18 کروڑ نوجواں کو جدید تعلیم کے ذریعے تیار کرنا ہے: ڈاکٹر خالد مقبول
اشاعت کی تاریخ: 29th, January 2026 GMT
—تصویر بشکریہ رپورٹر
وفاقی وزیرِ تعلیم و پیشہ ور تربیت ڈاکٹر خالد مقبول صدیقی نے کہ ہے کہ جمہوریت کے اثرات کراچی تک پہنچے ہیں، اگر چہ کراچی اسلام آباد سے دور ہے مگر کراچی اسلام آباد اور پاکستان کو چلاتا ہے۔
وہ جمعرات کو این ای ڈی یونیورسٹی میں طلبہ کو لیپ ٹاپ کی تقسیم کی تقریب سے خطاب کر رہے تھے۔
ڈاکٹر خالد مقبول صدیقی نے کہا کہ حکمراں ایک طبقے کا نام ہے لیکن میں اس طبقے سے تعلق نہیں رکھتا، وزیرِ اعظم کا شکر گزار ہوں کہ انہوں نے طلبہ کے لیے لیپ ٹاپ اسکیم شروع کی، پاکستان میں نوجوانوں کی آبادی 18 کروڑ سے زائد ہے، اب ہمیں یہ دیکھنا ہے کہ یہ آبادی بوجھ ہے یا نہیں۔
ان کا کہنا ہے کہ ہم نے ان 18 کروڑ نوجواں کو جدید تعلیم کے ذریعے تیار کرنا ہے، دنیا نے اب ڈگری کی شرط ختم کر دی ہے، ہمیں لیپ ٹاپ میں مہارت حاصل کرنی ہو گی۔
سندھ میں لیپ ٹاپ اسکیم کے ڈائریکٹر فہد رفیق نے کہا کہ سندھ کی 33 جامعات کے لیے 58 ہزار لیپ ٹاپ ہیں، وزیرِ اعظم آئندہ ماہ کراچی کا دورہ کریں گے اور مزارِ قائد پر لیپ ٹاپ تقسیم کریں گے۔
اس موقع پر سینیٹر نہال ہاشمی، سینیٹر عامر چشتی، سابق رکنِ اسمبلی حیدر عباس رضوی، رکنِ سندھ اسمبلی عادل عسکری، جاوید حنیف ریجنل ڈائریکٹر ایچ ای سی سلمان احمد بھی موجود تھے۔
جامعہ این ای ڈی کے وائس چانسلر ڈاکٹر محمد طفیل نے کہا کہ کمپیوٹر اور لیپ ٹاپ ایک ضرورت بن گئی ہے، وزیرِ اعظم کی لیپ ٹاپ اسکیم کے تحت ٹیلنٹ کے حامل طلبہ کو لیپ ٹاپ مل رہے ہیں۔
انہوں نے کہا کہ سندھ سے لیپ ٹاپ کی تقسیم کا آغاز جامعہ این ای ڈی سے کیا گیا جو خوش آئند امر ہے۔
سینٹر نہال ہاشمی نے کہا کہ طلبہ میں لیپ ٹاپ کی تقسیم کا منصوبہ وزیرِ اعظم شہباز شریف کا اس وقت کا تھا جس وقت وہ پنجاب کے وزیرِ اعلیٰ تھے، این ای ڈی کے بچے کمال کے ہیں جو دنیا بھر میں پورے پاکستان کا نام روشن کر رہے ہیں۔
.
ذریعہ
ذریعہ: Jang News
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار