آپریشن سندور سے متعلق سی ایچ پی ایم کی جانبدارانہ رپورٹ، ماہرین نے سنجیدہ سوالات اٹھادیے
اشاعت کی تاریخ: 29th, January 2026 GMT
آپریشن سندور سے متعلق سی ایچ پی ایم کی رپورٹ پر سنجیدہ سوالات اٹھائے جا رہے ہیں جسے ماہرین نے غیر معروضی اور تجزیاتی سختی سے عاری قرار دیا ہے۔
یہ بھی پڑھیں : ’آپریشن سندور پر آپ ویڈیو بنانے میں جلدی کرگئے‘، پاکستانی کے سوال پر دھرو راٹھی لاجواب ہوگئے
ناقدین کے مطابق رپورٹ میں بھارتی مؤقف اور بیانیے پر حد سے زیادہ انحصار کیا گیا ہے جبکہ اس کے برعکس موجود شواہد، متضاد حقائق اور منطقی تضادات کو مکمل طور پر نظر انداز کر دیا گیا ہے۔
تنقید کرنے والوں کا کہنا ہے کہ رپورٹ میں متنازع دعوؤں کو حقائق کے طور پر پیش کیا گیا ہے اور قابلِ تصدیق جوابی شواہد کو شامل نہیں کیا گیا جس کے باعث رپورٹ کی ساکھ بری طرح متاثر ہوئی ہے۔ ماہرین کے مطابق اس طرزِ عمل نے رپورٹ کو ایک سنجیدہ اسٹریٹجک تجزیے کے بجائے وکالتی یا جانبدارانہ تحریر بنا دیا ہے۔
مزید پڑھیے: آپریشن سندور میں بھارت کے کتنے اور کون کون سے جنگی طیارے تباہ ہوئے، تفصیلات سامنے آگئیں
ان کا کہنا ہے کہ کسی بھی پالیسی یا سیکیورٹی تجزیے کے لیے ضروری ہے کہ تمام دستیاب شواہد، مختلف نقطۂ نظر اور زمینی حقائق کو غیر جانبداری سے پرکھا جائے، تاہم مذکورہ رپورٹ اس بنیادی معیار پر پورا نہیں اترتی جس سے اس کی افادیت اور معتبر حیثیت پر سوالات جنم لیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار