسی بھی فرد کو بارڈر ہیلتھ سروسز پاکستان کی منظوری کے بغیر داخلے کی اجازت نہیں ہوگی۔ تمام مسافر، عملہ، ڈرائیور، ہیلپرز اور سپورٹ اسٹاف کی 100% اسکریننگ کی جائے گی۔ سفر کی مکمل تفصیل، گزشتہ 21 دنوں کی تاریخ، اور ملک کی تصدیق لازمی ہوگی۔
نیپاہ متاثرہ یا ہائی رسک علاقوں سے آنے والے افراد پر خاص توجہ دی جائے گی اور غلط بیانات فوری رپورٹ کیے جائیں گے۔
سکریننگ اور طبی جانچتمام مسافروں کی تھرمل اسکریننگ اور کلینیکل اسیسمنٹ کی جائے گی۔
اسکریننگ عملے کو ہدایت دی گئی ہے کہ وہ درج ذیل علامات کے لیے خبردار رہیں:
بخار، سر درد، سانس لینے میں دشواری اور دماغی علامات جیسے الجھن یا نیند کا زیادہ آنا۔
مشتبہ کیسز کا انتظاممشتبہ کیسز کو الگ کر کے انفیکشن کنٹرول پروٹوکولز کے مطابق علاج کیا جائے گا۔ متاثرہ گاڑیاں اور ارد گرد کے علاقے ڈی سیف کیا جائیں گے۔ ہر قسم کی حفاظت کے اقدامات، جیسے PPE، ہاتھوں کی صفائی اور ماحول کی صفائی لازمی ہیں، اور کسی بھی غفلت کو سنگین سمجھا جائے گا۔
سرحدی اور بین الاقوامی نگرانییہ اقدامات بین الاقوامی ہوائی اڈے، سمندری بندرگاہیں اور زمینی سرحدی راستوں پر نافذ کیے جائیں گے۔ روزانہ رپورٹس BHS-P سسٹم میں درج کر کے نیشنل کمانڈ اینڈ آپریشن سینٹر (NCOC) اور نیشنل IHR فوکل پوائنٹ کو بھیجی جائیں گی۔
نیپاہ وائرس کیا ہے اور کیسے پھیلتا ہے؟نیپاہ ایک انوکھا اور جان لیوا وائرس ہے جو زیادہ تر جانوروں، خاص طور پر پھل خور چمگادڑوں سے انسانوں میں منتقل ہوتا ہے۔
یہ وائرس انسان سے انسان میں بھی منتقل ہو سکتا ہے لیکن یہ آسانی سے نہیں ہوتا، اور عالمی ادارہ صحت (WHO) کے مطابق یہ وائرس فوری وبا پھیلانے کی صلاحیت رکھتا ہے۔
علاماتابتدائی علامات عام بیماریوں سے مشابہ ہوتی ہیں:
بخار، سر درد، پٹھوں میں درد اور الٹی۔
بعد میں یہ علامات دماغی سوزش (encephalitis) یا شدید سانس کی بیماریوں میں بدل سکتی ہیں۔ شدید کیسز میں دورے پڑ سکتے ہیں، اور کچھ مریض کوما میں جا سکتے ہیں۔
نیپاہ وائرس کی اموات کی شرح 40% سے 75% کے درمیان ہے، اس کا انحصار مقامی صحت کے نظام کی استعداد پر ہے۔ ابھی تک کوئی منظور شدہ ویکسین یا علاج دستیاب نہیں۔
پھیلاؤ کے ذرائعبراہِ راست متاثرہ جانور یا اس کی جسمانی چیزوں سے رابطہ، پھل یا پھل کی مصنوعات، جیسے خام کھجور کا رس، جو متاثرہ چمگادڑوں کے پیشاب یا تھوک سے آلودہ ہوں۔
علاوہ ازیں انسان سے انسان، خاص طور پر قریبی رابطے سے بھی وائرس پھیل سکتا ہے۔
عالمی اور علاقائی اقدامات بھارتبھارتی وزارتِ صحت کے مطابق، دونوں کیسز کو بروقت کنٹرول کیا گیا اور وائرس کی مزید پھیلاؤ کی نگرانی جاری ہے۔
دیگر ممالکسنگاپور، ہانگ کانگ، تھائی لینڈ اور ملائیشیا نے ہوائی اڈوں پر تھرمل اسکریننگ اور دیگر حفاظتی اقدامات شروع کر دیے ہیں۔
پاکستانپاکستانی وزارتِ صحت نے تمام سرکاری و نجی اسپتالوں کو الرٹ کیا ہے اور وفاقی گائیڈ لائنز پر سختی سے عملدرآمد کو یقینی بنایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
نیپاہ وائرس.
ذریعہ
ذریعہ: WE News
کلیدی لفظ: نیپاہ وائرس نیپاہ وائرس کے مطابق
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار