اسلام آباد ہائیکورٹ: چیف جسٹس کی ماڈل جیل مقررہ مدت میں مکمل کرنے کی ہدایت
اشاعت کی تاریخ: 29th, January 2026 GMT
فوٹو: فائل
چیف جسٹس اسلام آباد ہائی کورٹ نے ماڈل جیل کی تکمیل مزید کسی تاخیر کے بغیر مقررہ مدت میں مکمل کرنے کی ہدایت کردی۔
چیف جسٹس اسلام آباد ہائیکورٹ سرفراز ڈوگر کی زیر صدارت جسٹس کمیٹی اجلاس کا اعلامیہ جاری کردیا گیا ہے۔
اعلامیہ کے مطابق اجلاس میں ماڈل جیل اسلام آباد کی تعمیر کے منصوبے سے متعلق امور اور پیشرفت پر غور کیا گیا۔
یہ بھی پڑھیے اسلام آباد ماڈل جیل؛ ترقیاتی کاموں کی جلد از جلد تکمیل یقینی بنائیں؛ چیئر مین CDA اسلام آباد ماڈل جیل کیلئے پنجاب جیل خانہ جات سے ڈیپوٹیشن پرافسران اور عملہ طلباجلاس کے دوران بتایا گیا کہ چیف کمشنر آفس کے مطابق ماڈل جیل کی تعمیر آخری حصے میں ہے جبکہ تکمیل کی تاریخ 30 جون ہے جس پر چیف جسٹس اسلام آباد ہائی کورٹ نے کہا کہ ماڈل جیل کی تکمیل مزید کسی تاخیر کے بغیر مقررہ مدت میں مکمل کی جائے۔
چیف جسٹس اسلام آباد ہائی کورٹ نے ہدایت کی کہ جیل اسٹاف کی تعیناتی سمیت دیگر انتظامی امور بھی بیک وقت مکمل کیے جائیں، یکم جولائی 2026 سے قیدیوں کی اسلام آباد جیل منتقلی کا عمل شروع کیا جائے۔
انہوں نے مزید ہدایت کی کہ سیکریٹری داخلہ ماڈل جیل کی تعمیر سے متعلق امور کے حل کےلیے سیکریٹری خزانہ سے رابطہ کریں۔
.
ذریعہ
ذریعہ: Jang News
کلیدی لفظ: چیف جسٹس اسلام اسلام ا باد ماڈل جیل کی
پڑھیں:
ٹرمپ کو ریلیف مل گیا؛ امریکی سینیٹ نے ایران جنگ ختم کرنے کی قرارداد مسترد کر دی
امریکی سینیٹ نے ایران کے ساتھ جاری فوجی تنازع میں امریکا کی شمولیت ختم کرنے کے لیے پیش کی گئی جنگی اختیارات کی قرارداد مسترد کر دی۔
عالمی خبر رساں ادارے کے مطابق امریکی سینیٹ نے جمعرات کو صدر ڈونلڈ ٹرمپ کو ایران کے خلاف جاری فوجی کارروائیوں سے امریکی افواج واپس بلانے کی ہدایت دینے والی قرارداد منظور کرنے سے انکار کر دیا۔
میری لینڈ سے تعلق رکھنے والے ڈیموکریٹ سینیٹر کرس وین ہولن کی پیش کردہ وار پاورز ریزولوشن پر ووٹنگ ہوئی تاہم قرارداد 47 کے مقابلے میں 49 ووٹوں سے مسترد ہوگئی اور مطلوبہ حمایت حاصل نہ کرسکی۔
ریپبلکن سینیٹر سوسن کولنز نے اپنی جماعت کی پالیسی کے برعکس قرارداد کے حق میں ووٹ دیا جبکہ ڈیموکریٹ سینیٹر جان فیٹرمین نے اپنی پارٹی سے اختلاف کرتے ہوئے قرارداد کی مخالفت کی۔
تین سینیٹرز نے رائے شماری میں حصہ نہیں لیا جن میں سینیٹر کیٹی برٹ، مچ میک کونل، لیزا مرکووسکی اور رینڈ پال شامل ہیں۔
اس قرارداد میں مطالبہ کیا گیا تھا کہ اگر کانگریس باقاعدہ جنگ کا اعلان نہ کرے یا صدر کو خصوصی اجازت نہ دے، تو صدر ٹرمپ ایران کے اندر یا ایران کے خلاف جاری فوجی کارروائیوں سے امریکی افواج کو واپس بلائیں۔
ڈیموکریٹ ارکان اور بعض ریپبلکن قانون سازوں کا مؤقف ہے کہ ایران کے خلاف موجودہ فوجی کارروائیوں میں صدر ٹرمپ نے کانگریس کے اس آئینی اختیار کو نظر انداز کیا ہے جس کے تحت صرف کانگریس کو جنگ کا اعلان کرنے کا اختیار حاصل ہے۔
اس سے چند گھنٹے قبل امریکی ایوانِ نمائندگان نے ایران جنگ محدود کرنے کی اپنی وار پاورز قرارداد منظور کی تھی تاہم اسے گزشتہ ماہ کے مقابلے میں ایک ووٹ کم ملا جس سے کانگریس میں بھی اس معاملے پر اختلافات نمایاں ہیں۔
گزشتہ ماہ بھی سینیٹ نے اسی نوعیت کی ایک قرارداد 50 کے مقابلے میں 48 ووٹوں سے منظور کی تھی۔ اس وقت چند ریپبلکن ارکان نے بھی ڈیموکریٹس کا ساتھ دیا تھا لیکن اس وقت ایران اور امریکا کے درمیان جنگ بندی نافذ تھی اور مزید امریکی جانی نقصان نہیں ہوا تھا۔
آئینی ماہرین کے مطابق 1973 کے وار پاورز ایکٹ کا مقصد صدر کے فوجی اختیارات پر کانگریس کی نگرانی کو یقینی بنانا تھا لیکن اب تک کسی بھی امریکی صدر نے اسے مکمل طور پر پابند قانون کے طور پر تسلیم نہیں کیا۔
مزید یہ کہ اس قانون کی آئینی حیثیت پر کبھی امریکی عدالتوں نے حتمی فیصلہ نہیں دیا اسی لیے اگر قرارداد منظور بھی ہو جاتی تو اس کے نتیجے میں صدر کو فوری طور پر فوج واپس بلانے کا قانونی پابند بنانا مشکل ہوتا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار