سپریم کورٹ نے ہیروئن اسمگلنگ کے ملزم کی درخواست ضمانت مسترد کر دی
اشاعت کی تاریخ: 29th, January 2026 GMT
سپریم کورٹ نے ایک کلو ہیروئن اسمگلنگ کے مقدمے میں ملزم عبدلودود کی درخواست ضمانت مسترد کرتے ہوئے ٹرائل کورٹ کو 60 روز کے اندر مقدمے کا فیصلہ کرنے کی ہدایت کی ہے۔ عدالت نے یہ بھی واضح کیا کہ اگر 60 روز کے اندر فیصلہ نہ ہوا تو ملزم دوبارہ ضمانت کے لیے دو بار درخواست دے سکتا ہے۔
یہ بھی پڑھیں:تعلیمی اداروں اور مختلف شہروں میں منشیات اسمگلنگ کیخلاف کریک ڈاؤن، 6 ملزمان گرفتار
ملزم کے وکیل نے عدالت کو بتایا کہ ان کے مؤکل کا مقدمہ ضمانت کا فٹ کیس ہے، تاہم نہ کوئی ویڈیو ریکارڈنگ موجود ہے، نہ شواہد اور نہ گواہ موجود ہیں۔ وکیل کے مطابق اے این ایف ملک کی سپیریئر ایجنسی ہونے کا دعوی کرتی ہے، لیکن عدالت نے واضح کیا کہ سپیریئر ایجنسی کون ہے یہ بھی طے کرنا ہوگا۔
عدالت کے ریمارکس
جسٹس جمال مندوخیل کی سربراہی میں 2 رکنی بینچ نے سماعت کے دوران ریمارکس دیے کہ منشیات کے اصل مالکان آج تک پکڑے نہیں گئے۔ عدالت نے کہا کہ مخبر گاڑی سے سمگلنگ کی اطلاع دیتا ہے لیکن اصل مالکان کے بارے میں کچھ نہیں بتاتا اور گاڑی لوڈ ہونے کے وقت کبھی اطلاع نہیں دی جاتی۔
یہ بھی پڑھیں:’پشپا‘ طرز کی اسمگلنگ ناکام، 25 لاکھ روپے مالیت کی منشیات برآمد
جسٹس مندوخیل نے مزید کہا کہ عدالت جذبات سے فیصلے نہیں کرتی اور ایک کلو ہیروئن بھی بہت زیادہ ہے۔ انہوں نے یہ بھی کہا کہ اے این ایف کا طریقہ پہلے اچھا تھا لیکن اب مؤثر نہیں رہا۔ سرکاری وکیل کے مطابق ایک ٹرک سے مجموعی طور پر دس کلو ہیروئن برآمد ہوئی تھی، جبکہ ملزم عبدلودود پر صرف ایک کلو ہیروئن کے لیے مقدمہ بنایا گیا تھا۔
سپریم کورٹ نے ٹرائل کورٹ کو ہدایت کی کہ وہ 60 روز میں مقدمے کا فیصلہ کرے تاکہ قانون کے مطابق کارروائی مکمل ہو۔ عدالت نے یہ بھی واضح کیا کہ اگر ٹرائل کورٹ اس مدت میں فیصلہ نہ کرے تو ملزم دوبارہ ضمانت کے لیے دو بار درخواست دے سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
درخواست ضمانت مسترد سپریم کورٹ ہیروئن اسمگلنگ.
ذریعہ
ذریعہ: WE News
کلیدی لفظ: درخواست ضمانت مسترد سپریم کورٹ ہیروئن اسمگلنگ سپریم کورٹ کلو ہیروئن عدالت نے یہ بھی کے لیے
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار