قابض اسرائیلی فوج نے پہلی بار غزہ جنگ میں 71 ہزار فلسطینیوں کے قتل کا اعتراف کرلیا
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
مقبوضہ بیت المقدس: غزہ میں تباہ کن جنگ کے بعد اسرائیلی فوج نے پہلی مرتبہ 71 ہزار فلسطینیوں کے قتل کا اعتراف کرلیا۔
بین الاقوامی خبر رساں اداروں کے مطابق اسرائیلی دفاعی فورسز نے تسلیم کیا ہے کہ اکتوبر 2023 سے جاری فوجی کارروائیوں کے نتیجے میں تقریباً 71 ہزار فلسطینی شہید ہو چکے ہیں۔ یہ اعتراف ایسے وقت میں سامنے آیا ہے جب طویل عرصے سے اسرائیل، غزہ کی وزارت صحت کی جانب سے جاری اعداد و شمار کو مسترد کرتا رہا ہے۔
اسرائیلی ذرائع ابلاغ کے مطابق فوجی حکام نے ماننا ہے کہ یہ تعداد صرف ان فلسطینیوں پر مشتمل ہے جو براہ راست بمباری اور زمینی حملوں میں جان سے گئے جب کہ ان ہزاروں افراد کو اس فہرست میں شامل نہیں کیا گیا جو ملبے تلے دبے ہوئے ہیں، لاپتا ہیں یا بھوک اور بیماریوں کے باعث دم توڑ چکے ہیں۔
انسانی حقوق کی تنظیموں کے مطابق اصل تعداد اس سے کہیں زیادہ ہو سکتی ہے، کیونکہ غزہ کا بنیادی ڈھانچہ مکمل طور پر تباہ ہو چکا ہے اور درست اعداد و شمار جمع کرنا انتہائی مشکل ہو چکا ہے۔
غزہ کی وزارت صحت کا کہنا ہے کہ اسرائیلی جارحیت کے نتیجے میں اب تک 71 ہزار 667 فلسطینی شہید ہو چکے ہیں، جن میں سے 90 فیصد سے زائد افراد کی شناخت مکمل ہو چکی ہے۔ وزارت کے مطابق شہدا میں بڑی تعداد خواتین اور بچوں کی ہے، جو اس جنگ میں عام شہریوں کو نشانہ بنائے جانے کا واضح ثبوت ہے۔
اقوام متحدہ اور دیگر عالمی ادارے بھی غزہ کی وزارت صحت کے اعداد و شمار کو قابلِ اعتماد قرار دیتے رہے ہیں۔
دوسری جانب جنگ بندی کے دوسرے مرحلے کے آغاز کے باوجود اسرائیلی فورسز کی جانب سے غزہ میں جارحانہ کارروائیاں مکمل طور پر بند نہیں ہو سکیں۔ حالیہ واقعات میں خان یونس کے مشرقی علاقوں میں اسرائیلی فوج کی فائرنگ اور کارروائیوں کے نتیجے میں مزید 2 فلسطینی شہید ہوئے۔
مقامی طبی ذرائع کے مطابق یہ علاقے اب بھی اسرائیلی فوجی سرگرمیوں کی زد میں ہیں، جس کے باعث مقامی آبادی شدید خوف اور غیر یقینی صورتحال کا شکار ہے۔
ریڈ کراس کی جانب سے تصدیق کی گئی ہے کہ اسرائیل سے 15 فلسطینیوں کی لاشیں غزہ منتقل کی گئی ہیں، جب کہ قیدیوں کے تبادلے کا عمل حالیہ دنوں میں مکمل ہوا۔ فلسطینی حلقوں کا کہنا ہے کہ لاشوں کی واپسی اس بات کی علامت ہے کہ اسرائیلی کارروائیوں میں بڑے پیمانے پر انسانی جانوں کا ضیاع ہوا ہے، جسے طویل عرصے تک چھپانے کی کوشش کی جاتی رہی۔
واضح رہے کہ پاکستان نے ایک بار پھر فلسطینی ریاست کے قیام کے لیے واضح اور وقت کے تعین پر مبنی منصوبے کا مطالبہ کیا ہے۔ اقوام متحدہ میں پاکستان کے مستقل مندوب نے اسرائیل کی جانب سے اقوام متحدہ کی تنصیبات کو نشانہ بنانے اور مقبوضہ علاقوں میں آبادی کے تناسب کو بدلنے کی کوششوں کی سخت مذمت کی۔ پاکستان نے واضح کیا کہ فلسطینی عوام کے حقوق کی پامالی خطے کے امن کے لیے سنگین خطرہ ہے اور عالمی برادری کو اس پر فوری اور مؤثر کردار ادا کرنا ہوگا۔
.
ذریعہ
ذریعہ: Jasarat News
کلیدی لفظ: کی جانب سے کے مطابق
پڑھیں:
جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا
جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا WhatsAppFacebookX 0 23 July, 2026 سب نیوز
جد ہ (خالد نواز چیمہ )قونصل خانہ جنرل پاکستان، جدہ میں ڈپٹی قونصل جنرل کے عہدے پر اہم انتظامی تبدیلی عمل میں آ گئی ہے۔ وزارتِ خارجہ پاکستان کی جانب سے محترمہ فرینہ ارشد کو ڈپٹی قونصل جنرل، جدہ تعینات کیا گیا ہے، جنہوں نے اپنی ذمہ داریاں باقاعدہ طور پر سنبھال لی ہیں۔
محترمہ فرینہ ارشد ایک سینئر اور تجربہ کار کیریئر سفارت کار ہیں، جنہیں سفارتی خدمات کا پندرہ سال سے زائد کا وسیع تجربہ حاصل ہے۔ اپنے پیشہ ورانہ کیریئر کے دوران وہ مختلف اہم سفارتی اور انتظامی ذمہ داریوں پر خدمات انجام دے چکی ہیں اور اپنی صلاحیتوں کے باعث وزارتِ خارجہ کے ممتاز افسران میں شمار ہوتی ہیں۔
قونصل خانہ جنرل پاکستان، جدہ کی جانب سے محترمہ فرینہ ارشد کا خیرمقدم کرتے ہوئے ان کے لیے نیک تمناں کا اظہار کیا گیا ہے۔ قونصل خانے نے امید ظاہر کی ہے کہ وہ اپنی پیشہ ورانہ مہارت، تجربے اور قائدانہ صلاحیتوں کو بروئے کار لاتے ہوئے پاکستانی کمیونٹی کو فراہم کی جانے والی قونصلر خدمات کو مزید مثر، تیز رفتار اور عوام دوست بنانے کے ساتھ ساتھ پاکستان اور سعودی عرب کے درمیان دوطرفہ تعلقات کے فروغ میں بھی اہم کردار ادا کریں گی۔
دوسری جانب، سابق ڈپٹی قونصل جنرل محترمہ سعدیہ وقار النسا کو فوری طور پر پاکستان واپس رپورٹ کرنے کی ہدایت جاری کر دی گئی ہے۔ انہوں نے اپنے دورِ تعیناتی کے دوران پاکستانی کمیونٹی کی خدمت، قونصلر امور اور عوامی مسائل کے حل کے لیے قابلِ قدر خدمات انجام دیں، جنہیں کمیونٹی کی جانب سے سراہا گیا۔
واضح رہے کہ قونصل خانہ جنرل پاکستان، جدہ میں ڈپٹی قونصل جنرل کا منصب انتہائی اہمیت کا حامل ہے۔ اس عہدے پر تعینات افسر سعودی عرب کے مغربی ریجن میں مقیم لاکھوں پاکستانیوں کو قونصلر خدمات کی فراہمی، کمیونٹی ویلفیئر، عوامی رابطوں اور پاکستان و سعودی عرب کے برادرانہ تعلقات کے استحکام میں کلیدی کردار ادا کرتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرمقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ اگلی خبرامریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا