پاکستان بنگلہ دیش میں 14 برس بعد فضائی رابطے بحال
اشاعت کی تاریخ: 30th, January 2026 GMT
کراچی (نوائے وقت رپورٹ) پاکستان اور بنگلہ دیش کے درمیان 14 سال بعد براہ راست فضائی رابطے بحال ہو گئے۔ بنگلہ دیش کی قومی ایئرلائن کی پہلی پرواز گزشتہ رات 11 بجے ڈھاکہ سے کراچی ایئرپورٹ پر پہنچی۔ ڈھاکہ اور کراچی کے درمیان پرواز کا دورانیہ تین گھنٹے سے بنگلہ دیشی پرواز کی آمد پر خصوصی انتظامات کئے گئے تھے۔ پرواز کی روانگی سے پہلے حضرت شاہجالال بین الاقوامی ہوائی اڈے پر ربن کاٹنے کی تقریب کا انعقاد کیا گیا۔گورنر سندھ کامران ٹیسوری اور بنگلہ دیش کے ہائی کمشنر ائر پورٹ پر موجود تھے، کیک بھی کاٹا گیا، گورنر سندھ نے کہا بنگلہ دیش کے عوام کے سامنے بھارت کا مکروہ چہرہ بے نقاب ہو چکا ہے۔ بھارت نے کرکٹ میں بھی بنگلہ دیش کے ساتھ سازش کی، بنگلہ دیشی عوام نے بھارتی سازشوں کو بے نقاب کیا، کرکٹ کے میدان میں بھارتی سازش کسی سے ڈھکی چھپی نہیں، بھارت نے پاکستان اور بنگلہ دیش میں غلط فہمیاں پیدا کیں جس طرح بھارت پاکستان میں دہشتگردی کر رہا اسی طرح بنگلہ دیش میں بھی سازشوں اور دہشتگردی کو جاری رکھا ہوا ہے۔
.
ذریعہ
ذریعہ: Nawaiwaqt
کلیدی لفظ: بنگلہ دیش کے
پڑھیں:
کراچی: سرجانی ٹاؤن میں فائرنگ سے باپ، بیٹا جاں بحق، دوسرا بیٹا زخمی
کراچی کے علاقے سرجانی ٹاؤن میں فائرنگ سے باپ اور بیٹا جاں بحق ہوگئے جبکہ دوسرا بیٹا زخمی ہوگیا، واقعہ ذاتی لڑائی جھگڑے کے باعث پیش آیا۔ فائرنگ کے بعد ملزم فرار ہوگیا۔
ایس ایس پی ویسٹ طارق مستوئی کے مطابق سرجانی ٹاؤن کے علاقے روزی گوٹھ میں دو برادریوں کے درمیان جھگڑا ہوا تھا جو ذاتی نوعیت کا تھا۔
اس دوران فائرنگ کا واقعہ پیش آیا جس سے باپ اور اس کا ایک بیٹا دم توڑ گئے جبکہ دوسرا بیٹا زخمی ہے جس کی حالت تشویشناک ہے اور عباسی شہید اسپتال میں زیر علاج ہے۔
ایس ایس پی غربی نے مزید بتایا کہ ابتدائی طور پر حاصل کردہ معلومات کے مطابق فائرنگ عظیم نامی شخص نے کی جو فرار ہوگیا اس کی تلاش میں پولیس مختلف مقامات پر چھاپے مار رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ